Taimi-Tēpile ki he Fakataha Ngāué

Uike Kamata Maʻasi 10

Hiva 26 (212)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 8, fakahāhā ʻa e founga ke tuʻuaki ai ʻa e Taua Leʻo ʻo Maʻasi 15 mo e Awake! ʻo Maʻasi 22. ʻI he tuʻuaki taki taha, ʻoku totonu ke tuʻuaki fakatouʻosi ai ʻa e ongo makasiní ko ha seti, neongo ko e taha pē ʻe fakaʻaliʻalí.

15 min: Founga ke Fakaʻuhinga Ai mei he Ngaahi Konga Tohitapú. Fetalanoaʻaki mo e kau fanongó. ʻE lava fēfē ke tau fakatupulekina ʻa e malava ke fakaʻuhinga ola lelei mo e kakaí ʻi he ngāue fakafaifekaú? (1) Maʻu ha ʻilo lelei ʻo e ngaahi Konga Tohitapú fakafou ʻi he fai tuʻumaʻu ʻo e ako fakafoʻituituí mo hono maʻu ʻa e fakatahá. (2) Fakalaulauloto ki he meʻa ʻokú ke akó, ʻo kumi ʻa e ngaahi foʻi moʻoní mei he ngaahi tuʻunga kehekehe. (3) Kumi ʻo ʻikai ki he ngaahi fakamatala pē ʻo e ngaahi konga Tohitapú kae pehē foki ki he ngaahi ʻuhinga Fakatohitapu kia kinautolú. (4) Fakakaukau ki he founga te ke fakamatalaʻi ai ʻa e ngaahi konga Tohitapú ki he faʻahinga kakai kehekehe. (5) Fakakaukau ki he founga te ke fakatātaaʻi nai ai ʻa e ngaahi poini ʻe niʻihi.

20 min: “Faivelenga ki he Meʻa ʻOku Leleí!”a (Palakalafi 1-​12) Hili ʻa e lāulea ki he palakalafi 6, fai ha fakahāhā nounou ʻo ha tokotaha malanga ʻokú ne fakaafeʻi ha kāinga, kaungāʻapi, kaungāako, pe kaungāngāue ki he Fakamanatú, ʻo ngāueʻaki ʻa e tohi fakaafe kuo pulusí. Kapau kuo teʻeki ke tufa ia, ko e ngaahi tohi fakaafe Fakamanatu kuo pulusí ʻoku totonu ke ʻai ke ala maʻu ia ʻi he hili ʻa e fakatahá.

Hiva 23 (200) mo e lotu tuku.

Uike Kamata Maʻasi 17

Hiva 9 (37)

10 min: Ngaahi fanongonongo fakalotofonua. Fakamatala paʻangá.

15 min: Fakapotopoto ʻi Hono Fili Ho Ngaahi Feohí. Malanga fai ʻe ha mātuʻa makatuʻunga ʻi he Awake!, Fepueli 22, 1997, peesi 13, pea mo e fakamatala ʻi lalo ʻi he kaveinga “Ngaahi Feohi Koví” ʻi he peesi 189 ʻo e tohi Reasoning. Fakahaaʻi ʻa e founga ʻo hono ngāueʻaki ʻa e ngaahi tefitoʻi moʻoní ki he toʻutupú mo e kakai lalahí fakatouʻosi. Fakamamafaʻi ʻa e ngaahi ʻaonga ʻo hono filifili ke hoko ko e ngaahi kaumeʻa ʻa e faʻahinga ʻoku nau ʻofa kia Sihova pea ʻoku nau fakahāhā ʻoku nau feinga ke pipiki ki heʻene ngaahi tuʻungá.

20 min: “Faivelenga ki he Meʻa ʻOku Leleí!”b (Palakalafi 13-​26) Ke fai ʻe he ʻovasia tauhí. ʻI he lāulea ki he palakalafi 14, ʻai ha fakahāhā nounou ʻo ha tokotaha mātuʻa ʻokú ne fai ha ʻaʻahi fakalototoʻa ki ha tokoua mahamahaki, lolotonga iá ʻokú ne fakamatalaʻi anga-ʻofa ʻa e founga ʻe lava ai ʻa e tokouá ke kau ʻi he ngāue fakalahi ʻa e fakatahaʻangá lolotonga ʻa e faʻahitaʻu Fakamanatú.

Hiva 8 (53) mo e lotu tuku.

Uike Kamata Maʻasi 24

Hiva 3 (32)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8, fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 1 mo e ʻĀ Hake! ʻo ʻEpeleli-Sune.

15 min: Ngaahi fiemaʻu fakalotofonuá.

