Taimi-Tēpile ki he Fakataha Ngāué

Uike Kamata Fepueli 12

Hiva 52

10 min: Ngaahi fanongonongo fakalotofonua. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Fepueli 15 mo e Awake! ʻo Fepueli. ʻI he taha ʻo e ongo fakahāhaá, fakahaaʻi ʻa e founga ke fai ai ha tali ki he taʻofiʻanga ʻo e fetalanoaʻaki ʻi ha pehē mai, “ʻOku ʻikai ke u mahuʻingaʻia au ʻi he lotú.”—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, p. 9.

35 min: “Ongoongoa Atu ʻa e Ngaahi Lelei ʻo Sihová.”a Ke fai ʻe he ʻovasia ngāué. ʻI ha ngaahi poini feʻungamālie he lolotonga ʻa e fetalanoaʻakí, fanongonongo ʻa e taimi mo e feituʻu ʻo e Fakamanatú, toe ngaahi fokotuʻutuʻu fakataha ki he ngāue fakamalangá pea mo e taumuʻa ʻa e fakatahaʻangá ki he kau tāimuʻa tokoni ʻi ʻEpelelí.

Hiva 147 mo e lotu tuku.

Uike Kamata Fepueli 19

Hiva 198

5 min: Ngaahi fanongonongo fakalotofonua.

20 min: “Faʻifaʻitaki ki he Faiako Lahí ʻi Hono Ngāueʻaki ʻa e Tohi Akoʻi ʻe he Tohi Tapú.”b ʻI he lāulea ki he palakalafi 6, ʻai ha fakahāhā nounou ʻo fakahaaʻi ai ha tokotaha malanga ʻokú ne ngāueʻaki ʻa e puha ʻi he fakaʻosinga ʻo e vahe 6 ʻi he tohi Akoʻi ʻe he Tohi Tapú ke fakamanatu ʻa e vahé mo ʻene tokotaha akó.

20 min: ʻE Lava Ke Ke Kamata ha Ako Tohi Tapu ʻi Maʻasi? Fetalanoaʻaki mo e kau fanongó. Lolotonga ʻa e ʻuluaki konga ʻo Maʻasí te tau tuʻuaki ai ʻa e tohi Akoʻi ʻe he Tohi Tapú fakataha mo e taumuʻa ʻo hono kamata ha ngaahi ako Tohi Tapu. Fakamanatu ʻa e ngaahi fokotuʻu ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2006, peesi 3-6. ʻI hono ngāueʻaki ʻa e taha ʻo e ngaahi fokotuʻu ʻi he peesi 6 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke kamata ai ha ako Tohi Tapu ʻi he fuofua ʻaʻahí pē. Fakaafeʻi ʻa e kau fanongó ke nau fakamatala ki ha ngaahi meʻa fisifisimuʻa naʻa nau hokosia ʻi hono ngāueʻaki ʻa e tohí, tautautefito ʻi hono kamata ʻo e ngaahi ako Tohi Tapú.

Hiva 220 mo e lotu tuku.

Uike Kamata Fepueli 26

Hiva 29

10 min: Ngaahi fanongonongo fakalotofonua. Lau ʻa e fakamatala paʻangá pea mo hono fakamālōʻiaʻi ʻa e ngaahi tokoní. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Maʻasi 1 pea mo e Awake! ʻo Maʻasi. ʻI he taha ʻo e ongo tuʻuakí, fakahāhā ha tokotaha malanga ʻoku ngāue ʻi he feituʻu pisinisí.

15 min: “ʻOua ʻe Ngalo ʻa e Faʻahinga ʻOku ʻIkai Longomoʻuí.”c Fakakau ai ʻa e fakamatala ʻi he Taua Leʻo ʻo Mē 1, 2004 peesi 21-2, palakalafi 13-16.

20 min: “Faʻifaʻitaki kia Kalaisi ʻi Hoʻo Ngāue Fakafaifekaú.”d Fakatatau ki he taimí, fakaafeʻi ʻa e kau fanongó ke nau lau mo fai ha tali ʻi he ngaahi konga Tohi Tapu ʻoku haá.

Hiva 18 mo e lotu tuku.

Uike Kamata Maʻasi 5

Hiva 32

15 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻOange ha tatau ʻo e tohi fakaafe makehe ki he Fakamanatú ki he tokotaha kotoa pē ʻi he kau fanongó pea fakamanatu ʻa e ngaahi fokotuʻutuʻu fakalotofonua ki hono tufa ia ʻi he feituʻu ngāué. Fakaʻaiʻai ʻa e tokotaha kotoa ke kau kakato ki ai. Fakakau ai ha fakahāhā ʻo fakahaaʻi ʻa e founga ʻe malava ke ngāueʻaki ai ʻa e tohi fakaafé.

15 min: Malangaʻi ʻa e Ongoongo Leleí ʻi ha Founga Maau. Malanga mo e fetalanoaʻaki mo e kau fanongó ʻo makatuʻunga ʻi he Organized to Do Jehovah’s Will, mei he kaveinga tokoni ʻi he peesi 102 ki he ngataʻanga ʻo e vahé.

15 min: “Kuo Tuku Mai ha Koloa.”e Fakatatau ki he taimí, fakaafeʻi ʻa e kau fanongó ke nau fai ha tali ʻi he ngaahi konga Tohi Tapu ʻoku haá.

Hiva 104 mo e lotu tuku.

[Fakamatala ʻi lalo]