Taimi-Tēpile ki he Fakataha Ngāué

Uike Kamata ʻOkatopa 14

Hiva 13 (124)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke ne lau ʻa e Nomipa vahe 25 mo e Insight, Voliume 2, peesi 419, palakalafi 3-5, pea toki sio leva ʻi he vitiō Warning Examples for Our Day ʻi he teuteu ki he fetalanoaʻaki ʻi he Fakataha Ngāue ʻo e uike ʻo Nōvema 4. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā ʻe ua ʻo e founga ke tuʻuaki ʻaki ʻa e Taua Leʻo ʻo ʻOkatopa 15 mo e Awake! ʻo ʻOkatopa 22. ʻI he tuʻunga taki taha, fakahaaʻi ha founga kehekehe ke ngāueʻaki ki he taʻofiʻanga ʻo e fetalanoaʻakí, “ʻOku ou ʻosi maheni lelei mo hoʻomou ngāué.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 12.

15 min: Ngaahi fiemaʻu fakalotofonua.

20 min: “Founga Hono Fakahaaʻi ʻe he Kau ʻOvasia ʻo e Ako Tohi ʻa e Fakatahaʻangá ʻa e Mahuʻingaʻia Fakafoʻituituí.” Fetalanoaʻaki ʻi he fehuʻi mo e tali ke fai ʻe ha ʻovasia Ako Tohi ʻa e Fakatahaʻangá. ʻI he fakamatala talateú, fakamatalaʻi nounou ʻa e founga naʻe kamata ai ʻa e fokotuʻutuʻu ki he ako tohí. (jv-E 237, pal. 4) Fokotuʻutuʻu ki muʻa ki ha kau malanga ʻe toko ua pe toko tolu ke nau fakamatala ki he founga ʻo ʻenau maʻu ʻaonga mei he mahuʻingaʻia fakafoʻituitui naʻe fakahaaʻi kia kinautolu fakafou ʻi he Ako Tohi ʻa e Fakatahaʻangá.

Hiva 15 (127) mo e lotu tuku.

Uike Kamata ʻOkatopa 21

Hiva 17 (187)

10 min: Ngaahi fanongonongo fakalotofonua. Fakamatala paʻangá. Fakalototoʻaʻi ʻa e tokotaha kotoa ke fakamanatu ʻenau ngaahi nouti mei he polokalama ʻaho ʻasemipilī makehe kuo ʻosí ʻi he teuteu ki he fetalanoaʻaki ʻi he Fakataha Ngāue ʻo e uike hoko maí.

18 min: “Hanganaki Tuli ki he Ngāue Fakateokalatí ʻi he Ngaahi Māhina he ‘Taimi Māfaná.’” Fehuʻi mo e tali. Fakamatala ki ha ngaahi meʻa naʻe hokosia naʻe fiefia ai ʻa e niʻihi lolotonga ʻenau tāimuʻa fakataimí pe faifakamoʻoni ʻi he founga ʻikai anga-mahení.

17 min: “Feohi Tuʻumaʻú—Ko Hoʻo Tōʻongá Ia?” Malanga mo e fetalanoaʻaki mo e kau fanongó ke fai ʻe ha tokotaha mātuʻa.

Hiva 20 (93) mo e lotu tuku.

Uike Kamata ʻOkatopa 28

Hiva 3 (32)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki ʻOkatopá. ʻI hono ngāueʻaki ʻa e ngaahi fokotuʻu ʻi he peesi 8, ʻai ha tuofefine ke ne fakahāhā ʻa e founga ke tuʻuaki ai ʻa e Taua Leʻo ʻo Nōvema 1 pea ʻai ha tokoua ke ne fakahāhā ʻa e founga ke tuʻuaki ai ʻa e Awake! ʻo Nōvema 8. Hili ʻa e fakahāhā taki taha, fakamamafaʻi nounou ha tafaʻaki lelei ʻo e tuʻuakí.

