Ngaahi Fakataha Ngāue ki Maʻasi

Uike Kamata Maʻasi 1

Hiva 84

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

17 min: “Fakamanatu ʻi Māmani Lahi ʻa e Pekia ʻa Kalaisí.” Fehuʻi mo e tali. Fakakau atu ki ai mo e ngaahi fakamatala ʻi he Taua Leʻo ʻo Fepueli 1, 1997, peesi 22-23, palakalafi 10-14. Fakamamafaʻi ʻa e anga hono fakaʻaiʻai ia ʻe he ʻofa lahi ʻa Sihová ke ne tokonaki mai ʻa e huhuʻí maʻatautolu.

20 min: Ngaahi ʻUhinga Mālohi ki he Tāimuʻa Tokoni ʻi ʻEpeleli mo Mē. Malanga mo e fetalanoaʻaki mo e kau fanongó ke fai ʻe he ʻovasia ngāué, ʻo enginaki ki he tokotaha kotoa pē ke fai ha tokanga fakamātoato ki he ngāue tāimuʻa tokoní. Fakamanatu ʻa e ngaahi fakatonutonu ʻi he houa ʻoku fiemaʻu ki he kau tāimuʻa tuʻumaʻú mo tokoní, naʻe ʻomai ʻi he ʻEtau Ngāue Fakafaifekau ʻo e Puleʻanga ʻo Sanuali 1999, peesi 5. Ko e fakatonutonu ko ʻení ʻoku totonu ke ne ʻai ke malava ai ʻa e tokolahi ange ke fiefia ʻi he monū ʻo e ngāue taimi-kakató. Fakamatalaʻi ʻa e founga ʻoku ueʻi mālohi ai kitautolu ʻe heʻetau houngaʻia ki he feilaulau ʻa Kalaisí ke fakaivimālohiʻi kitautolu ʻi he malanga ki he niʻihi kehé. (2 Kol. 5:​14, 15) ʻI he taʻú ni ʻoku tō ai ʻa e Fakamanatú ʻi he ʻuluaki ʻaho ʻo ʻEpelelí. Ko ha fakaʻaiʻai lelei ē ki he kotoa ʻo e kau malanga ʻo e Puleʻangá ke līʻoa atu ʻa e māhiná kotoa ke fakatupulekina ʻa e ngāue fakamalangá! Fakamanatu ʻa e ngaahi meʻa mahuʻinga kuo filifili mei he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1997 mo Maʻasi 1998 fekauʻaki mo e ngāue tāimuʻa tokoní. Lave ki he ngaahi founga ke liliu ki ai ʻa e ngaahi taimi-tēpile ʻahiʻahi kuo ʻosi tokonakí. Fakamanatu ʻa e ngaahi fokotuʻutuʻu ngāue fakalotofonuá, ʻa ia ʻoku ʻomai ai ʻa e faingamālie feʻunga ke kau ai ki he ngāue fakafaifekaú fakataha mo e niʻihi kehé. Fakalototoʻaʻi ʻa e kau malangá ke nau maʻu ʻa e ngaahi tohi kole tāimuʻa tokoní he hili ʻa e fakatahá.

Hiva 135 mo e lotu tuku.

Uike Kamata Maʻasi 8

Hiva 84

10 min: Ngaahi fanongonongo fakalotofonua. Fakamatala paʻangá.

20 min: “Fakaafeʻi Kinautolu ke Haʻu.” Fehuʻi mo e tali. Fakamamafaʻi ʻa e fiemaʻu maʻu pē ke tataki ʻa e faʻahinga mahuʻingaʻia foʻoú ki he ngaahi fakataha ʻa e fakatahaʻangá. Fakahāhaaʻi ha fetalanoaʻaki mo ha tokotaha mahuʻingaʻia, ʻo ngāueʻaki ʻa e fakamatala ʻi he tohi ʻIlo, peesi 159, palakalafi 20, mo e peesi 162-163, palakalafi 5-8. Fakalototoʻaʻi ʻa e tokotaha kotoa pē ke fai ha feinga makehe ke tokoniʻi ʻa e kau ako Tohitapú pea mo e faʻahinga mahuʻingaʻia kehé ke maʻu ʻa e Fakamanatú ʻi ʻEpeleli 1. Fakaʻaliʻali ha tatau ʻo e tohi fakaafe kuo pulusí, pea fakamatalaʻi ʻa e founga ʻe lava ai ke ngāueolaleleiʻakí. ʻOku totonu ki he tokotaha kotoa pē ke kamata tufa ʻa e ngaahi tohi fakaafe Fakamanatú ʻi he uiké ni.

