Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“ʻOku faʻa fakamatala ʻa e kakaí ʻo kau ki he haʻu ʻa Sīsū Kalaisí. ʻOkú ke fakakaukau ko ha taimi ia ke fakatuʻotuʻa ki ai pe manavahē ki ai? [Tuku ke ne tali.] Fakatokangaʻi ʻa e anga ʻo e ongoʻi ʻo kau ki ai ʻa e tokotaha hiki Tohi Tapu ko Sioné. [Lau ʻa e Fakahā 22:20.] ʻOku fakamatalaʻi ʻe he makasini ko ení ʻa e meʻa ʻe fakahoko ʻi he haʻu ko ia ʻa Kalaisí.”
Awake! Mas.
“ʻOku hā ngali fuʻu hīkisia ʻa e kau taki tokolahi ʻi he māmaní. ʻOkú ke fakakaukau ko e ʻulungāanga ko ení ʻe tokoni ia ki he melino mo e feongoongoi ʻi he māmaní? [Tuku ke ne tali.] Ko e meʻa ʻeni ʻoku leaʻaki ʻe he Tohi Tapú ʻo kau ki he hīkisiá. [Lau ʻa e Palovepi 16:18.] ʻOku fakamatala ʻa e kupu ko ení ki he ngaahi ʻaonga ʻo e hoko ʻo anga-fakatōkilaló.” Fakaʻaliʻali ʻa e kupu ʻoku kamata ʻi he peesi 20.
Ko e Taua Leʻo ʻEp. 1
“Meimei ʻi he taʻu kotoa pē ʻoku tau fehangahangai ai mo e ngaahi fehuʻi ʻo kau ki heʻetau moʻui leleí, ko hotau fāmilí mo ʻetau ngāué. ʻOkú ke fakakaukau ko fē ʻe lava ke tau maʻu mei ai ʻa e ngaahi tali alafalalaʻanga mo ʻaongá? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú ʻi he 2 Timote 3:16. [Lau.] ʻOku fakahaaʻi ʻe he makasini ko ení ʻa e founga ʻe lava ai ke tokoniʻi kitautolu ʻe he Tohi Tapú ʻi he ngaahi founga ʻaonga lahi.”
Awake! ʻEp.
“ʻI he ngaahi konga lahi ʻo e māmaní, ʻoku ongoʻi ai ʻe he kakaí ʻoku hōloa ʻa e ngaahi tuʻunga fakaeʻulungāangá. Kuó ke fakatokangaʻi eni? [Tuku ke ne tali.] Ko e ngaahi tuʻunga ʻoku tau mātā he ʻaho ní ʻokú ne fakahoko ha kikite Fakatohitapu. [Lau ʻa e 2 Timote 3:2-4.] ʻOku fakahaaʻi ʻe he makasini ko ení ʻa e ʻuhinga ʻo e hōloa fakaeʻulungāangá pea mo e feituʻu ʻokú ne taki atu ki ai ʻa e faʻahinga ʻo e tangatá.”