Taimi-Tēpile ki he Fakataha Ngāué

Uike Kamata Mē 10

Hiva 18 (162)

10 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Kapau ko e ngaahi fokotuʻu ʻi he peesi 4 ʻoku ʻaonga ki ho feituʻu ngāue fakaefakatahaʻangá, ngāueʻaki ia ke fakahāhā ʻa e founga ke tuʻuaki ai ʻa e Taua Leʻo ʻo Mē 15 mo e Awake! ʻo Mē 22. ʻE lava ke ngāueʻaki ha ngaahi tuʻuaki kehe. ʻI he tuʻunga taki taha, fakahāhā ha founga kehekehe ke tali ai ki he taʻofiʻanga fetalanoaʻaki “ʻOku ʻi ai pē ʻeku lotu.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 10.

15 min: Kuó Ke Fakaofiofi ki Ho Pule Ngāué? Malanga mo e fetalanoaʻaki mo e kau fanongó ke fai ʻe ha mātuʻa, makatuʻunga ʻi he kupu “Te Ke ʻi Ai?” ʻi he ʻEtau Ngāue Fakafaifekau ʻo e Puleʻanga ʻo ʻEpeleli 2004, peesi 4. Fakakau ai ha fakamatala mei he tohi Ako Fakafaifekau, peesi 67.

20 min: “‘Fano Atu.’”a Fakakau ai ha fakamatala ʻi he tohi Lotu ki he ʻOtua, peesi 150, palakalafi 14.

Hiva 15 (127) mo e lotu tuku.

Uike Kamata Mē 17

Hiva 6 (45)

10 min: Ngaahi fanongonongo fakalotofonua.

15 min: “Fakahāhā Hoʻo Fakamālō.”b Fakatatau ki he taimí, fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá. ʻI he lāulea ki he palakalafi 3, ʻai ha toko taha pe toko ua ʻa ia naʻá na toki ngāue ki muí ni ko ha ongo tāimuʻa tokoni ke na fakamatala ki he ngaahi tāpuaki naʻá na hokosia ʻi hono fai iá.

20 min: ʻOku Tau Fetokangaʻaki. (1 Kol. 12:​25, 26) Malanga mo e fetalanoaʻaki mo e kau fanongó makatuʻunga ʻi he tohi Our Ministry, peesi 157-9, ʻi lalo he kaveinga tokoni ko e “Fetokangaʻaki.” Neongo ʻoku nofo ʻa e kau sevāniti ʻa Sihová ʻi he tapa kotoa ʻo e māmaní, ʻoku tau fāʻūtaha vāofi. Pea ko kitautolu kotoa ʻoku totonu ke tau lotu maʻa hotau fanga tokouá he ʻaho kotoa pē. ʻOku tau toe vave ke ʻoatu ha tokoni fakamatelie ʻi he taimi ʻoku hoko ai ha ngaahi fiemaʻu fakavavevavé. Lau pea fetalanoaʻaki ʻi he ngaahi konga Tohi Tapu tefitó, pea fakakau ai ha meʻa ʻe taha pe ua naʻe hokosia ko e toʻo mei heʻetau ʻū tohí.

Hiva 26 (212) mo e lotu tuku.

Uike Kamata Mē 24

Hiva 25 (204)

12 min: Ngaahi fanongonongo fakalotofonua. Fakamatala paʻangá. Fakahāhā ʻa e founga ke tuʻuaki ai ʻa e Taua Leʻo ʻo Sune 1 mo e Awake! ʻo Sune 8. Feʻunuʻaki ʻa e tuʻuaki taki taha ke fakamānako ki ha taha ʻi ha lotu fakalotofonua.

15 min: “Fasi ʻOku Fakaivifoʻou.” Malanga mo e fetalanoaʻaki mo e kau fanongó. Fakakau ai ʻa e fakamatala ʻi he 2002 Yearbook, peesi 175, mo e Watchtower ʻo Fepueli 1, 1997, peesi 27, palakalafi 1-2.

