Fiefia ʻi Heʻetau Ako ʻa e Ko e Hā ʻOku Akoʻi Moʻoni ʻe he Tohi Tapú?

¹ Ko ha tafaʻaki fakafiefia ʻo e ngaahi Fakataha-Lahi Fakavahe “Talangofua Fakaʻotua” ko hono tukuange mai ʻa e tohi Ko e Hā ʻOku Akoʻi Moʻoni ʻe he Tohi Tapú? ʻE vavé ni ke tau ngāueʻaki lahi ia ʻi heʻetau ngāue fakafaifekaú, tautefito ʻi he taimi ʻoku tau fakahoko ai ha ngaahi ako Tohi Tapu ʻi ʻapí. Ko ia ai, ʻoku fiemaʻu ke tau hoko ʻo maheni lelei mo e tohi foʻoú ni. ʻE malava ia koeʻuhi te tau ako ia ʻi he Ako Tohi ʻa e Fakatahaʻangá ʻo kamata ʻi he uike ʻo ʻEpeleli 17, 2006.

² ʻE fakahanga ʻa e tokanga ʻa e ʻovasia Ako Tohi ʻa e Fakatahaʻangá ki he ngaahi fehuʻi ʻoku hā ʻi he kamataʻanga ʻo e vahe taki taha. ʻE fakahoko leva ʻa e akó ʻo ngāueʻaki ʻa e ngaahi fehuʻi ʻi lalo ʻi he pēsí. Ko e ngaahi konga Tohi Tapu tefitó ʻe lau pea fetalanoaʻaki ki ai, pea ko e puha “Meʻa ʻOku Akoʻi ʻe he Tohi Tapú” ʻi he ngataʻanga ʻo e vahe taki taha ʻe ʻaonga ia ʻi hono fakamanatu ʻa e fakamatalá koeʻuhi ʻoku ʻi he puhá ʻa e ngaahi tali Fakatohitapu ki he ngaahi fehuʻi talateu ʻo e vahé. Te ke fiefia ke fai ha tali koeʻuhi ʻoku kātoi ʻi he tohí ni ʻa e ngaahi kaveinga ʻi ha founga mahino, faingofua mo fakamānako.

³ Ko e ʻapenitiki ʻo e tohí ni ʻoku tokonaki mai ai ʻa e ngaahi fakaikiiki ʻi he ngaahi tuʻunga-lea kehekehe. ʻE malava ke tau ngāueʻaki ʻa e fakamatalá ni ʻi he taimi ʻoku fiemaʻu ai ki he kau ako Tohi Tapú ha fakamatala lahi ange ʻi ha tuʻunga-lea pau. Ko e ngaahi konga ʻo e ʻapenitikí ʻe ʻi ai ʻa e ngaahi taimi ʻe lāulea ai ki ai ʻi he lolotonga ʻa e Ako Tohi ʻa e Fakatahaʻangá. Ko e fakamatala kotoa ʻi he ʻapenitikí ʻi ha tuʻunga-lea ʻe lau ia ʻe he tokotaha lautohi ʻo e ako tohí, pea ko e ngaahi kupu lōloa angé ʻe lava ke lāulea fakakongokonga ki ai. ʻOku ʻikai ke hā ʻa e ngaahi fehuʻi ʻo e akó ʻi he ʻapenitikí. Ka ʻe lava ʻe he ʻovasiá ke maʻu ha ngaahi tali mei he faʻahinga ʻoku ʻi aí ʻaki hono ʻeke ha ngaahi fehuʻi ʻa ia ʻoku fakaeʻa ai ʻa e ngaahi poini tefitó.

⁴ Ko e ngaahi ako ʻo e tohi Akoʻi ʻe he Tohi Tapú ʻe ngaʻunu vave ia ʻi he Ako Tohi ʻa e Fakatahaʻangá. ʻOku ʻikai ʻamanekina ke tau tauhi ki he vave ko iá ʻi heʻetau ako ʻa e tohí ni mo e niʻihi kehé, tautefito kapau ʻoku siʻisiʻi pe ʻikai haʻanau ʻilo ki he Tohi Tapú. (Ng. 26:​28, 29) ʻI he lolotonga ʻa e ngaahi ako Tohi Tapu ʻi ʻapí, ʻe fiemaʻu ke tau lāulea ki he ngaahi konga Tohi Tapú ke toe fakaʻāuliliki ange, fakamatalaʻi ʻa e ngaahi fakatātaá, mo e ngaahi alāmeʻa peheé. Ko ia, ʻai ia ko hoʻo taumuʻa ke kau ki ai ʻi he uike kotoa pē pe kau kakato ʻi heʻetau ako ʻa e tohi Ko e Hā ʻOku Akoʻi Moʻoni ʻe he Tohi Tapú?

Ko e Hā ʻOku Akoʻi Moʻoni ʻe he Tohi Tapú?

Taimi-tēpile ako ki he ngaahi uike ʻo ʻEpeleli 17, 2006 ki Sanuali 1, 2007.

UIKE ʻO VAHE PALAKALAFI ʻAPENITIKI

ʻEp. 17 1* 1-13

ʻEp. 24 1 14-24 p. 195-7

Mē 1 2 1-17

Mē 8 2 18-20 p. 199-201

Mē 15 3 1-12

Mē 22 3 13-24

Mē 29 4 1-11 p. 197-9

Sune 5 4 12-22 p. 201-4

Sune 12 5 1-13 p. 204-6

Sune 19 5 14-22 p. 206-8

Sune 26 6 1-6 p. 208-11

Siu. 3 6 7-20

Siu. 10 7 1-15

Siu. 17 7 16-25 p. 212-15

Siu. 24 8 1-17

Siu. 31 8 18-23 p. 215-18

ʻAo. 7 9 1-9 p. 218-19

ʻAo. 14 9 10-18

ʻAo. 21 10 1-9

ʻAo. 28 10 10-19

Sep. 4 11 1-11

Sep. 11 11 12-21

Sep. 18 12 1-16

Sep. 25 12 17-22

ʻOka. 2 13 1-9

ʻOka. 9 13 10-19

ʻOka. 16 14 1-13

ʻOka. 23 14 14-21

ʻOka. 30 15 1-14

Nōv. 6 15 15-20 p. 219-20

Nōv. 13 16 1-10 p. 221-2

Nōv. 20 16 11-19 p. 222-3

Nōv. 27 17 1-11

Tīs. 4 17 12-20

Tīs. 11 18 1-13

Tīs. 18 18 14-25

Tīs. 25 19 1-14

San. 1 19 15-23

Lau mo fetalanoaʻaki nounou ʻi he lahi taha ʻo e ngaahi konga Tohi Tapu ʻoku haá ʻo fakatatau ki he taimí. Ko e ngaahi palakalafí kotoa, fakatouʻosi ʻi he fakamatala tefitó pea ʻi he ʻapenitikí, ʻoku totonu ke lau. Fetalanoaʻaki ʻi he puha “Meʻa ʻOku Akoʻi ʻe he Tohi Tapú” ʻi he hili ʻa e lāulea ki he palakalafi fakaʻosi ʻi he vahé.

* Fakakau ki ai ʻa e talateú, peesi 3-7.