Taimi-Tēpile ki he Fakataha Ngāué
Uike Kamata ʻOkatopa 9
Hiva 168
8 min: Ngaahi fanongonongo fakalotofonuá. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
12 min: “Tokanga ki he Ngaahi Ngāue Fakaofo ʻa e ʻOtuá.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. ʻOhake ha ngaahi fakatātā ʻe niʻihi ʻi he tohi foʻoú ʻa ia ʻokú ne langaʻi ʻa e houngaʻia ki he kikite ʻa ʻAiseá.
25 min: “Ko e Mileniume Foʻoú—Ko e Hā ʻOku Tauhi Mai ʻe he Kahaʻú Maʻaú?” Malanga fakalotomāfana ke fai ʻe he ʻovasia ngāué. ʻI he hili ʻa hono lau ʻa e fanongonongo kuo tokonaki mai ʻi he tohi ʻa e Sōsaietí ʻi Siulai 3, 2000 ki he kau mātuʻá, tufa atu ha tatau ʻe taha ʻo e Ongoongo ʻo e Puleʻangá Fika 36 ki he tokotaha taki taha ʻi he kau fanongó. Pea hoko atu ʻaki ha fetalanoaʻaki ʻi he fehuʻi mo e tali ʻi he kupú. Fakamatalaʻi ʻa e ngaahi fokotuʻutuʻu fakalotofonua ki hono kāpui fakaʻaufuli ʻo e feituʻú. Lāulea ki he founga ke tokoniʻi ai ʻa e faʻahinga foʻoú pea mo e fānaú ke nau taau ko ha kau malanga teʻeki papitaisó. Fakahāhaaʻi ha tuʻuaki nounou. Fakamamafaʻi ʻa e fiemaʻu ki he tokotaha kotoa pē ke ne kau kakato ʻi he feingangāue ko ʻení.
Hiva 123 mo e lotu tuku.
Uike Kamata ʻOkatopa 16
Hiva 48
10 min: Ngaahi fanongonongo fakalotofonua. Fakamatala paʻangá. Fakamanatu ki he kau malangá ko e lolotonga ko ia ʻo e ngāue ʻi he fakaʻosinga ʻo e uiké ʻe tufa atu ai ʻa e ngaahi makasini Taua Leʻo mo e Awake! fakataha mo e Ongoongo ʻo e Puleʻangá Fika 36.
15 min: “Ngaahi Naunau ʻOku Nau Akoʻi, Ueʻi, mo Fakaivimālohí.” (Palakalafi 1 mo e 2 pē.) Ko ha malanga. Fakamanatu nounou ʻa e hisitōlia ʻo e hū atu ʻa e Sōsaietí ki hono ngaohi ʻo e foʻi vitioó. (Sio ki he tohi Proclaimers, peesi 600-601.) Fakalototoʻaʻi ʻa e tokotaha kotoa pē ke ne sio ʻi he foʻi vitiō ko e Jehovah’s Witnesses—The Organization Behind the Name ʻi he teuteu atu ki he fetalanoaʻaki he Fakataha Ngāué ʻi he uike ʻo ʻOkatopa 30. Ko e faʻahinga ʻoku nau maʻu ʻa e foʻi vitioó ʻoku malava ke nau vahevahe hono ngāueʻakí fakataha mo e niʻihi kehe ʻoku ʻikai te nau maʻu iá, pe mahalo ʻe malava ke nau sio fakataha ai.
20 min: Ko Kitautolu Kotoa ʻOku Lava Ke Tau Fakahāhā ʻa e Laumālie ʻo e Tāimuʻá. Fetalanoaʻaki ʻi he vahaʻa ʻo ha tokotaha faiako ako tohi pea mo ʻene tokotaha tokoní, ʻo makatuʻunga ʻi he Taua Leʻo ʻo Nōvema 1, 1997, peesi 20-21. Fetalanoaʻaki ki he ʻuhinga ʻe lelei ai ke ʻi ai ha kau tāimuʻa tokolahi ange ʻi he fakatahaʻangá pea mo e founga ʻoku lava ke tokoni kotoa ai ke aʻu ki he taumuʻa ko ʻení. Toe lāulea ki he ngaahi founga ke fakalototoʻaʻi ai ʻa e faʻahinga ko ia ʻoku lolotonga ngāue tāimuʻá ke nau hokohoko atu pea mo e founga ʻoku lava ke langa hake ai ʻa e faivelenga ʻa e faʻahinga kotoa ʻi he fakatahaʻangá ki he ngāue fakafaifekaú.
Hiva 135 mo e lotu tuku.
Uike Kamata ʻOkatopa 23
Hiva 87
10 min: Ngaahi fanongonongo fakalotofonuá.
15 min: Ngaahi fiemaʻu fakalotofonua.
