Fanongonongo

◼ Tohi ke tuʻuaki ʻi Nōvema: Ko hono tufaki ʻa e Ongoongo ʻo e Puleʻangá Fika 36 ʻe hokohoko atu pē. Ko e ngaahi fakatahaʻanga kuo ʻosi ʻenau vāhenga-ngāué ʻi he aʻu ki he kakai ʻi he ngaahi ʻapi taki taha mo ha tatau ʻo e Ongoongo ʻo e Puleʻangá Fika 36 te nau tuʻuaki nai ʻa e ʻIlo ʻA Ia ʻOku Taki Atu ki he Moʻui Taʻengatá, Ko e Hā ʻOku Fiemaʻu ʻe he ʻOtuá Meiate Kitautolú?, pe Te Ke Malava ʻo Moʻui Taʻengata he Palataisi ʻi he Māmaní. Tīsema: Ko e Moʻungaʻi Tangata Lahi Taha Kuo Moʻui Maí. Sanuali mo Fepueli: Ko ha ngaahi tohi, fanga kiʻi tohi pe ngaahi polosiua motuʻa pē ʻi he sitoka ʻi he fakatahaʻangá. Ko e ngaahi fakatahaʻanga ʻoku ʻikai te nau maʻu ʻa e ngaahi tohi peheé te nau tuʻuaki nai ʻa e polosiua Fiemaʻu. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli: Ko e ngaahi makasini Taua Leʻo mo e Awake! Kapau ʻoku hā mai ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú.

◼ ʻI he hili ʻa hono fakakakato ʻa e feingangāue ʻo e Ongoongo ʻo e Puleʻangá, ko e ngaahi fakatahaʻanga ko ia ʻoku nau kei maʻu ha tatau ʻo e Ongoongo ʻo e Puleʻangá Fika 36 te nau fakalototoʻaʻi nai ʻa e kau malangá ke nau tuʻuaki ia ʻi he founga tatau ʻoku nau tuʻuakiʻaki ʻa e ngaahi tulekí—pe mei he matapā ki he matapaá pe ʻi ha feituʻu pē. Kapau ʻoku fakapotopoto, ʻe tuku nai ʻe he kau malangá ha tatau ʻe taha ʻi he ʻikai-ʻi-ʻapí, ʻo ʻai ke fakapapauʻi ʻe ʻikai lava ke sio atu ki ai ʻa e kau feʻaluʻakí. ʻOku totonu ke fai ha ngaahi feinga ke tufa ʻa e ngaahi tatau kotoa pē ʻoku kei toe ʻo e pōpoaki mahuʻinga ko ʻení.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Tīsema 1 pe ʻi he faingamālie vave taha hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ke kamata ʻe he ngaahi fakatahaʻangá ʻa hono ʻai ha lisi ʻo e faʻahinga ʻoku nau kole ʻa e 2001 Yearbook of Jehovah’s Witnesses fakataha mo ʻenau kole tohi ki Nōvemá. ʻE ala maʻu ʻa e Yearbook ʻi he lea faka-Falanisē, Finilani, Hōlani, Hungali, Kalisi, Kōlea, Kolōtia, Lumēnia, Lūsia, Noaue, Pilitānia, Pōlani, Potukali, Seki, Sēpia, Siaina, Siamane, Siapani, Sipeini, Solovaki, Suēteni, Tenimaʻake, ʻAlepea, ʻAlipēnia, mo e faka-ʻĪtali. ʻI he teʻeki ke ala maʻu ʻa e Yearbook pea fai ʻa hono fakafolau atú, ʻe hā ia ko e “Pending” ʻi he ngaahi lisi fakaheka ʻa e fakatahaʻangá. Ko e ngaahi Yearbook ko e ngaahi meʻa ia ʻoku fai ʻa e kole makehe ki ai.

◼ ʻOku totonu ki he ngaahi fakatahaʻangá ke kamata ʻa hono kole ʻo e polosiua faka-Tonga ko e “Potu Folofola Kotoa Pe”​—Moʻoni Alafalalaʻanga mo ʻAonga (1 Kalonikali-Koheleti) fakataha mo ʻenau kole tohi ki Nōvemá, ke ngāueʻaki ʻi he Ako Fakafaifekau Fakateokalati ki he 2001.