Fanongonongo

◼ Tohi ke tuʻuaki ʻi Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi makasini Taua Leʻo mo e ʻĀ Hake! Kapau ʻoku hā mai ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Tuʻuaki ʻa e tohi ʻIlo pe ko e polosiua Fiemaʻu, mo ha fakakaukau ke kamata ha ngaahi ako Tohitapu ʻi ʻapi. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú? Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 ko ʻení: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻE Lava Ke Ke Hoko ko e Kaumeʻa ʻo e ʻOtuá!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá?

◼ Ko e kau malanga ʻoku nau fakaʻamu ke ngāue ko e kau tāimuʻa tokoni ʻi ʻEpelelí ʻoku totonu ke fai ʻenau ngaahi palaní he taimí ni pea ʻomai ki muʻa ʻenau tohi kolé. ʻE tokoni ʻeni ki he kau mātuʻá ke nau fai ha ngaahi fokotuʻutuʻu ʻa ia ʻoku fiemaʻu ki he ngāue fakamalangá pea maʻu mo ha ngaahi makasini mo ha ngaahi tohi kehe feʻunga. Ko e ngaahi hingoa ʻo kinautolu kotoa ʻoku tali ke tāimuʻa tokoní ʻoku totonu ke fanongonongo atu ia ki he fakatahaʻangá.

◼ ʻE fai ʻa e Fakamanatú ʻi he Sāpate, ʻEpeleli 8, 2001. Heʻikai ha ngaahi fakataha tuku kehe ʻa e fakataha ki he ngāue fakamalangá ʻe fai ʻi he ʻaho ko iá. ʻE lava ke fai ʻe he kau mātuʻá ha ngaahi fokotuʻutuʻu feʻungamālie ki he Ako Taua Leʻo, ʻo fai ia ʻi ha taimi kehe.

◼ Ko kinautolu ko ia ʻoku feohi mo ha fakatahaʻangá ʻoku totonu ke nau ʻoatu ʻa e ngaahi tukuhau foʻou mo e fakafoʻou kotoa ki he Taua Leʻo mo e ʻĀ Hake!, kau ai mo ʻenau ngaahi tukuhau tāutahá, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e ngaahi kole ʻa ha tokotaha malanga tāutaha ki ha tohí. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he Sōsaietí, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ Ngaahi Tohi Foʻou ʻOku Toe Ala Maʻu:

New World Translation of the Holy Scriptures Reference Bible (Rbi8)—Faka-Pilitānia

Questions Young People Ask​—Answers That Work​—Faka-Pilitānia

T-17 A Peaceful New World​—Will It Come? (ki he kau Siú)—Faka-Pilitānia

◼ Ngaahi Kāsete ʻOku Toe Ala Maʻu:

Ezekiel​—Faka-Pilitānia