Fakamanatu Ako Fakafaifekau Fakateokalatí
Ko e ngaahi fehuʻi fakamanatu ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻAokosi 27, 2007. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Siulai 2 ki ʻAokosi 27, 2007.
TUʻUNGA ʻO E LEÁ
1. ʻE lava fēfē ke tau fakahāhā ʻa e tokaʻi ʻo e niʻihi kehé ʻi heʻetau ngāue fakafaifekaú pea ʻi he fakatahaʻangá? [be p. 192 pal. 2-4]
2. Ko e hā ʻoku mātuʻaki fiemaʻú ka tau fakahāhā ai ʻa e tuipaú ʻi he taimi ʻoku tau fai ai ha fakamatalá? [be p. 196 pal. 1-3]
3. Ko e hā ʻa e ngaahi fokotuʻu ʻe niʻihi te ne tokoniʻi kitautolu ke tau fakapotopoto ʻi he faifakamoʻoni ki he niʻihi kehé? [be p. 198 pal. 1–p. 199 pal. 5]
4. ʻOku anga-fēfē ʻa e kau ʻa e taimi totonú ki he hoko ʻo fakapotopotó ʻi he taimi ʻoku tau faifakamoʻoni ai ki he niʻihi kehé? (Pal. 25:11) [be p. 199 pal. 2-4]
5. ʻE lava fēfē ke tau tauhi ʻa e anga ʻo e tō ʻo ʻetau malangá ke paú? [be p. 203 pal. 3-p. 204 pal. 1]
KONGA FIKA 1
6. Ko e hā ʻoku lava ke leaʻaki fekauʻaki mo e tuʻunga hiki tohi ʻo ʻIsikelí pea pehē ki he kau moʻoni ʻi he Tohi Tapú mo e alafalalaʻanga ʻa e tohi Isikelí? [bsi07 p. 6 pal. 3]
7. Ko e hā ʻa e ʻulungāanga ʻe taha ʻoku fiemaʻu tefito ki ha taha ke ne kātekina ai ʻa e fakamaau taʻetotonú? [w05 6/1 p. 29 pal. 4]
8. Ko e hā ʻoku tau ako mei he tali ʻa Sīsū ki he kau Sātusí ʻa ia naʻa nau fehuʻi kiate ia ʻo fekauʻaki mo e toetuʻú? (Luke 20:37, 38) [be p. 66 pal. 4]
9. ʻI he taimi ʻoku ʻeke ai ʻe ha tokotaha ako Tohi Tapu pe kaungātui ʻa e meʻa ʻoku totonu ke ne faí ʻi ha tuʻunga pau, ʻoku totonu ke fēfē hoʻo talí? [be p. 69 pal. 4-5]
10. Ko e hā ʻoku kau ki he hoko ʻo “fakafoʻou ʻe he Laumalie ʻo homou ʻatamai”? (Ef. 4:23) [be p. 74 pal. 4]
LAU TOHI TAPU FAKAUIKE
11. ʻI he Isikeli 9:2-4 (PM), ko hai ʻoku fakafofongaʻi ʻe he tangata naʻe kofu ʻaki ʻa e tupenu leleí, pea ko e hā ʻoku fakaʻilongaʻi ʻe he “fakailoga ki he foi laʻe”? [w88-E 9/15 p. 14 pal. 18]
12. ʻOku anga-fēfē ʻa e tatau ʻa e kau taki lotu ʻo e Puleʻanga-Haʻa-Kalisitiané mo e “kau palofita vale, ʻa ia [ne] nau muimui ki he laumalie ʻonautolu,” ʻa ia ʻoku fakamatalaʻi ʻi he Isikeli 13:3? [w99 10/1 p. 13]
13. ʻI hono leaʻaki ʻa e “palovepi” naʻe lēkooti ʻi he Isikeli 18:2, ko e hā naʻe feinga ʻa e kau ʻIsilelí ke faí, pea ko e hā ʻa e lēsoni mahuʻinga ʻoku fakamamafaʻi fekauʻaki mo e fiemaʻu ke fai ha fakamatalá? [w88-E 9/15 p. 18 pal. 10]
14. ʻI he ʻuhinga fē naʻe hoko ai ʻa ʻIsikeli ʻo “noa,” pe “longo,” lolotonga ʻa e taimi ʻo e ʻākoloʻi mo e fakaʻauha ʻo Selusalemá? (Isi. 24:27; 33:22) [w03 12/1 p. 29]
15. Ko hai ʻa “Koki ʻo e fonua ko Mekoki,” pea ko fē taimi ʻokú ne feinga ai ke fakaʻauha ʻa e kakai ʻa Sihová? (Isi. 38:1, 16 [38:2, PM]) [w97 3/1 p. 24 pal. 1–p. 25 pal. 3]