Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San. 15
“ʻOkú ke fakakaukau ko fē ʻe lava ke hanga ki ai ʻa e ngaahi hoa malí ki ha faleʻi alafalalaʻanga? [Tuku ke ne tali.] Fakatokangaʻi ange ʻa e tokotaha naʻá ne kamataʻi ʻa e nofo malí. [Lau ʻa e Senesi 2:22.] Naʻe toe ʻomai ʻe he ʻOtuá ʻa e ngaahi fakahinohino ki he ngafa molumalu ʻo e husepānití mo e uaifí. ʻOku fakamatalaʻi ia ʻe he makasini ko ʻení.”
ʻĀ Hake! San.-Mas.
“ʻOku fiefia ʻa e meimei tokotaha kotoa ʻi he sio televīsoné. Ka ʻokú ke fakakaukau ʻoku totonu ke tau filifili ʻa e meʻa ʻoku tau sio aí? [Tuku ke ne tali. Lau leva ʻa e Palovepi 13:20.] ʻOku fakamatalaʻi ʻe he makasini ko ʻení ʻa e anga hono tākiekina kitautolu ʻe he televīsoné, pea ʻoku ʻomai ai ʻa e ngaahi fokotuʻu ki he founga ke mapuleʻi ai ʻetau sió.”
Ko e Taua Leʻo Fep. 1
“ʻOkú ke fakakaukau ʻe lava ke lelei ange hotau feituʻú kapau ʻe ngāueʻaki ʻe he tokotaha kotoa ʻa e lea ko ʻení? [Lau ʻa e Efeso 4:25. Pea tuku ke ne tali.] ʻOku fakakaukau ʻa e kakai tokolahi ʻoku sai pē ke loi ʻi he tuʻunga ʻe niʻihi. ʻOku fakamatalaʻi ʻe he makasini ko ʻení ʻa e ʻaonga ke leaʻaki maʻu pē ʻa e moʻoní.”
ʻĀ Hake! San.-Mas.
“ʻOku ʻi ai ʻa e ngaahi fakakaukau fepakipaki fakalotu ʻo kau ki hono ngāueʻaki ʻa e ngaahi inu ʻolokaholó. Ko e hā hoʻo fakakaukau ki he anga ʻo e ongoʻi ʻa e ʻOtuá ʻo kau ki hono ngāueʻakí? [Tuku ke ne tali.] Neongo ko e ʻuluaki mana ʻa Sīsuú ko hono liliu ʻa e vaí ko e uaine, ʻoku toe ʻomai ʻe he Tohi Tapú ʻa e fakatokanga ko ʻení. [Lau ʻa e Palovepi 20:1.] ʻOku fakamatalaʻi ʻe he kupu ko ʻení ʻa e vakai mafamafatatau ʻa e Tohi Tapú ki he meʻá ni.” Fakaʻaliʻali ʻa e kupu ʻoku kamata ʻi he peesi 18.