18 min: Mateuteu ke Faifakamoʻoni ʻi he Founga ʻIkai Anga-Mahení. Malanga mo e fetalanoaʻaki mo e kau fanongó makatuʻunga ʻi he ʻEtau Ngāue Fakafaifekau ʻo e Puleʻanga ʻo Sune 2003, peesi 3. Fokotuʻutuʻu ki muʻa ki ha tokosiʻi ke nau fakamatala ki ha ngaahi meʻa naʻa nau hokosia ʻi heʻenau faifakamoʻoni ʻi he founga ʻikai anga-mahení. Fakahāhā nounou ʻa e founga ʻe lava ke ngāueʻaki ai ʻa e tuleki Te Ke Saiʻia ke ʻIlo Lahi Ange ki he Tohitapú? mo e kiʻi tohi Good News for All Nations ʻi he faifakamoʻoni ʻi he founga ʻikai anga-mahení.

Hiva 22 (130) mo e lotu tuku.

Uike Kamata Mē 31

Hiva 9 (37)

8 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Meé.

17 min: Moʻuí—Ko ha Meʻaʻofa ke Koloaʻaki. Fetalanoaʻaki mo e kau fanongó makatuʻunga ʻi he tohi Reasoning, peesi 25-6. Fakakau ai ʻa e fakamatala ʻi he Awake! ʻo Mē 22, 1993, peesi 10-​11. ʻE fēfē haʻo fakamatalaʻi ʻa e vakai ʻa Sihova fekauʻaki mo e fakatōtamá ki ha tokotaha ʻa ia ʻokú ne ongoʻi ʻoku ʻi ai ha totonu ʻa ha fefine ke ne fili ʻi he ngaahi meʻa ʻokú ne uesia ʻa hono sinó tonu? Fakamatala ki he meʻa naʻe hokosia ʻi he Taua Leʻo ʻo Sanuali 1, 2000, peesi 4, palakalafi 4-5.

20 min: “Tuʻuaki ʻo e Ako mei he Faiako Lahí.” Lolotonga ʻa Suné te tau tuʻuaki ai ʻa e tohi ko ení. Fakahaaʻi ʻa e ngaahi tafaʻaki ʻo e tohí ʻoku fakamatalaʻi ʻi he peesi 7, palakalafi 1-3. Fetalanoaʻaki ʻi ha ngaahi fakamatala mei he kau fanongó ki he meʻa ʻoku nau saiʻia ai fekauʻaki mo iá. Fakamanatu ʻa e ngaahi tuʻuaki kuo fokotuʻu maí. Fakamamafaʻi ʻa e founga ke fakaʻaliʻali ai ʻa e ngaahi fakatātaá ʻi he tuʻuaki ʻo e tohí. ʻAi ha talavou ke ne fakahāhā ʻa e ʻuluaki tuʻuakí, pea ko ha taha lahi ke ne tuʻuaki ha taha ʻi he ongo tuʻuaki kehe ʻe uá. Kapau ʻe ola lelei ange ha fakaofiofi kehe ʻi he feituʻu ngāue fakalotofonuá, ʻe lāulea nai ki ai pea fakahāhā ia ʻo fetongi ʻa e tuʻuaki ki muí.

Hiva 21 (191) mo e lotu tuku.

Uike Kamata Sune 7

Hiva 6 (45)

10 min: Ngaahi fanongonongo fakalotofonua. Lāulea ki he ngaahi poini tefito ʻo e “Ko ha Founga ke Tokoniʻi Ai Kinautolu.” Fakahaaʻi ʻa e niʻihi ʻo e ngaahi lea ʻa ia ʻoku fetaulaki mo ia ʻi he feituʻu ngāue fakalotofonuá.

15 min: Ngaahi fiemaʻu fakalotofonua.

20 min: Ngāueʻaki ʻa e Ngaahi Talanoa Fakatātā Ola Lelei ʻi Hoʻo Faiakó. Malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Sepitema 1, 2002, peesi 22-4. Ko e hā ʻa e ngaahi meʻa tefito ʻe fā ʻokú ne ʻai ke ola lelei ha talanoa fakatātaá? Ko e hā ʻoku ʻaonga ai ke tauhi ke faingofua ʻa e ngaahi talanoa fakatātaá? Ko fē ʻe lava ke tau maʻu ai ʻa e ngaahi talanoa fakatātā leleí? Sivisiviʻi ʻa e niʻihi ʻo e ngaahi fakatātā ʻi he puha he peesi 23, pea lāulea ki he meʻa ʻokú ne ʻai ke ola lelei ai ʻa e talanoa fakatātā taki taha.

Hiva 3 (32) mo e lotu tuku.

[Fakamatala ʻi lalo]