20 min: Teuteu Lelei ki he Ngaahi Fakatahá. Malanga mo e fetalanoaʻaki mo e kau fanongó. Ko e ʻaonga ʻoku tau maʻu mei he ngaahi fakatahá ʻoku fakatuʻunga lahi ia ʻi he lahi ʻo e feinga ʻoku tau fai ʻi he teuteú. Fakamanatu ʻa e ngaahi fokotuʻu ʻaonga ʻoku ʻomai ʻe he Taua Leʻo ʻo Maʻasi 1, 1998, peesi 15-16, palakalafi 8-11. Fakaafeʻi ʻa e kau fanongó ke nau fai ha ngaahi fakamatala ʻoku hā ai ʻa e founga ʻoku nau fakatupulekina ai ʻa e muʻaki laka ʻoku fiemaʻú pea maʻu ai ha taimi ʻoku fiemaʻu ke fai ai ʻa e teuteu leleí.
Hiva 130 mo e lotu tuku.
Uike Kamata ʻOkatopa 30
Hiva 212
8 min: Ngaahi fanongonongo fakalotofonuá. Fakamanatu ki he kau malangá ke ʻomai ʻenau ngaahi līpooti ngāue fakamalanga ki ʻOkatopá.
12 min: Ko e Ngaahi Meʻa Naʻe Hokosia ʻi Hono Tufaki ʻa e Ongoongo ʻo e Puleʻangá Fika 36. Kole ki ha kau malanga kehekehe ke nau lave ki ha ngaahi ola fakalototoʻa naʻa nau fiefia ai ʻi hono tufa ʻa e Ongoongo ʻo e Puleʻangá Fika 36. Fakaafeʻi ʻa e kau tāimuʻa tuʻumaʻu mo tokoní ke nau fakahaaʻi ʻenau houngaʻia ki he ngāue lahi he lolotonga ʻo e feingangāue ko ʻení pea mo e faingamālie naʻa nau maʻu ke ngāue fakataha ai mo e kau malanga kehekehe tokolahi.
25 min: Jehovah’s Witnesses—The Organization Behind the Name. Fetalanoaʻaki mo e kau fanongó. Lāulea ki he ngaahi fehuʻi ʻoku tokonaki mai ʻi he palakalafi 3 ʻo e “Ngaahi Naunau ʻOku Nau Akoʻi, Ueʻi, mo Fakaivimālohí.” ʻOmai ha ngaahi fokotuʻu ki he founga ʻoku lava ai ke ngāueʻaki ʻa e foʻi vitioó ke tokoniʻi ʻa e faʻahinga mahuʻingaʻiá ke nau maheni lelei ange mo ʻetau kautahá. Fakakau atu ki ai mo e ngaahi meʻa naʻe hokosia nounou ʻe taha pe ua.—Sio ki he Watchtower ʻo ʻOkatopa 1, 1992, peesi 30-31.
Hiva 222 mo e lotu tuku.
Uike Kamata Nōvema 6
Hiva 51
15 min: Ngaahi fanongonongo fakalotofonuá. Fakamanatu ʻa e fakalakalaka ʻo hono tufa ʻa e Ongoongo ʻo e Puleʻangá Fika 36. Fakamatalaʻi ʻa e lahi ʻo e feituʻu kuo ngāueʻí, pea mo e meʻa ʻe fiemaʻu ke kāpui fakaʻaufuli ʻi he aʻu ki Nōvema 17.
20 min: Ko e Hā ʻOku Tau Tui Ki Aí? Ko ha tokoua ʻokú ne fai ha toe ʻaʻahi ki ha tokotaha naʻá ne pehē, “Ko e hā ʻa e meʻa ʻoku akoʻi ʻe he Kau Fakamoʻoni ʻa Sihová ʻoku ʻai ai kinautolu ke nau kehe mei he ngaahi lotu kehé?” Fetalanoaʻaki ʻi he ngaahi poini ʻoku ʻomai ʻi he puha ʻi he peesi 6 ʻo e Taua Leʻo ʻo ʻOkatopa 1, 1998. Fakamatalaʻi ʻa e founga ʻoku tukunoaʻi ai pe liʻaki ʻe he ngaahi lotu kehé ʻa e ngaahi moʻoni faka-Tohitapu tefito ko ʻení ka nau manako ʻi he ngaahi akonaki faʻu ʻe he tangatá.
10 min: Ko e Hivá—Ko ha Konga Mahuʻinga Ia ʻo ʻEtau Lotú. Ko ha tokotaha faiako ako tohi ʻokú ne fetalanoaʻaki mo ha ongo malanga ʻe toko ua fekauʻaki mo ʻena hiva ʻi he ngaahi fakataha ʻa e fakatahaʻangá. Kuó ne fakatokangaʻi ko ʻena hivá ʻoku hangē ʻoku leʻo-siʻí. ʻOkú ne vahevahe ha ngaahi poini ʻe niʻihi mei he Watchtower ʻo Fepueli 1, 1997, peesi 27-28. ʻOku nau ʻanalaiso ʻa e ngaahi foʻi lea ʻi he taha ʻo e ngaahi hiva ʻe hivaʻi ʻi he Ako Taua Leʻo ki he uike ko iá, hangē ko ia ʻoku fokotuʻu mai ʻi he Taua Leʻo ʻo Siulai 1, 1999, peesi 20, palakalafi 12. ʻI he hiva fakamātoató, ʻoku tau ʻai ai ke longomoʻui ʻa e fakahīkihiki loto-moʻoni kia Sihová.
Hiva 48 mo e lotu tuku.