Taimi-Tēpile ki he Fakataha Ngāué

Uike Kamata Mē 13

Hiva 19 (164)

15 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā kehekehe ʻo e founga ke tuʻuaki ai ʻa e Taua Leʻo ʻo Mē 15 mo e Awake! ʻo Mē 22. ʻI he fakahāhā taki taha, fakahaaʻi ha founga kehekehe ke tali ai ha taʻofiʻanga ʻo e fetalanoaʻakí, “ʻOku ou femoʻuekina.”—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 11.

15 min: “Ko ha Fefakalototoʻaʻaki Makehe.” Ko ha malanga. Langa hake ʻa e houngaʻia ki hono maʻu ʻa e fakataha-lahi fakavahé. Fakaʻaiʻai ʻa e tokotaha kotoa ke ne ʻi ai ki he konga kotoa pē, mei he pongipongi Falaité ʻo aʻu ki he efiafi Sāpaté.

15 min: “Tuli Ai Pe ki he Meʻa ʻOku Lelei.”a Fakamamafaʻi ʻa e fiemaʻu ke talangofua ki he ngaahi fokotuʻutuʻu nofoʻangá ʻa ia kuo ʻosi fokotuʻu mai ki he lelei pē maʻatautolu. Fakamamafaʻi ke manatuʻi ʻa e ngaahi meʻa ʻe nima ʻi he palakalafi 2. Fakamatalaʻi ʻa e ʻuhinga ʻoku mātuʻaki fiemaʻu ai ʻa e ʻulungaanga leleí ʻi he tafaʻaki ʻa e tokotaha kotoa pē.

Hiva 25 (204) mo e lotu tuku.

Uike Kamata Mē 20

Hiva 1 (13)

12 min: Ngaahi fanongonongo fakalotofonua. Fakamatala paʻangá. Fakamanatu ʻa e Puha Fehuʻi.

18 min: “Ko e Fakataha-Lahi Fakavahe 2002 ‘Kau Fanongonongo Faivelenga ʻo e Puleʻangá’ ʻa e Kau Fakamoʻoni ʻa Sihová.”b Ke fai ʻe he sekelitalí, fakataha mo e tokangataha ki he palakalafi 4-9. ʻI he lolotonga ʻo e lāulea ki he palakalafi 3, lau ʻa e tohi kau ki he vaheʻi ki he fakataha-lahí ʻo Tīsema 7, 2001. Fakaongoongoleleiʻi loto-māfana ʻa e fakatahaʻangá ki hono ʻai ʻenau ngaahi fokotuʻutuʻu fakataha-lahí ʻi he vave taha ʻe ala lavá.

15 min: Ngaahi fiemaʻu fakalotofonua.

Hiva 27 (221) mo e lotu tuku.

Uike Kamata Mē 27

Hiva 3 (32)

12 min: Ngaahi fanongonongo fakalotofonua. Fakamanatu ki he kau malangá ke ʻomai ʻa e ngaahi līpooti malaʻe ngāue ki Meé. ʻI hono ngāueʻaki ʻa e ngaahi fokotuʻu ʻi he peesi 8, ʻai ha tokotaha malanga taʻumotuʻa ke ne fakahāhaaʻi ʻa e founga ke tuʻuaki ai ʻa e Taua Leʻo ʻo Sune 1 pea ʻai ha tokotaha malanga kei siʻi ange ke ne fakahaaʻi ʻa e founga ke tuʻuaki ai ʻa e Awake! ʻo Sune 8. Hili ʻa e fakahāhā taki taha, fakamatalaʻi ʻa e lava ke faingofua ʻa hono fakakau ha konga Tohitapu ʻi he lea kamatá.

15 min: “ʻOku Maʻu ʻe Hoʻo Fakatahaʻangá ha Feituʻu Ngāue Lahi?” Malanga mo e fetalanoaʻaki mo e kau fanongó ke fai ʻe he ʻovasia ngāué. (Ko e ngaahi fakatahaʻanga ʻoku nau maʻu ha feituʻu fakangatangata pē ki he ngāué ʻe lava ke nau fakamanatu ʻa e kupu “Ngāueleleiʻaki Ho Taimí,” ʻi he ʻEtau Ngāue Fakafaifekau ʻo e Puleʻanga ʻo Sune 1999.) Lave ki he lahi ʻo e feituʻu ngāue ʻoku maʻu ʻe he fakatahaʻangá pea mo e lahi kuo ʻosi ngāueʻi ʻi he taʻu kuo ʻosí. Fakamatalaʻi ʻa e founga ʻe ngāueʻaki fakalotofonua nai ai ʻa e ngaahi fokotuʻu kuo fai maí. Fakamanatu ʻa e ngaahi palani kuo ʻosi fai ke ngāueʻi ai ʻa e feituʻu ngāue ʻoku tātātaha hono ngāueʻí ʻi he kahaʻu ofi maí.