15 min: “Founga ke Fengāueʻaki Fakataha Ai ʻa e Ngaahi Mēmipa ʻo e Fāmilí ke Kau Kakato​—Ki he Ngaahi Fakataha ʻa e Fakatahaʻangá.” Fetalanoaʻaki ʻa ha fāmili. ʻI heʻenau fakamatala ki he ngaahi poini tefito ʻi he kupú, ʻoku nau fetalanoaʻaki ki he founga ʻe lava ai ke nau teuteu ki he ngaahi fakatahá ko ha fāmili. ʻOku nau fetalanoaʻaki ki he ngaahi founga ʻe lava ai ke nau fetokoniʻaki ke kau, pea mo e meʻa kuo pau ke fai maʻá e fāmilí ke aʻu ai ki he ngaahi fakatahá ʻi he taimí.

Hiva 163 mo e lotu tuku.

Uike Kamata Maʻasi 15

Hiva 56

7 min: Ngaahi fanongonongo fakalotofonua.

18 min: “Fai ʻe he Kau Sevāniti Fakafaifekaú ʻa e Ngāue Mahuʻinga.” Malanga ke fai ʻe ha sevāniti fakafaifekau taau. Fakamanatu ʻa e ngaahi poini tefito ʻoku ʻomai ʻi he tohi Our Ministry, peesi 57-59. Fakamatalaʻi ʻa e founga ʻoku ngāueʻaki fakalotofonua ai ʻa e kau sevāniti fakafaifekaú ke tokoni ki he fakatahaʻangá.

20 min: Fiefia ʻi he Yearbook 1999. Fetalanoaʻaki ʻi he vahaʻa ʻo ha husepāniti mo ha uaifi. ʻOku fakamatalaʻi ʻe he husepānití naʻe ʻuluaki pulusi ʻa e Yearbook ʻi he tohi ʻi he 1927 pea laka hake ʻi he taʻu ʻe 70, kuo fakakau atu ki ai ʻa e līpooti ʻi māmani lahi ʻa e Kau Fakamoʻoni ʻa Sihová. ʻOkú na fakamanatu ʻa e ngaahi meʻa mahuʻinga ʻo e “Fakakātoa ʻo e 1998,” ʻi he peesi 31. Peá na fetalanoaʻaki leva ki he “Tohi mei he Kulupu Pulé,” ʻi he peesi 3-5, pea fakamatalaʻi ʻa e founga te na muimui ofi ai ʻi he fakalototoʻa kuo ʻomaí.

Hiva 163 mo e lotu tuku.

Uike Kamata Maʻasi 22

Hiva 162

10 min: Ngaahi fanongonongo fakalotofonua. Fanongonongo ʻa e ngaahi hingoa ʻo e faʻahinga te nau ngāue tāimuʻa tokoni ʻi ʻEpelelí. Fakamatalaʻi ʻoku ʻikai ke fuʻu tōmui ke ʻomai ha tohi kole. Fakahaaʻi ʻa e taimi-tēpile fakakātoa ʻo e ngaahi fakataha ki he ngāué kuo fokotuʻutuʻu ki ʻEpelelí. Fakaʻaiʻai ʻa e tokotaha kotoa pē ke muimui ʻi he taimi-tēpile lau Tohitapu ki he Fakamanatú ki Maʻasi 27–ʻEpeleli 1, ʻoku fakahaaʻi ʻi he Ko Hono Vakaiʻi Fakaʻaho ʻa e Tohitapú​—1999 pea ʻi he 1999 Calendar.

17 min: Teuteu ki he Fakamanatú. Ko ha malanga. ʻOku totonu ki he tokotaha kotoa pē ke fai ha ngaahi fokotuʻutuʻu ke tokoniʻi ʻa e kau ako Tohitapú pea mo e faʻahinga mahuʻingaʻia kehé ke nau maʻu ʻa e Fakamanatú. ʻE ʻikai nai ke mahinoʻi ʻe he faʻahinga foʻou ʻoku ʻi aí pe ko hai ʻoku maʻu ʻinasi nai ʻi he maá mo e uainé pe ko e mahuʻinga ʻo e kātoanga ko ʻení. Fakamanatu ʻa e meʻa ʻoku hā ʻi he Taua Leʻo ʻo ʻEpeleli 1, 1996, peesi 6-8, pea fakahā ʻa e founga ʻoku lava ai ke tau tokoniʻi ha taha mahuʻingaʻia foʻou ke ne maʻu ʻa e ʻuhinga mo e taumuʻa ʻo e kātoanga ko ʻení. Fakaʻosiʻaki hono fakamanatu ʻa e “Ngaahi Meʻa ke Manatuʻi ki he Fakamanatú” pea fakahaaʻi ʻa e ngaahi fokotuʻutuʻu ki he Fakamanatu fakalotofonuá.

