Taimi-Tēpile ki he Fakataha Ngāué

Uike Kamata Sanuali 10

Hiva 107

10 min: Ngaahi Fanongonongo Fakalotofonuá. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Ko Hono ʻAi ʻa e Huafa ʻo Sihová ke ʻIlo ʻe he Foʻi Māmaní Kotoa.” Fetalanoaʻaki ʻi he fehuʻi mo e tali. Fakakau ai mo e ngaahi fakamatala ʻi he fakamoʻoni ʻi he founga ʻikai anga-mahení mei he tohi Our Ministry, peesi 93-94.

20 min: Ko Hono Fai ha Fili Fakalao ki he Faitoʻo ʻIkai ha Toto ki Hono Tokangaʻi ʻo e Moʻuí. (Ng. 15:​28, 29) Ko ha tokotaha mātuʻa taau ke ne fakamatalaʻi ʻa e mahuʻinga ʻo hono fakafonu ʻa e kaati Advance Medical Directive/Release, ʻo makatuʻunga ʻi he fakamatala hoko haké mo e tohi ʻi ʻOkatopa 15, 1991. Ko e fakahinohino fakamānavaʻi ʻi he Sāme 19:7 ʻoku hā ai ko e Ngāue 15:​28, 29 ko ha fakahāhā ia ʻo e lao haohaoa ʻa e ʻOtuá ki he totó. ʻOku feinga ʻa e kau lotu mateakí ke pouaki ʻa e lao ko iá. Ko e kaati ko ʻení ʻokú ne ʻai ke ʻiloa hoʻo fakapapau ke fai peheé pea lea maʻau ʻi he taimi ʻoku ʻikai ai te ke malava ke lea maʻaú. (Fakafehoanaki mo Palovepi 22:3.) Ko ha kaati foʻou ʻoku tokonaki mai ai ha fakamatala lolotonga ʻo hoʻo fakafisi ke ngāueʻaki ʻa e totó. ʻI he hili ʻa e fakataha ko ʻení, ʻe ʻoatu ai ki he Kau Fakamoʻoni ʻosi papitaisó ha kaati foʻou, pea ko e faʻahinga ʻoku ʻi ai ʻenau fānau iiki ʻoku teʻeki ke papitaisó te nau maʻu ha Identity Card ki he kiʻi tama taki taha. Ko e ngaahi kātí ʻe ʻikai ke fakafonu ia ʻi he pō ko ʻení. ʻOku totonu ke fakafonu fakalelei kinautolu ʻi ʻapi kae ʻOUA ʻe fakamoʻoni hingoa ai. Ko e fakamoʻoni hingoá, fakamoʻoní, pea mo e ʻaho ki he ngaahi kātí kotoa ʻe fai ia ʻi he hili ʻa e Ako Tohi hono hoko ʻa e Fakatahaʻangá, ʻo tokangaʻi ʻe he tokotaha faiako ʻo e ako tohí. Ki muʻa ke fakamoʻoni hingoá, fakapapauʻi ʻoku fakafonu kakato ʻa e ngaahi kātí. Ko e faʻahinga ʻoku nau fakamoʻoni hingoa ko e kau fakamoʻoní ʻoku totonu ke nau sio tonu ʻi he fakamoʻoni hingoa ʻi he kātí ʻa e tokotaha ʻoku ʻaʻana ʻa e kātí. ʻI hono liliu lea mei he kaati ko ʻení ki honau ngaahi tuʻunga mo e ngaahi tuipau pē ʻa kinautolú, ko e kau malanga teʻeki papitaisó te nau hiki nai haʻanau fakahinohino pē ʻa kinautolu ke nau ngāueʻaki pea mo ʻenau fānaú. ʻOku totonu ki he kau faiako ʻo e Ako Tohí ke nau ʻai ha lisi ke fakapapauʻi ai ko e faʻahinga kotoa pē kuo vaheʻi ki heʻenau kulupú ʻoku nau maʻu ʻa e tokoni ʻoku nau fiemaʻu ki hono fakafonu ʻa e kaati Advance Medical Directive/Release.