18 min: “ʻOkú Ke Ngāueʻaki ʻa e Polosiua Fiemaʻu ke Kamata ha Ngaahi Ako?” (ʻOku totonu ke maʻu ʻe he tokotaha kotoa pē ʻa e fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002 ki he fetalanoaʻaki ko ʻení.) Kamataʻaki ʻa hono ʻai ha tokotaha malanga ʻosi teuteuʻi lelei ke ne fakahāhā ʻa e founga ke kamata ai ha ako, ʻo ngāueʻaki ʻa e fakahāhā ʻi he palakalafi 3. Hili iá, lave ki he ngaahi meʻa lalahi ʻi he polosiuá, pea fakamatalaʻi ʻa e founga kuo faʻufaʻu lelei ai ia ki hono kamata ha ngaahi akó. Fakahaaʻi ʻa e mahuʻinga ʻo hono fakamanatu ʻa e ngaahi tuʻuaki kuo ʻosi fokotuʻu mai ʻi he fakalahi ʻo Sanuali 2002. ʻEke ki he kau fanongó pe ko fē ha ngaahi fokotuʻu naʻe lavameʻa kia kinautolú. Fakaʻosiʻaki ʻa hono toe ʻai ʻa e fakahāhā ʻi ʻolungá.

Hiva 20 (93) mo e lotu tuku.

Uike Kamata Sune 3

Hiva 5 (46)

15 min: Ngaahi fanongonongo fakalotofonua. Fokotuʻutuʻu ha kau malanga ke nau lave ki he ngaahi tāpuaki naʻa nau hokosia ʻa ia ko e ola ia ʻo ʻenau kau ki he ngāue tāimuʻa tokoní pe ngāue tāimuʻa tuʻumaʻú he lolotonga ʻo Maʻasi, ʻEpeleli, pe ko Meé.

15 min: Founga ʻOku Ngāueʻaki Ai ʻe he Tohi Reasoning ʻa e Ngaahi Liliu Tohitapu Kehé. Malanga nounou ʻo hoko atu ʻaki ha fetalanoaʻaki mo e kau fanongó. Lau ʻa e palakalafi 2 ʻi he peesi 8 ʻo e tohi Reasoning, pea fakamatalaʻi ʻa e ʻuhinga mo e founga ʻoku totonu ai ke toutou ngāueʻaki ʻa e Tohitapú ʻi heʻetau ngāue fakafaifekaú. Lave ki he fakahokohoko ʻo e ngaahi fakanounou faka-Tohitapu ʻi he peesi 6, pea fakamatalaʻi ʻa e ʻuhinga ʻoku tau ngāueʻaki ai ʻa e ngaahi fakamatalá mei he ngaahi liliu kehé. Lāulea ki he ngaahi fakatokanga ʻoku ʻomai ʻi he Taua Leʻo ʻo ʻOkatopa 1, 1997, peesi 26, palakalafi 2, mo e peesi 30, palakalafi 15. ʻI hono ngāueʻaki ʻa e ngaahi kaveinga “Hokohoko Fakaʻapositoló,” “Ngaahi ʻĪmisí,” mo e “Tolu-Taha-ʻOtuá” ʻi he tohi Reasoning, fakaafeʻi ʻa e kau fanongó ke fakatātaaʻi ʻa e founga ʻe lava ke ʻaonga ai ʻa hono fakafehoanaki ʻo e ngaahi liliú ʻi hono akoʻi ʻa e moʻoní.

15 min: “ʻOku Ueʻi Kitautolu ʻe Heʻetau Tuí ki he Ngaahi Ngāue Leleí.”c ʻI he lāulea ki he palakalafi 2, fakaʻekeʻeke nounou ha Fakamoʻoni faivelenga. ʻAi ʻa e tokotaha malangá ke ne fakamatalaʻi ʻa e founga ʻoku fakahaaʻi mo fakaivifoʻou ai ʻene tuí ʻi he faifakamoʻoni ki he niʻihi kehé.

Hiva 4 (43) mo e lotu tuku.

[Fakamatala ʻi Lalo]