Taimi-Tēpile ki he Fakataha Ngāué

Uike Kamata Fepueli 11

Hiva 18 (162)

12 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa pē ke lau pe fakamanatu ʻa e Senesi 6:1 ki he 9:19 pea ke nau mamata ʻi he foʻi vitiō ko e Noah​—He Walked With God ʻi he teuteu atu ki he fetalanoaʻaki ʻi he Fakataha Ngāue ʻo e uike ʻo Fepueli 25.

20 min: “Malanga Kakato ʻAki ʻa e Folofola ʻa e ʻOtuá.”a (Palakalafi 1-13) Ke fai ʻe he ʻovasia tauhí. Ko ha fetalanoaʻaki loto-māfana ki he meʻa ʻoku tau holi ke fakahoko ʻi Maʻasí ʻo fakalaka atu ai. ʻOku totonu ke ngāueʻaki ʻe he tokotaha kotoa ʻa e tohimāhina kuo ʻomai ʻi he fakalahí ki hano fokotuʻutuʻu ha taimi-tēpile ʻaonga ke kau atu ʻi he lahi taha ʻe malavá ki he ngāue fakafaifekaú he lolotonga ʻo Maʻasí. Fakalototoʻaʻi ʻa e faʻahinga kotoa ʻe malavá ke tāimuʻa tokoni ʻi he māhina ko iá. ʻI he fetalanoaʻaki he palakalafi 7-8, kole ki ha ngaahi fakamatala fekauʻaki mo ha ngaahi tāpuaki naʻe fiefia ai ha faʻahinga ʻa ia naʻa nau tāimuʻa ʻi he faʻahitaʻu Fakamanatu kuo ʻosí. Fanongonongo ko e ngaahi tohi kole ki he ngāue tāimuʻa tokoní ʻe ala maʻu ia hili ʻa e fakataha ko ʻení.

13 min: “Meʻa ke Leaʻaki Fekauʻaki mo e Ngaahi Makasiní.” ʻEke ki he kau malangá ʻa e founga naʻe tokoniʻi ai kinautolu ʻe he konga ko ʻeni ʻi he ʻEtau Ngāue Fakafaifekau ʻo e Puleʻanga ke nau teuteu lelei ange ke fakafehokotaki ʻa e ngaahi kupú mo e ngaahi meʻa fakamamahi ʻi he ngaahi taimi faingataʻa ko ʻení. Ko e hā ʻa e meʻa kuo hokosia ʻe ha niʻihi ʻi hono ʻoatu ha fakafiemālie ki he kakaí mo hono tokoniʻi kinautolu ke maʻu ha ngaahi tali makatuʻunga faka-Tohitapu ki he ngaahi fehuʻi fakatupu hohaʻá? ʻI ha fakahāhā nounou ʻe ua, fakahaaʻi ʻa e founga ke tuʻuaki ai ʻa e Taua Leʻo ʻo Fepueli 1 pea hoko leva ki he Awake! ʻo Fepueli 8.

Hiva 22 (130) mo e lotu tuku.

Uike Kamata Fepueli 18

Hiva 9 (37)

8 min: Ngaahi fanongonongo fakalotofonua. Fakamatala paʻangá.

12 min: “Ko e Kakai Fiefia Taha ʻi he Māmaní.”b Fakaʻosi nounou ʻaki ʻa e “Ngaahi Sitepu ki he Fiefiá,” ʻi he peesi 5 ʻo e Taua Leʻo ʻo Nōvema 1, 1997.

25 min: “Malanga Kakato ʻAki ʻa e Folofola ʻa e ʻOtuá.”c (Palakalafi 14-23) Ke fai ʻe he ʻovasia ngāué. Fakamanatu ʻa e ngaahi fokotuʻutuʻu makehe kuo fai fakalotofonua ki hono fakalahi ʻa e ngāue ʻi Maʻasí. Fakamatalaʻi ʻa e taimi-tēpile fakalūkufua ʻo e ngaahi fakataha ki he malaʻe ngāué ʻa ia kuo fokotuʻutuʻu ki he māhiná. Hangataha ki hono fakalongomoʻuiʻi ʻa e faʻahinga naʻa nau hoko ʻo ʻikai ke longomoʻuí pea tokoniʻi ʻa e fānaú mo e kau ako Tohitapú ke nau taau ʻi he tuʻunga ko e kau malanga teʻeki papitaisó. Fanongonongo ʻa e ngaahi hingoa ʻo e faʻahinga kuo nau fakamoʻoni hingoa ke tāimuʻa tokoni ʻi Maʻasí, pea fakalototoʻaʻi ha toe tokolahi ange ke nau fai ha fakakaukau fakamātoato ke nau kau mo kinautolu.

