Taimi-Tēpile ki he Fakataha Ngāué
Uike Kamata Maʻasi 13
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 4 pe ngaahi tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Maʻasi 15 mo e Awake! ʻo Maʻasí. ʻI he fakaʻosinga ʻo e tuʻuaki taki taha, ʻai ʻa e tokotaha malangá ke ne fakaafeʻi ʻa e tokotaha-ʻapí ki he Fakamanatú, ʻo ngāueʻaki ʻa e tuʻa takafi ʻo e makasini ʻa ia ʻoku fakaʻaliʻalí.
15 min: “Tokoniʻi ʻa e Niʻihi Kehé Ke Nau Maʻu ʻAonga mei he Huhuʻí.”a Ko e konga hoko hení ʻe lāulea lahi ange ai ki he founga ʻe lava ke tau ngāueʻaki ai ʻa e peesi 206-8 ʻo e tohi Akoʻi ʻe he Tohi Tapú ʻi hono fakaafeʻi ʻa e kakaí ki he Fakamanatú.
20 min: Ko e Kai Efiafi ʻa e ʻEikí—Ko ha Kātoanga ʻOku Fakalāngilangiʻi Ai ʻa e ʻOtuá. Fetalanoaʻaki fehuʻi mo e tali ʻo makatuʻunga ʻi he peesi 206-8 ʻo e tohi Akoʻi ʻe he Tohi Tapú. ʻI ha talateu siʻi hifo ʻi he miniti ʻe tahá, fakahaaʻi ʻa e founga ʻe lava ke fakahokoʻaki ai ʻa e tuʻunga-leá ki he tokotaha-ʻapí ʻaki hono lau ʻa e palakalafi ʻuluakí. Fakaafeʻi leva ʻa e kau fanongó ke nau fakamatala ki he ngaahi fehuʻi hokó ʻo ʻikai lau ʻa e ʻū palakalafí: (pal. 2) Ko fē ʻa e taimi naʻe fokotuʻu ai ʻe Sīsū ʻa e Fakamanatu ʻo ʻene pekiá? (pal. 3) ʻOku totonu ke kātoangaʻi tuʻo fiha ʻa e Kai Efiafi ʻa e ʻEikí? (pal. 4) ʻOku anga-fēfē hono fakamatalaʻi ʻe he Tohi Tapú ʻa e kātoanga Fakamanatú? (pal. 5) ʻOku anga-fēfē ʻetau ʻiloʻi naʻe ʻikai ke liliu ʻe Sīsū ʻa e maá ki hono sinó tonu pea mo e uainé ki hono totó? (pal. 6) Ko e hā ʻoku fakatātaaʻi ʻe he mā taʻelēvaní? (pal. 7) Ko e hā ʻoku fakafofongaʻi ʻe he uaine kulokulá? (pal. 8) Ko hai pē ʻoku totonu ke maʻu ʻinasi ʻi he maá mo e uainé? (pal. 9) Ko fē ʻa e taimi ʻoku fai ai ʻa e Fakamanatú ʻi he taʻu taki taha, pea ko e hā ʻoku totonu ke tau kau ai ki aí? Fakamamafaʻi ʻa e ngaahi konga Tohi Tapu tefitó ʻo fakatatau ki he taimí. Fakalototoʻaʻi ʻa e tokotaha kotoa ke ako ʻa e fakamatalá ni mo e kau ako Tohi Tapú mo e niʻihi kehe ko ia ʻoku nau fakaafeʻi ki he Fakamanatú ʻaki hono lau ʻa e ʻū palakalafí, lāulea ki he ngaahi poini tefitó, pea ʻi hono ngāueʻaki ʻa e ngaahi fehuʻi faingofua, hangē ko ia ʻoku ʻomai ʻi he konga ko ení.
Hiva 134 mo e lotu tuku.
Uike Kamata Maʻasi 20
10 min: Ngaahi fanongonongo fakalotofonua. Fakamanatu ʻa e ngaahi poini tefito mei he puha “Ngaahi Meʻa ke Manatuʻi ki he Fakamanatú.”
23 min: Ngafa ʻo Kalaisí ʻi he Fokotuʻutuʻu ʻa e ʻOtuá. Ko ha malanga makatuʻunga ʻi he Organized to Do Jehovah’s Will, peesi 10-13. ʻI he lāulea ki he ʻuluaki ongo palakalafi ʻi he kaveinga tokoni “Ko e Ngafa ʻo Kalaisí,” ngāueʻaki ʻa e miniti ʻe tolu pe fā ke fokotuʻu mo fakahāhā ʻa e ngaahi founga ke ngāueʻaki ai ʻa e tohi fakaafe ki he Fakamanatú. Fakamanatu ʻa e ngaahi fokotuʻu ʻi he ʻEtau Ngāue Fakafaifekau ʻo e Puleʻanga ʻo Fepueli 2006, peesi 3, palakalafi 3.
