Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 15
“ʻOku fakahohaʻasi ʻa e kakai tokolahi ʻe he ngaahi meʻa kovi ʻa ia kuo fai ʻi he hingoa ʻo e lotú. ʻOku ongoʻi ʻe he niʻihi ko e lotú ʻoku ʻi he tefito ʻo e ngaahi palopalema ʻa e faʻahinga ʻo e tangatá. Kuó ke fifili ʻi ha taimi fekauʻaki mo e meʻá ni? [Tuku ke ne tali. Lau leva ʻa e Fakahā 18:24.] ʻOku sivisiviʻi ʻe he makasini ko ení ʻa e meʻa ʻoku leaʻaki ʻe he Tohi Tapú ʻi he kaveingá ni.”
Awake! Fep. 22
“ʻOku fiefia ʻa e kakai tokolahi ʻi he ako fekauʻaki mo e fanga manú, pea ʻoku fiefia ʻa e niʻihi ʻi hono ʻai kinautolu ko ʻenau fanga kiʻi pusiakí. [Tuku ke ne fai ha fakamatala.] ʻOku lāulea ʻa e makasini ko ení ki he niʻihi ʻo e ngaahi faingataʻa ʻo hono tauhi ha pusiakí. ʻOku toe fakamatala ai ki he talaʻofa ʻa e ʻOtuá fekauʻaki mo ha taimi ʻa ia ʻe femelinoʻaki ai ʻa e fanga manú ʻia kinautolu pea mo e faʻahinga ʻo e tangatá.” Lau ʻa e Aisea 11:6-9.
Ko e Taua Leʻo Mas. 1
“ʻI he taimi ʻe taha, naʻe ʻeke ai kia Sīsū Kalaisi: ‘Ko e tuʻutuʻuni fe ʻoku tuʻukimuʻa ʻaupitó?’ Fakatokangaʻi angé ʻa ʻene talí. [Lau ʻa e Maake 12:29, 30.] Kuó ke fifili ʻi ha taimi pe ko e hā ʻa e ʻuhinga ʻa Sīsuú? [Tuku ke ne tali.] Ko e kupu ‘Founga ʻo ʻEtau Fakahāhā ʻEtau ʻOfa ki he ʻOtuá’ ʻoku sivisiviʻi ai ʻa e ʻuhinga ʻo e ngaahi lea ʻiloa ko iá.”
Awake! Mas. 8
“ʻI he taimi ʻe taha, naʻe nofo manavahē ai ʻa e kakai tokolahi ki ha tau fakaniukilia. ʻOkú ke fakakaukau ʻoku ngalingali ʻe hoko he ʻahó ni ha tau niukilia? [Tuku ke ne tali.] ʻOku sivisiviʻi ʻe he makasini ko ení ʻa e ngaahi meʻa ʻoku hoko fakamuimui ʻa ia ʻoku fekauʻaki mo e kotoa ʻo kitautolú. ʻOkú ne toe fakamatalaʻi ʻa e talaʻofa ʻa e Tohi Tapú ki ha māmani ʻa ia ʻe hoko ai ʻa e manavaheé ko ha meʻa pē ia ʻo e kuohilí.” Lau ʻa e Sefanaia 3:13.