Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“Ko e kakai takatakai he māmaní ʻoku nau vikiʻi ʻa e ngaahi akonaki ʻa Sīsuú. [Lau ʻa e fakalea ʻi he peesi 3, palakalafi 1.] Ka ʻokú ke fakakaukau ko e ngaahi akonaki ko iá, hangē ko e fakatātā ʻoku maʻu ʻi he konga Tohi Tapu ko ení, ʻoku ʻaonga ia he ʻahó ni? [Lau ʻa e Mātiu 5:21, 22a. Pea tuku ke ne tali.] Ko e makasini ko ení ʻoku lāulea ai ki he meʻa naʻe akoʻi ʻe Sīsuú pea mo e founga ʻe lava ai ke tau maʻu ʻaonga mei aí.”
Awake! Mas. 22
“ʻOku tokolahi ʻa e kakai ʻoku nau saiʻia ʻi he ngaahi moʻungá ʻi honau fakaʻofoʻofá, ka naʻá ke ʻiloʻi ʻoku nau mātuʻaki mahuʻinga ki he moʻui ʻi he māmaní? [Tuku ke ne tali.] ʻOku lāulea ʻa e makasini ko ení ki he ʻuhinga ʻoku tau fiemaʻu ai ʻa e ngaahi moʻungá pea mo e meʻa ʻoku hoko kia kinautolu ʻi he ʻaho ní. ʻOku toe lave ai ki he founga ʻe fakahaofi ai ʻe he Tokotaha-Fakatupú ʻa e koloa mahuʻinga ko ení.” Lau ʻa e Sāme 95:4.
Ko e Taua Leʻo ʻEp. 1
“Kuó ke fanongo ʻi he pehē ko ia ʻoku fepakipaki ʻa e saienisí mo e Tohi Tapú? [Tuku ke ne tali.] ʻOku sivisiviʻi ʻe he makasini ko ení ʻa e hisitōlia ʻo e fepaki ʻi he vahaʻa ʻo e saienisí mo e lotú. Ka ʻoku toe ʻomai ai ʻa e fakamoʻoni ke fakahaaʻiʻaki ko e saienisi moʻoní ʻoku fehoanakimālie ia mo e Tohi Tapú.” Fakahaaʻi ʻa e peesi 6-7. Pea lau ʻa e Koheleti 1:7.
Awake! ʻEp. 8
“ʻOkú ke fakakaukau ʻe lava fēfē ke tokoniʻi ʻe he ngaahi mātuʻá ʻa ʻenau fānaú ke nau kalofi ʻa e ngaahi palopalema lolotonga ʻa e ngaahi taʻu faingataʻa ʻo e toʻutupú? [Tuku ke ne tali. Pea lau leva ʻa e Aisea 48:17, 18.] ʻOku fakahaaʻi ʻe he makasini ko ení ʻa e founga ʻe lava ke tokoniʻi ai ʻa e ngaahi mātuʻá ʻe he ngaahi faleʻi ʻa e Tohi Tapú ke nau pouaki ʻa e fetuʻutaki lelei mo ʻenau fānaú pea ke fokotuʻu ha ngaahi fakangatangata fakaʻatuʻi kiate kinautolu.”