Fanongonongo

◼ Tohi ke tuʻuaki ʻi Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, tokangataha ki hono tufaki ʻa e tohi Akoʻi ʻe he Tohi Tapú. Sune: Ako mei he Faiako Lahí. Ki ha toe tuʻuaki ʻe taha, te ke fakaʻaliʻali nai ʻa e polosiua Fiemaʻu.

◼ Koeʻuhi ʻoku ʻi ai ʻa e fakaʻosinga uike kakato ʻe nima ʻi ʻEpeleli, ʻe hoko ia ko ha māhina lelei ʻaupito ki he tāimuʻa tokoní.

◼ ʻE fai ʻa e Fakamanatú ʻi he Pulelulu, ʻEpeleli 12, 2006. Kapau ʻoku fai anga-maheni ʻe hoʻomou fakatahaʻangá ʻa e fakatahá ʻi he Pulelulú, ʻe fiemaʻu ke liliu eni ki ha ʻaho kehe ʻo e uiké kapau ʻoku ʻatā ʻa e Fale Fakatahaʻangá. Kapau ʻoku ʻikai malava eni pea ʻoku uesia ʻa hoʻomou Fakataha Ngāué, ko e ngaahi konga ʻoku tautefito ʻene kaunga ki hoʻomou fakatahaʻangá ʻe fakakau nai ia ʻi ha Fakataha Ngāue kehe.

◼ Ko e polokalama vitiō ko e Noah​—He Walked With God ʻe lāulea ki ai ʻi he Fakataha Ngāue ʻi Meé. Kapau ʻe fiemaʻu, ʻoku totonu ke fai ha kole ki ha ngaahi tatau ʻo fakafou ʻi he fakatahaʻangá ʻi he vave taha ʻe ala lavá.

◼ ʻOku totonu ke tukuange ʻe he ngaahi fakatahaʻangá ʻa e ngaahi ʻīsiu fakamuimui taha ʻo e Taua Leʻo mo e ʻĀ Hake! ʻi he hili pē hono maʻú. ʻE fakaʻatā ai ʻa e kau malangá ke nau hoko ʻo alāanga mo e ngaahi meʻa ʻi lotó ki muʻa ke tuʻuaki ʻa e ngaahi makasiní ʻi he malaʻe ngāué. ʻOku toe totonu foki ke tuku atu ʻa ʻEtau Ngāue Fakafaifekau ʻo e Puleʻanga ʻi he hili pē ʻene aʻu maí. ʻE tufaki nai ia fakafou ʻi he fokotuʻutuʻu Ako Tohi ʻa e Fakatahaʻangá.

◼ ʻOku ʻikai ke ʻomai ʻe he ʻōfisi vaʻá ʻa e ngaahi kole tohi ʻa ha kau malanga tāutaha. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he ʻōfisi vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ ʻI he Tokonaki Maʻasi 25, 2006, ko e ʻū fale ʻo e vaʻá ʻi Manurewa ʻe tāpuni ia ki hano fakamaʻa fakaʻāuliliki. ʻE ʻikai fai ha ngaahi fokotuʻutuʻu ki ha ʻaʻahi ʻi he ʻaho ko iá.