Fanongonongo

◼ Tohi ke tuʻuaki ʻi Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻa e polosiua Fiemaʻu maʻá e kakai mahuʻingaʻiá, pea feinga ke kamata ha ngaahi ako Tohitapu ʻi ʻapi. Sune: ʻIlo ʻA Ia ʻOku Taki Atu ki he Moʻui Taʻengatá.

◼ Ko e kau malanga ʻoku nau saiʻia ke ngāue ko ha kau tāimuʻa tokoni ʻi ʻEpeleli mo Meé ʻoku totonu ke nau fai ʻenau fokotuʻutuʻú he taimí ni pea fakahū tokamuʻa atu ʻenau tohi kolé. ʻE tokoni ʻeni ki he kau mātuʻá ke nau fai ha ngaahi fokotuʻutuʻu ʻoku fiemaʻu ki he ngāue fakamalangá pea maʻu ha ngaahi makasini feʻunga mo e ngaahi tohi kehe. Ko e ngaahi hingoa ʻo e faʻahinga kotoa kuo taau ke tāimuʻa tokoní ʻoku totonu ke fanongonongo ia ki he fakatahaʻangá.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe faingamālie vave taha hili pē iá. ʻI he ʻosi hono fai ʻení fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻE fai ʻa e Fakamanatú ʻi he Tuʻapulelulu, ʻEpeleli 1, 1999. Kapau ko hoʻo fakatahaʻangá ʻoku faʻa fai anga-maheni ai ʻa e ngaahi fakatahá ʻi he Tuʻapulelulú, ko e ngaahi meʻá ni ke fetongi ia ki ha ʻaho kehe ʻo e uiké kapau ʻoku faingamālie ai ʻa e Fale Fakatahaʻangá. Kapau ʻoku ʻikai malava eni pea ʻe uesia ai ʻa hoʻo Fakataha Ngāué, ko e ngaahi konga ʻoku tautefito ʻene ʻaonga ki hoʻo fakatahaʻangá ʻe fakakau nai ia ʻi he Fakataha Ngāue ʻe taha.

◼ Ko kinautolu ko ia ʻoku feohi mo ha fakatahaʻangá ʻoku totonu ke nau ʻoatu ʻa e ngaahi tukuhau foʻou mo e fakafoʻou kotoa ki he Taua Leʻo mo e Awake!, kau ai mo ʻenau ngaahi tukuhau tāutahá, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha ki ha tohí. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he Sōsaietí koeʻuhi ko kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ke nau tala ia ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ Ko ha pepa ʻo e fakamatala fakalaó ʻoku ala maʻu ke tokoni ki he kau malanga ʻoku nau kau ki he ngaahi hopo fekauʻaki mo hono tauhi pea mo e ngaahi meʻa kau ki he ʻaʻahi ki ha kiʻi tama ʻa ia ʻoku fakafetauʻi ai ʻetau lotú. ʻOku totonu ke kole ʻa e pepá ʻe he kulupu pē ʻo e kau mātuʻá ʻi ha keisi ʻa ia ʻoku fakamoʻoniʻi ai ko e ngaahi tui fakalotu ʻa e tokotaha malangá ʻe fai ai ha fekīhiaki. Ki he faʻahinga ʻoku nau fehangahangai mo e ngaahi fekīhiaki fakamāmani ʻi hano tauhi mo e ʻaʻahi ki ha kiʻi tama, ʻe lava ke maʻu ha fakamatala ʻe tokoni ʻi he Awake! ʻo Tīsema 8, 1997, peesi 3-12, ʻi he Awake! ʻo ʻOkatopa 22, 1988, peesi 2-14, pea ʻi he saati ʻoku maʻu ʻi he Awake! ʻo ʻEpeleli 22, 1991, peesi 9.