Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 15
“Kapau ʻe malava ke ke fili mai ha taha ke ne pule ʻi he māmaní, ko hai te ke filí? [Tuku ke ne tali.] Ko e tatau ko ʻeni ʻo e Taua Leʻo ʻoku lāulea ai ki he ngaahi fakamoʻoni ʻo e Mīsaiá, ʻa e tokotaha ko ia kuo fili ʻe he ʻOtuá ke ne puleʻi ʻa e foʻi māmaní. ʻOku toe fakamatala ai ki he meʻa ʻe ʻuhinga ki ai ʻene pulé ki he faʻahinga ʻo e tangatá.” Lau ʻa e Aisea 9:6, 7 (5, 6, PM).
Awake! Fep.
“ʻOku lahi ʻa e ngaahi ʻotua ʻoku lotu ki ai ʻa e kakaí he ʻahó ni. Kae kehe, fakatokangaʻi ʻa e meʻa naʻe leaʻaki ʻe Sīsū ʻi he lotu fekauʻaki mo ʻene Tamai fakahēvaní. [Lau ʻa e Sione 17:3.] Kapau ʻoku taha pē ʻa e ʻOtua moʻoní, fēfē ʻa e ngaahi ʻotua kehé kotoa ia? [Tuku ke ne tali.] ʻOku ʻomai ʻe he kupu ko ʻení ʻa e vakai ʻa e Tohi Tapú.” Fakaeʻa ʻa e kupu ʻi he peesi 28-9.
Ko e Taua Leʻo Mas. 1
“ʻOku felotoi ʻa e kakai tokolahi ʻoku totonu ke tau feʻofaʻaki, ʻo hangē ko ia naʻe tuʻutuʻuni ʻe Sīsū ʻi he konga tohí ni. [Lau ʻa e Sione 13:34, 35.] Kae kehe, ko fē ʻe lava ke tau maʻu ai ha kakai ʻoku nau ngāueʻaki ʻa e ngaahi akonaki ʻa Sīsuú ʻi heʻenau moʻuí? [Tuku ke ne tali.] ʻOku lāulea ʻa e makasini ko ʻení ki he founga ʻe lava ke tau ʻiloʻi ai ʻa e kau Kalisitiane moʻoní ʻi he ʻaho ní.”
Awake! Mas.
“ʻOku mātuʻaki mahuʻinga ʻa e ʻofá ki heʻetau fiefiá mo e moʻui leleí. Ka, ki he kakai tokolahi, ʻoku faingataʻa ke maʻu ʻa e ʻofa moʻoní ia. ʻOkú ke fakakaukau pe ko e hā ʻoku pehē aí? [Tuku ke ne tali.] Ko e kī ʻe taha ki hono maʻu ʻa e ʻofa moʻoní ko e ako ke fakahāhā ʻa e ʻofa taʻesiokitá ki he niʻihi kehé. ʻOku fakamatala ʻa e makasini ko ʻení ki he meʻa ʻoku kau ki aí.” Lau ʻa e 1 Kolinito 13:4-7.