20 min: Kau Fakamoʻoni ʻa Sihová—Ko ha Mālohi ki he Leleí ʻi he Koló. Malanga mo e fetalanoaʻaki mo e kau fanongó. ʻI he taimi ʻe niʻihi ʻoku tau maʻu ai ʻa e faingamālie ke fakahaaʻi ai ʻa e founga ʻoku ʻaonga ai ʻetau ngāue fakafaifekaú mo ʻetau faʻifaʻitakiʻangá ki he koló. Fakaafeʻi ʻa e kau fanongó ke nau fakamatala ki he ngaahi poini ko ení: (1) ʻOku tau akoʻi ʻa e kakaí ke nau moʻuiʻaki ʻa e ngaahi tuʻunga faka-Tohitapu ʻo e ʻulungaanga tāú. (2) ʻOku tau akoʻi ʻa e faitotonú mo e fakaʻapaʻapa ki he tuʻunga mafaí. (3) ʻOku tau akoʻi ʻa e feongoongoi ʻi he vahaʻa ʻo e ngaahi matakalí, ngaahi puleʻangá, mo e ngaahi kulupu fakasōsialé. (4) ʻOku tau tokoniʻi ʻa e niʻihi kehé ke fakaleleiʻi ʻenau moʻui fakafāmilí ʻaki hono fakalototoʻaʻi kinautolu ke ngāueʻaki ʻa e ngaahi tefitoʻi moʻoni faka-Tohitapú. (5) Kuo tau akoʻi ʻa e laui afe ki he founga ke lautohi ai mo tohí. (6) ʻOku tau tōtōivi ke tokoniʻi ʻa e niʻihi kehé ʻi he ngaahi taimi ʻo e fakatamakí. (7) Kuo tau fakahoko ʻa e tafaʻaki mahuʻinga ʻi hono fakapapauʻi ʻa e ngaahi tauʻatāina fakalotu ʻoku maʻu ʻe he tokotaha kotoa.​—Sio ki he tohi Proclaimers, peesi 699.

Hiva 5 (46) mo e lotu tuku.

Uike Kamata Maʻasi 31

Hiva 22 (130)

12 min: Ngaahi fanongonongo fakalotofonua. Fakamanatu ki he tokotaha kotoa ke ʻomai ʻenau līpooti malaʻe ngāue ki Maʻasí. Lave ki he tohi ke tuʻuaki ki ʻEpelelí. Fakamanatu ʻa e “Ngāueʻaki ʻa e Tohi Lotu ki he ʻOtua ke Fai ʻa e Ngaahi Ako Tohitapu.” Lāulea ki he ngaahi poini tefito ʻi he “Ngaahi Meʻa ke Manatuʻi ki he Fakamanatú.”

13 min: Ngaahi meʻa naʻe hokosia fakalotofonua. Fakaafeʻi ʻa e fakatahaʻangá ke nau fakamatala ki he ngaahi meʻa naʻe hokosia lolotonga ʻa e ngāue fakalahi naʻe fakahoko ʻi Maʻasí. Fakaongoongoleleiʻi kinautolu ʻi heʻenau ngaahi feingá, pea fakalototoʻaʻi ʻa e tokotaha kotoa ke kau ʻi he kakato tahá ʻi hono fakaʻatā ʻe honau ngaahi tuʻungá lolotonga ʻa ʻEpelelí.

20 min: “ʻOku Ngali ʻAupito mo Sihova ke Fakahīkihikiʻi.”c Fakamamafaʻi ʻa e mahuʻinga ʻo e Fakamanatú. Fakahaaʻi ʻa e founga ʻe lava ke ʻaonga ai ʻa e tokotaha kotoa ʻi hono tokoniʻi ʻa e niʻihi kehé ke nau ʻi aí. Fakamatalaʻi ʻa e meʻa ʻe lava ke fai ke fetuʻutaki ai mo e faʻahinga ʻikai longomoʻuí ke toe fakaake ʻenau mahuʻingaʻiá. Fakaafeʻi ʻa e kau fanongó ke nau fakamatala ki ha meʻa fakalototoʻa pē naʻe hokosia ʻi he fakamanatu ʻo e taʻu kuo ʻosí.

Hiva 13 (124) mo e lotu tuku.

Uike Kamata ʻEpeleli 7

Hiva 21 (191)

10 min: Ngaahi fanongonongo fakalotofonua.

12 min: Maʻu ʻAonga mei he 2003 Yearbook. Malanga mo e fetalanoaʻaki mo e kau fanongó. Lāulea ki he “Tohi mei he Kulupu Pulé,” ʻa ia ʻoku haʻu fakataha ʻi he ʻīsiu ko eni ʻo ʻEtau Ngāue Fakafaifekau ʻo e Puleʻangá.

23 min: “Founga ʻo Hono Fakatauʻatāinaʻi Kitautolu ʻe he Moʻoní.”d Fakakau ai ʻa e ngaahi fakamatala ʻi he puha he peesi 6 ʻo e Taua Leʻo ʻo ʻOkatopa 1, 1998. Fakaafeʻi ʻa e kau fanongó ke nau fakamatala ki he founga ʻo hono ʻomai kia kinautolu ʻe he ngaahi moʻoni mei he Folofola ʻa e ʻOtuá ʻa e tauʻatāiná.

Hiva 7 (51) mo e lotu tuku.

[Fakamatala ʻi lalo]