12 min: Fakaivia ʻi Hono Vakaiʻi Fakaʻaho ʻa e Tohi Tapú. Malanga mo e fakahāhā makatuʻunga ʻi he talateu ʻo e Ko Hono Vakaiʻi Fakaʻaho ʻa e Tohi Tapú—2006. Fokotuʻutuʻu ha fakahāhā ʻo ha fāmili ʻoku nau lāulea ki he konga tohi mo e fakamatala ʻo e ʻaho ko iá.
Hiva 103 mo e lotu tuku.
Uike Kamata Maʻasi 27
15 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Maʻasí. Lau ʻa e fakamatala paʻangá pea fakamālōʻiaʻi ʻa e tokoní. ʻI hono ngāueʻaki ʻa e ngaahi fokotuʻu he peesi 4 pe ko ha ngaahi tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 1 mo e Awake! ʻo ʻEpelelí. Fakahaaʻi foki ʻa e founga ke ngāueʻaki ai ʻa e tohi fakaafe kuo pulusí ke fakaafeʻiʻaki ʻa e faʻahinga mahuʻingaʻiá ki he Fakamanatú.
10 min: ʻOku Kei Pule Mai Koā ʻa e ʻOtuá? Malanga mo e fakahāhā ʻo makatuʻunga ʻi he tuʻa takafi ʻo e Taua Leʻo ʻo ʻEpeleli 1, 2006. Ngāueʻaongaʻaki ʻa e faingamālie kotoa pē ke fakaafeʻi ai ʻa e kakaí ki he malanga makehe maʻá e kakaí. Fakapapauʻi ke fakaafeʻi ʻa e tokotaha ako Tohi Tapu kotoa pē pea pehē ki he ngaahi mēmipa ʻo hono fāmilí ʻa ia ʻoku ʻikai nai ke nau kau ʻi he ako Tohi Tapú. Ko e faʻahinga kotoa pē ʻoku ʻiloa ʻoku nau mahuʻingaʻiá mo e niʻihi kehe ʻa ia ʻoku tau fetaulaki ʻi he malaʻe ngāué ʻoku totonu ke fai ki ai ʻa e fakaafe makehe ko ení. Fakahāhā ʻa e founga ke ngāueʻaki ai ʻa e Taua Leʻo ʻo ʻEpeleli 1 ʻi hono fakaaʻu atu ha fakaafe ki he tokotaha kuó ne hoko ʻo ʻikai longomoʻui pe kuo tuku ʻene maʻu ʻa e ngaahi fakatahá.
20 min: Ngaahi hokosia fakalotofonua. Fakaafeʻi ʻa e kau fanongó ke nau fakamatala ki he ngaahi hokosia naʻe maʻu ʻi hono tuʻuaki ʻa e tohi Akoʻi ʻe he Tohi Tapú lolotonga ʻa Maʻasí. Fakamamafaʻi ʻa e ngaahi ako Tohi Tapu naʻe kamatá. ʻE lava ke fakatātaaʻi ha hokosia tuʻu-ki-muʻa ʻe taha pe ua.
Hiva 170 mo e lotu tuku.
Uike Kamata ʻEpeleli 3
15 min: Ngaahi fanongonongo fakalotofonua. Fakamanatu nounou ʻa e kupu ko e “Fiefia ʻi Heʻetau Ako ʻa e Ko e Hā ʻOku Akoʻi Moʻoni ʻe he Tohi Tapú?” ʻa ia ʻoku hā ʻi he peesi 6 ʻo ʻEtau Ngāue Fakafaifekau ʻo e Puleʻanga ʻo Fepueli 2006. Tohoakiʻi ʻa e tokangá ki he taimi-tēpile ʻo e akó ki he tohi Akoʻi ʻe he Tohi Tapú. Fakahaaʻi foki ʻa e founga ke ngāueʻaki ai ʻa e tohi fakaafe kuo pulusí ke fakaafeʻiʻaki ʻa e faʻahinga mahuʻingaʻiá ki he Fakamanatú.
10 min: Ngaahi fiemaʻu fakalotofonua.
20 min: “Akoʻi ʻa e Kau Anga-Vaivaí ke ʻAʻeva ʻi he Hala ʻo e ʻOtuá.”b Fakakau ai ʻa e fakamatala makatuʻunga ʻi he Taua Leʻo ʻo Siulai 1, 2004, peesi 16, palakalafi 9.
Hiva 93 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.