18 min: Laumālie ʻo e Kau Maté​—ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni? Fetalanoaʻaki ʻa ha tokotaha mātuʻa mo e kau malanga taau ʻe toko ua pe toko tolu ʻo kau ki he mahuʻinga pea mo hono ngāueʻaki ʻo e polosiuá. Naʻa tau hoko ʻo maheni lelei ange mo e polosiua ko ʻení ʻi he taimi naʻa tau ako ai ia ʻi he Ako Tohi ʻa e Fakatahaʻangá. ʻOku tau ngāueolaleleiʻaki ia ʻi he malaʻe malangá? Ko e fetalanoaʻaki ʻa e faʻahinga ʻoku kau ki he kongá ʻi he meʻa hoko haké: Ko e hā ʻoku mahuʻingaʻia ai ʻa e kakai tokolahi ʻi he kaveinga ko ʻení? ʻI he faikehekehe mo e ngaahi akonaki fakalotu loí, ko e hā ʻa e ʻamanaki ʻoku fakaeʻa ʻe he polosiua ko ʻení? ʻE lava fēfē ke tau ngāueʻaki ʻa e ngaahi fehuʻi ʻi he peesi 3 ke langaʻi hake ʻa e mahuʻingaʻiá? Ko e hā ʻa e ngaahi faingamālie ʻoku ʻi ai ke tuʻuaki ai ʻa e polosiua ko ʻení? Fakahāhaaʻi ha tuʻuaki ʻo ngāueʻaki ʻa e ngaahi konga Tohitapu ʻi he peesi 5. Fakaʻaiʻai ʻa e tokotaha kotoa pē ke tokanga ke ngāueleleiʻaki ʻa e polosiua ko ʻení.

Hiva 113 mo e lotu tuku.

Uike Kamata Maʻasi 29

Hiva 123

12 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau ngaahi līpooti ngāue fakamalanga ki Maʻasí. Te tau tuʻuaki ʻa e Taua Leʻo mo e Awake! he lolotonga ʻo ʻEpelelí. Fakaʻaliʻali ʻa e ngaahi tatau lolotonga ʻo e ngaahi makasiní, fokotuʻu ʻa e ngaahi kupu nai ʻe fakaeʻá, pea lave ki he ngaahi poini pau fakatupunga talanoa ʻe niʻihi. ʻOku totonu ki he tokotaha kotoa pē ke ne ʻave ʻa e polosiua Fiemaʻu pea ngāueʻaki ia ke kamata ha ngaahi ako Tohitapu mo e kakai mahuʻingaʻiá.

15 min: Ngaahi fiemaʻu fakalotofonuá.

18 min: ʻOku Totonu ke Fēfē ʻEtau Tali ki he Akonakí? Malanga ke fai ʻe ha tokotaha mātuʻa. Ko kitautolu kotoa pē ʻoku tau moʻulaloa ki he akonaki fekauʻaki mo hotau angá, ʻulungāngá, feohí, pe kau ʻi he ngaahi ngāue ʻa e fakatahaʻangá. ʻI he taimi ʻe niʻihi ʻoku tau hehema ke talitekeʻi ʻa e akonakí pe ʻita ai. Ko ha loto-lelei ke tali pea ngāueʻaki ʻa e akonakí ʻe lava ke mahuʻinga ia ki heʻetau moʻui lelei fakalaumālié. Fakamanatu ʻa e ngaahi meʻa tefito ʻoku fakamamafaʻi ai ʻa e ngaahi ʻuhinga ki he ʻuhinga ʻoku totonu ai ke tau tali pea houngaʻia ʻi he akonakí.​—Sio ki he Taua Leʻo ʻo Sepitema 1, 1987, peesi 21-24.

Hiva 98 mo e lotu tuku.