Hiva 5 (46) mo e lotu tuku.

Uike Kamata Fepueli 25

Hiva 11 (85)

15 min: Ngaahi fanongonongo fakalotofonua. Fakahāhaaʻi ha tuʻuaki makasini nounou ʻe ua​—ʻo ngāueʻaki ʻe he tokotaha ʻa e Taua Leʻo ʻo Fepueli 15 pea ngāueʻaki ʻe he tokotaha ʻe tahá ʻa e Awake! ʻo Fepueli 22. ʻAi ha talavou ke ne fai ha taha ʻo kinaua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Fepuelí.

15 min: “Maongo ʻa e Ngaahi Foʻi Vitioó he ʻOku ʻOatu Ai ha Fakamoʻoni.” Fetalanoaʻaki mo e kau fanongó. ʻI heʻene aʻu mai ki he taimi ní, kuo tau toe vakai ai ki heʻetau ngaahi foʻi vitiō ʻe valu ʻi he polokalama Fakataha Ngāué. Hili ʻa hono fakamatalaʻi nounou ʻa e ngaahi fakatātā naʻe ʻomai ʻi he kupú, kole ki he kau malangá ke nau lave ki ha ngaahi lavameʻa naʻe hoko ʻi heʻenau huluʻi ʻa e ngaahi foʻi vitioó ki he niʻihi kehé.

15 min: “ʻE Lava ke Ako ʻa e Tokotaha Kotoa Pē mei he Noah​—He Walked With God.” Kamata fakahangatonu ha fetalanoaʻaki ʻi he foʻi vitiō Noah mo e kau fanongó, ʻo ngāueʻaki pē ʻa e ngaahi fehuʻi kuo tokonaki mai ʻi he kiʻi puha he peesi 7. ʻI ʻEpeleli te tau fakamanatu ai ʻa e foʻi vitiō Young People Ask​—How Can I Make Real Friends?

Hiva 17 (187) mo e lotu tuku.

Uike Kamata Maʻasi 4

Hiva 25 (204)

5 min: Ngaahi fanongonongo fakalotofonua.

12 min: Ngaahi fiemaʻu fakalotofonua.

12 min: Ngāueʻaki ʻa e Tohi ʻIlo ke Kamata ha Ngaahi Ako. ʻI he lolotonga ʻo Maʻasí, ʻoku tau fakaʻamu ai ke fai ha feinga makehe ke kamata ha ngaahi ako Tohitapu ʻi ʻapi. Lave nounou ki he meʻa naʻe hokosia ʻi he ʻEtau Ngāue Fakafaifekau ʻo e Puleʻanga ʻo ʻAokosi 1998, peesi 4, palakalafi 8. Kapau naʻe kamata ʻe ha taha ki muí ni mai ha ako ʻi he tohi ʻIlo, toe fakahāhaaʻi ʻa e founga naʻe fakahoko ai ʻení. Fakamanatu ki he tokotaha kotoa pē ʻa e “Ngaahi Fokotuʻu ki Hono Tuʻuaki ʻa e Tohi ʻIlo,” ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002. ʻI hono ngāueʻaki ʻa e tohí, fakahāhaaʻi ha taha ʻo e ngaahi fokotuʻu ʻi he peesi 6 ʻo e fakalahí ʻi lalo ʻi he “Ko e Fakaofiofi Fakahangatonú.”

16 min: “Ko e Hā ke Hanganaki Malanga Aí?”d Fakaʻosiʻaki ʻa hono fakaʻekeʻeke ha tokotaha malanga ʻe taha pe ua ʻa ia kuó na hanganaki malanga ʻi ha vahaʻa taimi ʻo e ngaahi taʻu lahi. ʻAi kinaua ke na fakahaaʻi ʻena ongoʻí ki he ʻuhinga kuó na kītaki ai ʻi he ngāue ko ʻení pea mo e founga kuo ʻaonga ai ia kia kinauá.

Hiva 3 (32) mo e lotu tuku.

[Fakamatala ʻi lalo]