Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San. 15
“ʻI he ngaahi taʻu ki muí ni maí, kuo tupulaki ai ha mahuʻingaʻia ʻi he kau ʻāngeló. Kuó ke fifili nai pe ko hai kinautolu pea mo e anga ʻo ʻenau kaunga ki heʻetau moʻuí? [Tuku ke ne tali. Pea lau leva ʻa e Sāme 34:7.] ʻOku lāulea ʻa e makasini ko ení ki he meʻa ʻoku leaʻaki ʻe he Tohi Tapú ʻo kau ki he ngaahi ngāue ʻa e kau ʻāngeló—ʻi he kuohilí, lolotongá pea mo e kahaʻú.”
Awake! San.
“ʻOku ala maʻu he ʻahó ni ʻa e faleʻí ʻi he meimei kaveinga kotoa pē. ʻOkú ke fakakaukau ko e hā hono lahi ʻe lava ke tau falala ki aí? [Tuku ke ne tali. Pea lau leva ʻa e 2 Timote 3:16.] Ko e ʻīsiu ko eni ʻo e Awake! ʻoku fakahaaʻi ai ʻa e ʻuhinga ʻe lava ke tau hanga ai ki he Tohi Tapú ko ha matavai falalaʻanga ia ʻo e poto ʻaongá.” Fakaʻaliʻali ʻa e kupu ʻoku kamata ʻi he peesi 18.
Ko e Taua Leʻo Fep. 1
“Ko e kotoa ʻo kitautolú ʻoku tau fiemaʻu ha paʻanga kae lava ke tau moʻui. Ka ʻokú ke loto-tatau ʻoku ʻi ai ha fiemaʻu ke maluʻi kitautolu mei he fakatuʻutāmaki ko ia ʻoku lave ki ai ʻi hení? [Lau ʻa e 1 Timote 6:10, pea tuku ke ne tali.] ʻOku tokoniʻi kitautolu ʻe he ʻīsiu ko eni ʻo e Taua Leʻo ke tau fakapapauʻi ʻa e niʻihi ʻo e ngaahi tōʻanga anga-maheni ʻo e tuʻumālie fakamatelié pea ʻoku lāulea ai ki he founga ke kalofi ai iá.”
Awake! Fep.
“Ko e tokolahi ʻo kitautolu ʻoku ʻi ai hotau ngaahi kāinga mo e kaungāmeʻa taʻumotuʻá ʻoku tau fifili ki he founga ʻe lava ai ke tau tokoniʻi kinautolu ke nau fehangahangai mo e ngaahi pole ʻo e taʻumotuʻá. ʻIkai nai ko ia? [Tuku ke ne tali.] ʻOku fokotuʻu mai ʻe he makasini ko ení ʻa e ngaahi meʻa ʻe lava ke tau fai ke ala kātekina ange ai ʻa e tupu ʻo motuʻa angé. ʻOku toe fakamatalaʻi ai ʻa e founga ʻe fakahoko ai ʻa e kikite ko ení.” Lau ʻa e Siope 33:25.