Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp. 15
“ʻOku hā ngali ʻoku hoko ʻo toe lahi ange ʻa e anga-fakamamahí. [ʻOhake ha fakatātā fakalotofonua pe ko ha fakatātā mei he makasiní.] Kuó ke fifili nai pe ʻoku anga-fēfē ʻa e lava ke hoko ʻo fuʻu anga-fakamamahi pehē ʻa e kakaí? [Tuku ke ne tali.] Naʻe tomuʻa tala ʻe he Tohi Tapú ha tupulaki ʻi he anga-fakamamahí. [Lau ʻa e 2 Timote 3:1-5.] ʻOku tali ʻe he makasini ko ení ʻa e fehuʻi, ‘ʻE faifai ange pea ngata ʻa e anga-fakamamahí?’”
ʻĀ Hake! ʻEp.–Sune
“Ko e anga ʻo e vakai ki he lotú ʻoku hā ngali feliliuaki ia ʻi he ngaahi feituʻu ʻe niʻihi. ʻOkú ke fakakaukau ʻoku mole mei he ngaahi lotú ʻa ʻenau faitākiekiná? [Tuku ke ne tali.] Ko e ngaahi lea ko eni ʻa e ʻapositolo ko Paulá ʻoku ʻomai ai ʻa e ʻuhinga ʻoku mole ai mei he niʻihi ʻa ʻenau falala ki he lotú. [Lau ʻa e Ngāue 20:29, 30.] ʻOku fakahaaʻi ʻe he makasini ko ení ʻa e meʻa ʻoku leaʻaki ʻe he Tohi Tapú ʻo kau ki he kahaʻu ʻo e lotu faka-Kalisitiané.”
Ko e Taua Leʻo Mē 1
“Ko e mate ʻa ha kiʻi tamá ʻoku fakatupunga ai ʻa e mamahi lahi mo fuoloa ki he ngaahi mātuʻá. ʻOkú ke fakakaukau ko fē ʻe lava ke nau maʻu mei ha fakafiemālié? [Tuku ke ne tali. Pea lau leva ʻa e Loma 15:5.] ʻOku lāulea ʻa e makasini ko ení ki he niʻihi ʻo e ngaahi founga ʻa ia ʻoku tokonaki mai ai ʻe he ʻOtuá ʻa e fakafiemālie ki he faʻahinga ʻoku mamahí.”
Awake! Mē
“ʻOku fiefia ʻa e kakai ʻe niʻihi ʻi heʻenau tuʻumālié, lolotonga ia ʻoku moʻui masiva ʻa e laui miliona ʻo e niʻihi kehé. ʻOkú ke fakakaukau ʻe faifai ange pea tau sio ki ha taimi ʻe mole atu ai ʻa e taʻefaitatau ko ení? [Tuku ke ne tali.] Fakatokangaʻi ʻa e anga ʻo e vakai ʻa e ʻOtuá ki he faʻahinga ʻoku masivá. [Lau ʻa e Sāme 22:24.] ʻOku fakamatalaʻi ʻe he makasini ko ení ʻa e ʻamanaki ʻoku ʻomi ʻi he Tohi Tapú ki he kau masivá.”