Ngāueʻaki ʻa e Tohi Lotu ki he ʻOtua ke Fai ʻa e Ngaahi Ako Tohitapu

Ko e tohi Lotu ki he ʻOtua Moʻoni Pē Tahá ʻoku faʻu ia ke tokoniʻi ʻa e faʻahinga foʻou angé ke nau fakalakalaka ʻi he moʻoní pea fakaloloto ʻenau houngaʻia kia Sihova mo ʻene kautahá. ʻE lava ke ngāueʻaki ia ki he kau ako Tohitapú ko e tohi ako hono uá. Ko ʻEtau Ngāue Fakafaifekau ʻo e Puleʻanga ʻo Sune 2000, peesi 4, naʻe fakamatala ai: “Kapau ʻoku hā mahino mai ʻoku fai ʻe ha tokotaha ha fakalakalaka, neongo ʻoku māmālie, pea ʻokú ne fakatupulekina ʻa e houngaʻia ki he meʻa ʻokú ne akó, hoko atu leva ʻa e ako Tohitapú ki ha tohi hono ua hili ʻa e kakato ʻo e polosiua Fiemaʻu pea mo e tohi ʻIlo. . . . ʻI he ngaahi tuʻunga kotoa pē, ko e polosiua Fiemaʻu pea mo e tohi ʻIlo ʻe ʻuluaki akó. Ko e ako Tohitapú, ngaahi toe ʻaʻahí, pea mo e taimi ʻoku fakamoleki ke hokohoko atu ʻa e akó ʻoku totonu ke lau pea līpooti, neongo kapau ʻe papitaiso ʻa e tokotaha akó ki muʻa ke kakato ʻa e tohi hono uá.”

Ko hai ha toe taha ʻe lava ke maʻu ʻaonga mei ha ako Tohitapu ʻi he tohi Lotu ki he ʻOtua? ʻOku hoko atu ʻi he kupu tatau ko iá: “Kapau ʻokú ke ʻilo fekauʻaki mo ha niʻihi ʻa ia naʻa nau ako ʻa e [polosiua Fiemaʻu mo e] tohi ʻIlo he kuohilí kae ʻikai ʻaupito ke nau fakalakalaka ki he fakatapuí mo e papitaisó, te ke saiʻia nai ke tomuʻa sio pe te nau saiʻia ke toe hoko atu ʻenau ako Tohitapú.” Tau fai ha feinga makehe ke kamata ha ngaahi ako ʻi he tohi Lotu ki he ʻOtua mo e faʻahinga peheé lolotonga ʻa Maʻasi mo ʻEpeleli.