Hiva 163 mo e lotu tuku.

Uike Kamata Sanuali 17

Hiva 51

10 min: Ngaahi fanongonongo fakalotofonuá. Fakamatala paʻangá.

15 min: Ngaahi fiemaʻu fakalotofonuá.

20 min: “Ngāueʻaki ʻa e Ngaahi Tulekí ke Kamata ha Ngaahi Fetalanoaʻaki.” Fakamanatu ha ngaahi tuleki ʻe fā nai ʻoku ngāueʻaki anga-maheni ʻi he feituʻú. Fokotuʻu ha fehuʻi ʻa ia ʻe tali ʻe he tuleki taki taha. Fakaafeʻi ʻa e kau fanongó ke nau ʻomai ʻa e founga naʻe lava ke ngāueʻaki ai ha fehuʻi ke kamata ha fetalanoaʻaki pea malava ke iku atu ai ki ha ako Tohitapu. Fakahāhaaʻi ʻa e founga hono fai nai ʻení ʻaki ʻa e ongo tuleki ʻe ua.

Hiva 172 mo e lotu tuku.

Uike Kamata Sanuali 24

Hiva 163

10 min: Ngaahi fanongonongo fakalotofonuá mo e ngaahi meʻa naʻe hokosia ʻi he ngāue fakamalangá.

15 min: “Fai ha Tokanga ki he Folofola ʻa Sihová ʻi he ʻAho Kotoa Pē!” Malanga mo e fetalanoaʻaki mo e kau fanongó. Fakaʻaiʻai ʻa e tokotaha kotoa pē ke ngāueleleiʻaki ʻa e Ko Hono Vakaiʻi Fakaʻaho ʻa e Tohitapú​—2000. Fakakau ai ʻa e ngaahi fakamatala mei he talateú, peesi 3-4. Fakaafeʻi ʻa e kau malangá ke nau lave ki he founga ʻoku nau fai ai ha feinga makehe ke lāulea ki he konga tohí mo e fakamatalá ʻi he ʻaho taki taha.

20 min: “Te Ke ʻI Ai?” Malanga mo e ngaahi meʻa naʻe hokosia, ke fai ʻe ha tokotaha mātuʻa. Ko e ngaahi fakatahataha lalahí ʻoku hoko ia ko ha ngafa lahi ʻi hono fakaivimālohiʻi ʻa e kakai ʻa e ʻOtuá mei he ngaahi taimi ʻo e Tohitapú ʻo aʻu mai ki hotau ʻahó ni. (Sio ki he tohi Proclaimers, peesi 254, palakalafi 1-3, mo e Insight, Voliume 1, peesi 821, palakalafi 5.) Fakaʻaiʻai ʻa e tokotaha kotoa pē ke kamata hono fai ha ngaahi teuteu he taimí ni ke maʻu kotoa ʻa e ngaahi ʻaho ʻe tolu ʻo e fakataha-lahi fakavahe ʻo e taʻu ní. Fakaafeʻi ʻa e kau fanongó ke nau lave ki he ngaahi meʻa naʻe hokosia ʻoku hā ai ko ʻenau ngaahi feinga tōtōivi ke ʻi ai ʻi he kuohilí naʻe fakapaleʻi fakalaumālie.

Hiva 157 mo e lotu tuku.

Uike Kamata Sanuali 31

Hiva 98

12 min: Ngaahi fanongonongo fakalotofonuá. Fakamanatu ki he tokotaha kotoa pē ke ʻomai ʻenau ngaahi līpooti ki Sanualí. Lave ki he tohi ʻoku tuʻuaki ʻi Fepuelí: Ko e tohi Family Happiness. Fakahāhaaʻi ʻa e founga ʻoku lava ai ke ngāueʻaki ʻa e ngaahi fehuʻi ʻe tolu ʻi he puha ʻi he peesi 12 ʻo e tohí ko ha makatuʻunga ki hono fakakau mai ha tokotaha ki he fetalanoaʻakí.

