Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp.-Sun.
“ʻOkú ke fakaʻamu ke hoko ʻo moʻoni ʻa e kikité ni? [Lau Taniela 2:44. Pea tuku ke ne tali.] Fakatokangaʻi ʻe ʻi ai e kaunga mai ʻa e ʻOtuá ki he ngaahi meʻa ʻa e tangatá pea mo fokotuʻu foki hono Puleʻangá. Ko e kupu ʻoku kamata ʻi he peesi 8 ʻoku lave lahi ange ai ki he kahaʻú ʻi hono fakamatalaʻi ko ia ʻe he Tohi Tapú, pea mo e ʻuhinga ʻoku totonu ke tau fakatuʻotuʻa atu ai ki aí.”
ʻĀ Hake! ʻEp.-Sun.
“ʻI he kotoa ʻo e hisitōliá, ʻoku moʻua ai ʻa e kakai fefiné ʻi he tomuʻa fehiʻanekinaʻí mo e fakamālohí. ʻOkú ke fakakaukau ko e hā ʻoku hoko ai e meʻá ni? [Tuku ke ne tali] Fakatokangaʻi angé ʻa e anga hono fakahinohino ʻe he Tohi Tapú ʻa e anga ʻoku totonu ke fai ʻe he ngaahi husepānití ki he ngaahi uaifí. [Lau ʻa e 1 Pita 3:7.] ʻOku fakahaaʻi ʻe he makasini ko ení mei he Tohi Tapú ʻa e anga ʻo e vakai ʻa e ʻOtuá pea mo Kalaisi ki he kakai fefiné.”
Ko e Taua Leʻo ʻEp.-Sun.
“Fakaʻuta atu ki he ngaahi palopalema kotoa ʻoku tau fehangahangai mo ia ʻi he ʻaho ní, ʻokú ke fakakaukau ʻe malava ke tau maʻu ʻa e nonga moʻoní? [Tuku ke ne tali.] Fakakaukau angé ki he ʻamanaki ʻoku ʻomai ʻe he Tohi Tapú ki he kahaʻú ʻa ia kuó ne tokoniʻi ʻa e tokolahi. [Lau ʻa e taha ʻo e ngaahi konga Tohi Tapu ʻoku hā pe lave ki ai ʻi he kupu ko ia ʻokú ke tuʻuakí.] ʻOku fakahaaʻi ʻe he makasini ko ení ʻa e lau ʻa e Tohi Tapú fekauʻaki mo e feituʻu naʻa tau haʻu mei aí, taumuʻa ʻo e moʻuí, mo e meʻa ʻoku tuku tauhi mai ʻe he kahaʻú.”
ʻĀ Hake! ʻEp.-Sun.
“ʻOku ʻi ai ʻa e ngaahi faingataʻa ʻi he nofo mali kotoa pē. ʻOkú ke fakakaukau ʻe maʻu mei fē ʻe he ongo meʻa malí ʻa e faleʻi ala falalaʻangá? [Tuku ke ne tali.] Tokanga angé ki he fakahinohino ʻaonga ko ení. [Lau ʻa e Efeso 5:22, 25.] ʻOku fakamatalaʻi ʻe he kupú ni ʻa e ʻuhinga ke anganofo ai ha uaifi ki hono husepānití.” Fakaʻaliʻali ʻa e kupu ʻoku kamata ʻi he peesi 28.