12 min: Ngaahi meʻa fakalotofonua naʻe hokosia. Fakaafeʻi ʻa e fakatahaʻangá ke nau fakamatala ki ha ngaahi meʻa naʻe hokosia naʻa nau fiefia ai lolotonga ʻa e fefonongaʻaki ʻi he ʻalu mo e foki mei he fakataha-lahi fakavahé, lolotonga ʻa e ʻi he fakataha-lahí, pe ʻi he faifakamoʻoni ʻi he founga ʻikai anga-mahení ʻi he ngāué, ʻi he ʻapiakó, ʻi he faifakataú, mo e hā fua.

23 min: Mou Fakamoʻulaloa ki he ʻOtuá—Fakafepakiʻi ʻa e Tēvoló. (Sem. 4:​7, NW) ʻI hono ngāueʻaki ʻa e ngaahi fehuʻi ʻoku ʻoatu hení, ʻe fai ʻe ha tokotaha mātuʻa ha fetalanoaʻaki longomoʻui mo e kau fanongó fekauʻaki mo e polokalama ʻo e ʻaho ʻasemipilī makehe ʻa ia naʻe fai lolotonga ʻa e taʻu fakangāue kuohilí. Fakaafeʻi ʻa e fakatahaʻangá ke nau fakamatala fekauʻaki mo e founga naʻa nau malava ai ke ngāueʻaki ʻa e meʻa kuo nau akó. (ʻE lava ke vaheʻi ki muʻa ʻa e ngaahi kongá.) Fakamamafaʻi ʻa e ngaahi konga ko eni ʻo e polokalamá: (1) “Fakamoʻulaloa ki he ʻOtuá ʻi ha Māmani Pōpula.” Ko e hā kuo pau ai ke tau tokanga ke fakaʻehiʻehi mei he ngaahi tauhele fakamāmaní? (2) “Fakahāhā ʻa e Fakamoʻulaloa Fakaʻotuá ʻi he Tuʻunga ko e Ngaahi Mēmipa ʻi he Fāmilí.” Ko e hā ʻoku ʻi ai ai ha fiemaʻu fakavavevave ʻi he loto kautaha ʻa Sihová ke ʻai ke mālohi ʻa e ngaahi haʻi fakafāmilí? ʻE lava fēfē ke tau fai iá? (3) “Tokoniʻi ʻa e Kau Ākonga Foʻoú ke Tuʻu Maʻu ʻi he Tafaʻaki ʻa Sihová.” ʻE lava fēfē ke tau tokoniʻi ʻa e faʻahinga foʻoú ke nau ikuʻi ʻa e ngaahi fakafaingataʻaʻiaʻanga ʻokú ne ʻahiʻahiʻi ʻenau tuí? (4) “Meʻa ʻOku ʻUhinga ki Ai ʻa e Fakafepakiʻi ʻo e Tēvoló.” Ko e hā ʻa e kī ki he tuʻu lavameʻa ʻo fakafepakiʻi ʻa e Tēvoló? ʻE lava fēfē ke maluʻi kitautolu ʻe he teunga tau fakalaumālie ʻoku fakamatalaʻi ʻi he Efeso 6:​11-​18? (w92-E 5/15 21-3) (5) “Kau Talavou ʻOku Nau Talitekeʻi Lavameʻa ʻa e Tokotaha Koví” mo e “Kau Talavou ʻOku Nau Maʻu ʻa e ʻAonga mei he Fakamoʻulaloa Fakaʻotuá.” Ko e hā ʻa e niʻihi ʻo e ngaahi founga ʻa Sētane kuo pau ke maluʻi ʻe he kau talavoú kinautolu mei aí? ʻOku anga-fēfē ʻa hono tāpuakiʻi ʻo e kau talavoú ʻi hono fakamoʻulaloa kinautolu kia Sihová? (w90-E 8/1 13-​14, pal. 15-​17) (6) “Maʻu ʻa e ʻAonga mei he Fakamoʻulaloa Fakaʻotuá.” Fakamatalaʻi ʻa e founga ʻo hono fakahāhā ʻe he kau Kalisitiané ʻa e fakamoʻulaloa ki he ngaahi mafai fakapuleʻangá, ki he kau pule ngāue fakamāmaní, ʻi he siakale fakafāmilí, pea ʻi he fakatahaʻanga Kalisitiané. Ko e hā ʻa e ngaahi ʻulungaanga te ne tokoniʻi kitautolu ke fai iá?

