Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 15
“ʻOku ʻi ai ʻa e ngaahi taimi ʻoku tau fanongo ai ki he ngaahi līpooti ʻa ia ʻoku taukaveʻi ai naʻe hoko ha mana. [Lave ki ha fakatātā.] ʻOku tui ʻa e kakai ʻe niʻihi ki he ngaahi līpooti ko ení. ʻOku veiveiua ʻa e niʻihi. ʻOku sivisiviʻi ʻe he makasini ko ení pe ko e ngaahi mana ko ia ʻoku līpooti ʻi he Tohi Tapú naʻe hoko moʻoni, pea ʻoku toe sivisiviʻi ai pe ʻoku hoko nai ʻa e ngaahi meʻa ko iá ʻi he ʻahó ni.” Lau ʻa e Selemaia 32:21.
Awake! Fep. 22
“ʻI he kuonga muʻá, naʻe tuʻutuʻuni ai ʻa e ʻOtuá ki he fānaú ke fakaʻapaʻapa ki heʻenau faʻeé pea pehē ki heʻenau tamaí. [Lau ʻa e Ekisoto 20:12.] ʻOkú ke fakakaukau ʻoku fakaʻapaʻapaʻi totonu nai ʻa e ngaahi faʻeé ʻi he ʻahó ni? [Tuku ke ne tali.] Ko e makasini ko ení ʻoku sivisiviʻi ai ʻa e ngaahi pole ʻoku fetaulaki mo e ngaahi faʻē ʻi he ngaahi fonua kehekehe pea mo e founga ʻoku nau fekuki ai mo e ngaahi pole ko iá.”
Ko e Taua Leʻo Mas. 1
“ʻOkú ke fakakaukau ʻe hoko ʻa e māmaní ko ha feituʻu lelei ange kapau ʻe ngāueʻaki ʻe he tokotaha kotoa ʻa e faleʻi ko ení? [Lau ʻa e Loma 12:17, 18. Pea tuku ke ne tali.] Ko e meʻa fakamamahí, ʻoku faʻa hoko nai ʻa e ngaahi faikehekehe fakafoʻituitui. ʻOku fakahaaʻi ʻe he makasini ko ení ʻa e founga ʻoku lava ai ʻe hono ngāueʻaki ʻa e faleʻi ʻa e Tohi Tapú ke tokoniʻi kitautolu ke tau fakaleleiʻi ʻa e ngaahi fepakí pea toe fakafoki mai ʻa e melinó.”
Awake! Mas. 8
“ʻI he taʻu taki taha, ʻoku fakalalahi ai ʻa e fiemaʻu ʻo e iví. ʻOku lava ke ke fakakaukau atu ko e hā ʻa e meʻa ʻe hokó kapau ʻe ʻi ai ha ʻaho ʻe kaʻanga ai ʻa e iví? [Tuku ke ne tali.] Ko e makasini ko ení ʻoku lāulea ai ki he fakalakalaka kuo hoko ʻi hono faʻu ko ia ha ngaahi matavai maʻa ange ʻo e iví. ʻOku toe fakahaaʻi ai ʻa e Matavai ʻo e ivi kotoa pē.” Lau a e Aisea 40:26.