Fanongonongo

◼ Tohi ke tuʻuaki ki Fepueli 21–Maʻasi 20: Feingangāue makehe ke tufaki ʻa e Hanganaki Leʻo! Maʻasi 21-31: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, fakakau ai ʻa e faʻahinga naʻa nau maʻu ʻa e Fakamanatú pe ko e ngaahi meʻa fakateokalati kehé ka ʻoku ʻikai te nau feohi longomoʻui mo e kautahá. Tokangataha ki hono tufa ʻo e tohi Lotu ki he ʻOtua. ʻOku totonu ke fai ʻa e feinga fakamātoato ke kamata ha ako Tohi Tapu ʻi ʻapi, tautefito kapau kuo ʻosi ako ʻe he faʻahinga tāutaha ʻe niʻihi ʻa e tohi ʻIlo mo e polosiua Fiemaʻu. Sune: Ako mei he Faiako Lahí. Ki ha toe tohi ʻe taha, ʻe lava ke ke fakaʻaliʻali ʻa e polosiua Fiemaʻu.

◼ ʻOku totonu ke tukuange ʻe he ngaahi fakatahaʻangá ʻa e ngaahi ʻīsiu fakamuimui taha ʻo e Taua Leʻo mo e ʻĀ Hake! ʻi he hili pē hono maʻú. ʻE fakaʻatā ai ʻa e kau malangá ke nau hoko ʻo alāanga mo e ngaahi meʻa ʻi lotó ki muʻa ke tuʻuaki ʻa e ngaahi makasiní ʻi he malaʻe ngāué. ʻOku toe totonu foki ke tukuange ʻa e Ngāue Fakafaifekau ʻo e Puleʻanga ki he kau malangá ʻi he hili pē ʻene aʻu maí. ʻE tufaki nai ia fakafou ʻi he Ako Tohi ʻa e Fakatahaʻangá.

◼ ʻI ha taimi pē ʻoku kau ai ki hoʻo ngaahi palani folau fakafoʻituituí ʻa hono maʻu ʻo e ngaahi fakataha ʻa e fakatahaʻangá, ko ha ʻasemipilī pe ko ha fakataha-lahi fakavahe ʻi ha fonua ʻe taha, ko hoʻo kole ki ha fakamatala fekauʻaki mo e ʻahó, taimí mo e feituʻú kuo pau ke ʻave ia ki he ʻōfisi vaʻa ʻa ia ʻokú ne tokangaʻi ʻa e ngāué ʻi he fonua ko iá. Ko e ʻū tuʻasila ʻo e ngaahi ʻōfisi vaʻá ʻoku fakahokohoko ia ʻi he peesi fakamuimui ʻo e Yearbook lolotongá.

◼ ʻOku totonu ke tauhi maʻu ʻe he kau sekelitali ʻo e fakatahaʻangá ha tokonaki feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke ʻota ʻa e ngaahi meʻá ni ʻi he Literature Request Form (S-14). ʻAi ke ala maʻu ʻo ʻikai siʻi hifo he tokonaki ki he taʻu ʻe tahá.

◼ ʻE fakahoko ʻa e Fakamanatú ʻi he Tuʻapulelulu, ʻo Maʻasi 24, 2005. Kapau ʻoku anga-maheniʻaki ke fakataha hoʻomou fakatahaʻangá ʻi he Tuʻapulelulú, ʻe fiemaʻu ke liliu eni ki ha ʻaho kehe ʻo e uiké kapau ʻoku ʻatā ʻa e Fale Fakatahaʻangá. Kapau ʻoku ʻikai malava eni pea ʻoku uesia hoʻomou Fakataha Ngāué, ko e ngaahi konga ʻoku tautefito ʻene kaunga ki hoʻomou fakatahaʻangá ʻe fakakau nai ia ʻi ha Fakataha Ngāue kehe.

◼ Kuo telefoni ha tokolahi ʻo e kau malangá ki he ʻōfisi vaʻá ʻo fekauʻaki mo e ngaahi hiki pau ʻo e ngaahi hiva ʻo e Puleʻangá ʻa ia kuo hivaʻi ʻi ha founga manakoa, ʻa ia ʻoku tufaki holo ʻi he lotolotonga ʻo e Kau Fakamoʻoni ʻa Sihová. ʻOku nau fifili pe ʻoku tali ʻe he kautahá ʻa e ngaahi hiki ko ení. ʻOku mau lāuʻilo ki he ngaahi hiki ko ení pea ʻoku mau saiʻia ke fakahā atu ʻoku ʻikai te mau tali ʻa e ngaahi meʻá ni. Kātaki ʻoua ʻe tufaki holo pe fakahoko holo ʻa e ngaahi hiki ko ení mei he ʻInitanetí. ʻOku mau falala ʻe fakamaʻalaʻala ʻe he fakahinohino ko ení ʻa e ngaahi meʻá.