Hiva 16 (143) mo e lotu tuku.

Uike Kamata Nōvema 4

Hiva 12 (113)

8 min: Ngaahi fanongonongo fakalotofonua. Fakamanatu nounou ha ngaahi fokotuʻu mei he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002 ki hono tuʻuaki ʻa e polosiua Fiemaʻu mo e tohi ʻIlo. Fakahāhā ʻa e taha ʻo e ngaahi tuʻuakí.

12 min: ʻIkai Maaʻi ʻa e Ongoongoleleí. (Loma 1:​16, PM) ʻOku fakaofiofi ha talavou ki heʻene tamaí mo ha palopalema. ʻOku toumoua ʻa e toʻutupú ke ʻiloʻi ko e taha ia ʻo e Kau Fakamoʻoni ʻa Sihová koeʻuhi ko ʻene manavahē ki hano manukiʻi ia ʻe he ngaahi toʻumeʻá. ʻOku fakamālō ʻa e tamaí ki he talavoú ʻi heʻene faitotonu fekauʻaki mo e meʻá ni. ʻOkú ne fakamatalaʻi ʻa e tali ʻa Pita ʻi he taimi ʻe taha koeʻuhí ko e tenge ʻa e toʻumeʻá. (Mt. 26:​69-​74) ʻOku ʻoange ʻe he tamaí ʻa e faleʻi ko ení: ʻOku ʻikai totonu ke tau mā ʻi he tuʻunga ʻoku tau ʻi ai ko e kau Kalisitiané. (Mk. 8:​38) ʻOku ʻaonga ke fakahaaʻi ʻa koe tonu ko ha Fakamoʻoni ʻi he ʻapiakó. ʻI hono ʻiloʻí, ʻe tokaʻi ai ʻe he kau faiako tokolahi hoʻo ngaahi tuí pea ʻe ʻikai te nau feinga ke fakakau koe ʻi he ngaahi meʻa ʻokú ke ʻiloʻi ʻoku fepakí. Ko e kau talavou taʻemapuleʻí ʻoku ngalingali ʻe ʻikai te nau feinga ke tenge koe ke faihala. ʻE ʻiloʻi lelei ʻe he ngaahi kaungā kalasi kehé ʻa e ʻuhinga ʻoku ʻikai te ke fili ai ke faialeá, kau ʻi he ngaahi sipoti ʻi tuʻa taimí, pe kau ʻi he ngaahi vaʻinga ʻi he tuku ʻa e akó. Fakatatau ki he taimí, ʻoku lāulea ʻa e tamaí mo e talavoú ki he ngaahi poini mei he kaveinga tokoni “Talaki Fakahāhā Hoʻo Kaumeʻa mo e ʻOtuá” ʻi he tohi Young People Ask, peesi 315-​18. ʻOku fakahaaʻi ʻe he tokotaha taʻu hongofulu tupú ʻene houngaʻia ki he faleʻi leleí.

25 min: “Ko ha Kōlenga Loto-Māfana ke Tokanga ki he Warning Examples for Our Day.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ki ha fetalanoaʻaki mo e kau fanongó ʻi he fehuʻi taki taha ʻoku ʻomai ʻi he kupú. Te tau fakamanatu ʻi Tīsema ʻa e vitiō ko e No Blood​—Medicine Meets the Challenge.

Hiva 27 (221) mo e lotu tuku.