Fanongonongo

◼ Tohi ke tuʻuaki ʻi Tīsema: Ko Hono ʻAi Hoʻo Moʻui Fakafāmilí ke Fiefia. Sanuali: Fāʻūtaha ʻi he Lotu ki he ʻOtua Moʻoni Pē Taha pe ko ha tohi peesi 192 pē ʻoku maʻu nai ʻi he sitoka ʻa e fakatahaʻangá. Ko e ngaahi fakatahaʻanga ko ia ʻoku ʻikai ala maʻu haʻanau ngaahi tohi peheé ʻe lava nai ke nau tuʻuaki ʻa e Te Ke Malava ʻo Moʻui Taʻengata he Palataisi ʻi he Māmaní. Fepueli: The Greatest Man Who Ever Lived. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi.

◼ ʻOku totonu ke kamata kole ʻa e ngaahi fakatahaʻangá ki he 1999 Yearbook of Jehovah’s Witnesses fakataha mo ʻenau tohi kole ʻo Tīsemá. Ko e Yearbook ʻe ala maʻu ia ʻi he lea faka-Falanisē, Finilani, Hōlani, Hungali, Kalisi, Kōlea, Kolotia, Lūsia, Pilitānia, Pōlani, Potukali, Seki, Sēpia, Siaina, Siamane, Siapani, Sipeini, Suēteni, ʻAlepea, ʻInitonēsia, mo e faka-ʻĪtali. Kae ʻoua ke ala maʻu ʻa e Yearbook pea fai hono fakafolau atú ʻe hā ia ko e “Back Ordered” ʻi he lisi fakaheka ʻa e fakatahaʻangá. Ko e ngaahi Yearbook ko e meʻa ia ʻoku fai ʻa e kole makehe ki ai.

◼ ʻOku totonu ke kamata kole ʻa e ngaahi fakatahaʻangá ki he ngaahi voliume ʻo e The Watchtower mo e Awake! ki he 1998 fakataha mo ʻenau tohi kole ʻo Tīsemá. Ko e ngaahi voliumé ʻe ala maʻu ia ʻi he faka-Falanisē, Hōlani, Kalisi, Kōlea, Kolotia, Lumēnia, Lūsia, Pilitānia, Pōlani, Potukali, Siaina, Siamane, Siapani, Sipeini, mo e faka-ʻĪtali. ʻI hono ala maʻu ʻa e ngaahi voliumé pea fai hono fakafolau atú, ʻe hā ia ko e “Back Ordered” ʻi he lisi fakaheka ʻa e fakatahaʻangá. Ko e ngaahi voliumé ko e meʻa ia ʻoku fai ʻa e kole makehe ki ai.

◼ ʻOku totonu ki he ʻovasia tauhí, pe ko ha tokotaha kuó ne fili ke ne ʻaotitaʻi ʻa e fakamatala paʻanga ʻa e fakatahaʻangá ʻi Tīsema 1 pe ko e faingamālie vave tahá hili iá. ʻI he hili hono fai ení, fai ha fanongonongo ki he fakatahaʻangá hili hono lau ʻo e fakamatala paʻanga hono hokó.

◼ Ko e Fakamanatu ki he taʻu 2000 ʻe fai ia ʻi he Pulelulu, ʻEpeleli 19, hili e tō ʻa e laʻaá. Ko e fakatokanga tōmuʻa ko ení ʻoku fai ia koeʻuhi ke fai nai ʻe he fanga tokouá ha ngaahi taʻofi pe ngaahi aleapau ʻe fiemaʻú ki ha ngaahi holo ʻe ala maʻu ʻi he taimi ʻe ʻilo ai ʻoku ʻi ai ʻa e ngaahi fakatahaʻanga ʻe niʻihi ʻoku nau ngāueʻaki ʻa e Fale Fakatahaʻangá pea ʻoku fiemaʻu ke maʻu ʻa e ngaahi fale kehé. ʻOku totonu ke ʻi ai ʻa e felotoi ʻi he kau mātuʻá ki hono fakahokó ʻo fakapapauʻi heʻikai ha fakahohaʻa mei he ngaahi ngāue kehe ʻi he falé koeʻuhi kae fai ʻa e kātoanga ʻo e Fakamanatú ʻi ha founga melino mo maau. Koeʻuhi ko e mahuʻinga ʻo e meʻa ko iá, ʻi hono vaheʻi ha tokotaha malanga Fakamanatú, ko e kulupu ʻo e kau mātuʻá ʻoku totonu ke ne fili ha taha ʻo e kau mātuʻa tāu angé kae ʻikai ko ha fetongitongi pē, pe ngāueʻaki ʻa e tokoua tatau pē ʻi he taʻu kotoa pē. ʻE fai ha liliu kapau ʻoku ʻi ai ha tokotaha mātuʻa taau ʻo e kau paní ʻe lava ke ne fai ʻa e malangá.

◼ Ko ha polosiua kuo fakakaveinga ko e The Guidance of God​—Our Way to Paradise kuo teuteu ia ke vavé ni pē hono tukuange atú. Kuo faʻufaʻu ʻa e polosiuá ni ke fakamānako ki he kau Mosilemi kuo nau hē mei honau fonuá ʻa ia ʻoku nau nofo ʻi ha ʻātakai ʻa ia te nau ongoʻi tauʻatāina ai ke ako ʻa e Tohitapú. Kuo ʻai ʻa e polosiuá ke ala maʻu ia ʻi he ngaahi lea laka hake he 20. ʻI he taimi ní ʻe lava ke ʻoatu haʻamou ngaahi tohi kole ki he pulusinga faka-Pilitāniá pē. ʻE toki fanongonongo atu ʻa e pulusinga ʻi he lea kehé ʻi hano ala maʻu kinautolu.

◼ ʻI he fakaʻosinga kakato ʻe nima ʻo e uiké, ʻoku hoko ai ʻa e māhina Sanualí ko ha taimi lelei ia ki he tokolahi ke tāimuʻa tokoni ai.

◼ ʻOku Ala Maʻu ʻa e Ngaahi Tohi Foʻou:

Kamata ʻi he ʻīsiu ʻo Sanuali-Maʻasi 1999, ʻe pulusi ai ʻa e Awake! ʻi he lea faka-Tikilīniá mo e faka-Vietinemí ʻi ha pulusinga fakakuata.