Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San. 1
“ʻOkú ke fifili pe ko e hā ʻoku hā ngali faingofua ai ʻa e moʻui ʻa e kakai ʻe niʻihi lolotonga ia ʻoku fāinga ha niʻihi ke maʻu ʻa e moʻuí? ʻOku ʻi he Tohitapú ha meʻa ʻoku felāveʻi mo ʻeni. [Lau ʻa e Siope 34:19.] Ko e taumuʻa ʻa e ʻOtuá ke ʻai ʻa e fakakalakalasí ko ha meʻa ia ʻo e kuohilí ʻoku fakamatalaʻi ia ʻi he makasini ko ʻení.”
Awake! San. 8
“ʻOku tau ʻilo kotoa fekauʻaki mo e meʻa fakamamahi ko ʻeni naʻá ne luluʻi ʻa e māmaní. Talu mei ai, kuo fiemaʻu ʻe he kakaí ha fakafiemālie mo ha tokoni ʻi ha tuʻunga lahi ʻaupito. Ko e kupu ko ʻení, ʻi he lotolotonga ʻo e ngaahi meʻa kehé, ʻoku fakamatalaʻi ai ʻa e meʻa kuo fai ʻe he Kau Fakamoʻoni ʻa Sihová ke tokoni ki he faʻahinga naʻe haó, ko e kau ngāue fakavavevavé, pea mo e loto-mafasiá.”
Ko e Taua Leʻo San. 15
“ʻOku ngāueʻaki ʻe he kakai tokolahi ʻa e ngaahi ʻīmisi ʻi heʻenau lotú. ʻOkú ke fakakaukau ʻoku maʻu ʻe he ngaahi ʻīmisí ni ha ngaahi mālohi fakaefakahaofi moʻui? [Tuku ke ne tali.] Kātaki ʻo fakatokangaʻi ʻa e meʻa ʻe fai ʻe he ʻOtua moʻoní maʻatautolú. [Lau ʻa e Fakahā 21:3, 4.] Ko ha ʻOtua pē ʻoku moʻoni te ne lava ke fakahoko ʻa e meʻa ko iá. ʻOku fakahā mai ʻe he makasini ko ʻení, ko hai ia pea mo e founga ʻe lava ai ke tau maʻu ha ʻaonga mei heʻetau falala kiate iá.”
ʻĀ Hake! San. - Mas.
“Te ke loto-tatau nai ʻoku hā ko e kakai he ʻaho ní ʻoku nau moʻui ʻi he malumalu ʻo ha tenge lahi ange ia ʻi ha toe taimi ki muʻa? [Tuku ke ne tali.] Naʻe tala ʻeni ki muʻa ʻe he Tohitapú. [Lau ʻa e 2 Timote 3:1.] ʻOku ʻilo ʻe he kakai tokolahi ʻoku mātuʻaki faingataʻa ʻa e moʻuí ʻo nau foʻi ai. ʻOku ʻomai ʻe he makasini ko ʻení ha fakalototoʻa moʻoni. ʻOku fakahā mai ai ʻa e founga ke tauʻi ai ʻa e tōnoa ʻo e ʻamanakí pea ʻai ke mahuʻinga ʻa e moʻuí.”