15 min: Ko e Tali ki ha Fehuʻi Fekauʻaki mo e ‘Fakaʻilongaʻí.’ Malanga ke fai ʻe ha tokotaha mātuʻa, ʻo makatuʻunga ʻi he Taua Leʻo ʻo Siulai 15, 1999, peesi 29-31.

18 min: Founga ke Tokoniʻi Ai ʻa e Niʻihi Kehé Ke Nau ʻIloʻi ʻa e Lotu Moʻoní. Fetalanoaʻaki ʻi he vahaʻa ʻo ha sevāniti fakafaifekau taau pea mo e kau malanga lavameʻa ʻe toko ua pe toko tolu ʻo fekauʻaki mo e founga ʻoku maongo nai ai ki he kakaí ʻa e Kau Fakamoʻoni ʻa Sihová ka ʻoku ʻikai ke nau mahinoʻi lelei ʻa e faikehekehe ʻi he vahaʻa ʻo e ngaahi lotu kehé pea mo haʻatautolú. Fakamanatu ʻa e ngaahi poini ʻe hongofulu ʻoku ʻomai ʻi he peesi 20 ʻo e Awake! ʻo Mē 8, 1995. Fakamatalaʻi ʻa e founga ʻoku malava ke tokoniʻi ai ʻa e tokotaha loto-totonú ʻe he ngaahi meʻa tefito ko ʻení ke ne sio fakatouʻosi ai ki he faikehekehe ʻi he vahaʻa ʻo e lotu moʻoní mo e lotu loí pea mo e fiemaʻu ke ne ako mei he kakai ʻa Sihová pea feohi mo kitautolu.

Hiva 195 mo e lotu tuku.

Uike Kamata Fepueli 7

Hiva 113

8 min: Ngaahi fanongonongo fakalotofonuá.

17 min: Fakamanatu ʻa e Tohi Daniel’s Prophecy. Malanga mo e fetalanoaʻaki mo e kau fanongó. Fakamanatu ʻa e ngaahi meʻa mahuʻinga ʻo e tohi foʻoú: ʻa e ngaahi kaveinga fakatupu tokanga ʻo e vahé, ngaahi fakatātā ʻata leleí, ngaahi puha mo e ngaahi fehuʻi ʻosi sivisiviʻi ʻi he ngataʻanga ʻo e fakamatala taki taha, ngaahi mape mo e ngaahi saati ʻokú ne fakamāʻalaʻala ʻa e ngaahi fakaikiikí. Lāulea ki he fakamatala fakalototoʻa ʻo e founga ʻe “tuʻu hake” ai ʻa Maikeli ʻi ha founga makehé (peesi 288-290). Fakamatalaʻi ʻa e mahuʻinga ʻo ʻetau kātaki ʻi he tuʻunga ko e kau faiako ʻo e Folofola ʻa e ʻOtuá (peesi 311-312). Ko kitautolu kotoa ʻoku totonu ke tau lau fakalelei ʻa e tohí pea fakaʻaiʻai ʻa e faʻahinga mahuʻingaʻiá ke nau fai ʻa e meʻa tatau.

20 min: Naʻa Nau Fai ʻa e Fili Fakapotopoto. Malanga makatuʻunga ʻi he Taua Leʻo ʻo Nōvema 1, 1997, peesi 17-19, palakalafi 3-16. Lave ki he ngaahi fakamatala ʻa e kau tāimuʻá, ʻo fakahaaʻi ai ʻa e ʻuhinga naʻa nau ongoʻi ai ko ʻenau moʻuí naʻe fakamoleki ia ʻi he founga fakapaleʻi, mo ʻaonga tahá. Fakaʻaiʻai ʻa e tokotaha kotoa pē ʻi he kau maʻu fakatahá ke nau fakapapauʻi ʻenau ngaahi taumuʻa pē ʻanautolu ki he ngāue tāimuʻá.

Hiva 51 mo e lotu tuku.