ʻAhiʻahi ha Fakaofiofi Ngaofengofua — LAIPELI Taua Le‘o ‘I HE ‘INITANETÍ

ʻAhiʻahi ha Fakaofiofi Ngaofengofua

Ko ʻetau mahuʻingaʻia moʻoni ʻi he kakaí te ne ueʻi kitautolu ke tau feinga ke ʻiloʻilo fekauʻaki mo ʻenau ngaahi fiemaʻú ʻo fakahaaʻi kia kinautolu ʻa e founga ʻe ʻomai ai ʻe he Puleʻangá ʻa e fakaleleiʻanga kakato ki he ngaahi palopalema ʻoku nau fetaulaki mo iá. (Fili. 2:4) Ko ha fakaofiofi ngaofengofua ʻa ia ko e tokolahi ʻo e kau malangá ʻoku nau ʻiloʻi ʻoku ola lelei, ko hono fakaafeʻi ʻa e tokotaha-ʻapí ke fakamatalaʻi ʻa e ngaahi fakatātā ʻo e Palataisí ʻi heʻetau ʻū tohí, hangē ko ia ʻoku fakahokohoko ʻi he kōlomu toʻomataʻu ʻo e peesi ko ení. Te ke fai nai ʻeni ʻo ngāueʻaki ʻa e taha ʻo e ngaahi talateu ʻoku hoko haké:

◼ “ʻOkú ke fakakaukau te tau toe sio ki he fāmili ʻo e faʻahinga ʻo e tangatá ʻoku nau fiefia ʻi he faʻahinga tuʻunga ko ia ʻi he fakatātā ko ení?”

◼ “Ko e kotoa ʻo kitautolú ʻoku tau fiemaʻu ʻetau fānaú ke nau malava ʻo fiefia ʻi he faʻahinga māmani ko ia he fakatātā ko ení. ʻOkú ke fakakaukau ko e hā ʻoku fiemaʻú kae lava ke fakahoko mai eni?”

◼ “Ko ha fakatātā eni ʻo e fōtunga ʻe ʻi ai ʻa e māmaní ʻi he taimi ʻe fakahoko ai ʻa e finangalo ʻo e ʻOtuá ʻi he māmaní ʻo hangē ko ia ʻi hēvaní. ʻOkú ke fakatokangaʻi ha faʻahinga meʻa heni ʻoku kehe ia mei he moʻui ʻo e ʻaho ní?”

◼ “Te ke saiʻia ke moʻui ʻi he malumalu ʻo e ngaahi tuʻunga ʻoku ʻi he fakatātaá? [Tuku ke ne tali.] ʻOkú ke fakakaukau ʻe hoko eni ʻi he vahaʻa taimi ʻo ʻetau moʻuí?”

Fanongo tokanga ki he tali ʻa e tokotahá peá ke vakaiʻi ʻa e anga ʻo ʻene fakakaukaú ʻaki hono ʻeke ha fehuʻi ʻe taha pe ua. Kapau ʻe tali ʻe ha faʻahinga ʻoku ʻikai ke nau fie moʻui ʻi he malumalu ʻo e ngaahi tuʻunga ʻi he fakatātaá pe ʻoku ʻikai ke nau tui ʻe malava ke hoko ha faʻahinga meʻa pehē, ʻoua ʻe vave ke fakamulituku ʻoku ʻikai ke nau mahuʻingaʻia. ʻEke pōtoʻi pe ko e hā ʻoku nau ongoʻi pehē aí. Ko ʻenau ngaahi talí ʻe fakahaaʻi nai ai ʻa ʻenau hohaʻa loloto fekauʻaki mo e ngaahi palopalema hā taʻealafakaleleiʻi ʻoku fetaulaki mo e faʻahinga ʻo e tangatá.—Isi. 9:4.

ʻI hoʻo ʻiloʻi ʻa e hohaʻa ʻa e tokotaha-ʻapí, ʻai ke fehoanaki hoʻo tuʻuakí mo ia. Fakamamafaʻi ʻa e tafaʻaki ʻo e pōpoaki ʻo e Puleʻangá ʻa ia ʻoku fakahanga totonu taha ki heʻene ngaahi fiemaʻú. Vahevahe mo ia ha konga Tohi Tapu ʻe taha pe ua ʻa ia ʻoku felāveʻi mo e meʻa ʻokú ne fakahohaʻasi iá. (Sio ki he ngaahi fokotuʻu ʻi he kōlomu toʻomataʻú.) ʻAi ke ne sio ki he meʻa ʻoku leaʻaki ʻe he Folofola ʻa e ʻOtuá. Kapau ʻokú ne fakahaaʻi ha mahuʻingaʻia, tuʻuaki ʻa e tohí pea fokotuʻutuʻu ke toe foki ki ai. Hokohoko atu ke langaʻi ʻene mahuʻingaʻiá ʻi hoʻomo ʻuluaki fetalanoaʻakí.

[Puha ʻi he peesi 6]

Ngaahi Fakatātā ʻo e Palataisí

Tohi Creation: peesi 237, 243, 251

Tohi Faiako: peesi 251-4

Tohi ʻIlo: peesi 4-5, 188-9

Polosiua Fiemaʻu: peesi 11, 13

Tohi True Peace: peesi 98

Tohi Lotu ki he ʻOtua: peesi 92-3

[Puha ʻi he peesi 6]

Ngaahi Meʻa ʻOku Nau Fakahohaʻasi ʻa e Kakaí

Faihiá, fakamālohí

Sāme 37:10, 11;