Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 15
“ʻOku ongoʻi ʻe he niʻihi ʻoku maumauʻi ʻe he tangatá ʻa e māmaní. ʻOkú ke tokanga nai ʻi ha taimi ʻo fekauʻaki mo ia? [Tuku ke ne tali.] Fakatokangaʻi ʻa e talaʻofa fakafiemālie ko ení. [Lau ʻa e Fakahā 11:18.] ʻOku fakamatala ʻa e makasini ko ení ki he tuʻunga ʻokú ne ʻai ke makehe atu ai ʻa e foʻi palanite ko ení. ʻOku toe fakahā ai ʻa e meʻa ʻoku leaʻaki ʻe he Tohi Tapú ʻo fekauʻaki mo e kahaʻu ʻo e foʻi māmaní.”
Awake! Fep.
“ʻOkú ke fakakaukau ko ha ʻuhinga eni ʻoku tau sio ai ki he lahi ʻa e faingataʻá ʻi he māmaní? [Lau ʻa e 1 Sione 5:19. Tuku leva ke ne tali.] ʻOku fakahaaʻi ʻe he kupú ni ʻa e meʻa ʻoku leaʻaki ʻe he Tohi Tapú ʻo fekauʻaki mo e tokotaha ko e “Fili” pea mo e founga ʻe malava ke tau kalofi ai ʻa ʻene tākiekina mālohí.” Fakaʻaliʻali ʻa e kupu ʻoku kamata ʻi he peesi 12.
Ko e Taua Leʻo Mas. 1
“ʻOku ongoʻi ʻe he kakai tokolahi ʻoku iku ʻa e ngaahi lotu kotoa pē ki he ʻOtuá. ʻOkú ke fakakaukau ʻoku mahuʻinga ʻa e lotu ʻoku fili ʻe ha taha? [Tuku ke ne tali.] Fakatokangaʻi ange ʻa e fokotuʻu ko ení. [Lau ʻa e 1 Sione 4:1.] ʻOku fakamatala ʻa e makasini ko ení ki he founga ʻe lava ke tau sivisiviʻi ai ʻa e ngaahi akonakí ke sio pe ʻoku mei he ʻOtuá. ʻOku toe fakamatala foki ai ki he anga ʻo e kamata ʻa e ngaahi lotu kehekehe.”
Awake! Mas.
“ʻI hoʻo fakakaukaú, ko e hā ʻa e ngaahi pole ʻoku fehangahangai he ʻahó ni mo e toʻutupú? [Tuku ke ne tali.] ʻOku fakaeʻa ʻe he veesi ko ení ʻa e pole ʻe taha—ko hono maʻu ʻa e faʻahinga kaumeʻa totonú. [Lau ʻa e Palovepi 13:20.] ʻOku fakamatala ʻa e makasini ko ení ki he ngaahi fakatuʻutāmaki ʻo hono ngāueʻaki ʻo e ʻInitanetí ke maʻu ai ʻa e ngaahi kaumeʻá pea mo e founga ʻe lava ke maluʻi ai ʻa e toʻutupú.”