Taimi-Tēpile ki he Fakataha Ngāué
Uike Kamata Fepueli 11
10 min: Ngaahi fanongonongo fakalotofonua. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali-Maʻasi mo e ʻĀ Hake! ʻo Sanuali-Maʻasí.
15 min: ʻE Lava Ke Ke Ngāue ʻi he Feituʻu ʻOku Lahi Ange Ai ʻa e Fiemaʻú? Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Siulai 15, 2003, peesi 20. Fakakau ai mo e fakamatala mei he tohi Fokotuʻutuʻu Maau, peesi 111, palakalafi 1, ki he peesi 112, palakalafi 1. Fakaʻekeʻeke nounou ha faʻahinga naʻa nau hiki ki he feituʻu ʻoku lahi ange ai ʻa e fiemaʻú. Ko e hā ʻa e ngaahi pole naʻa nau fetaulaki mo iá, pea naʻe anga-fēfē ʻenau ikuʻi kinautolú? Ko e hā ʻa e ngaahi tāpuaki naʻa nau maʻú?
20 min: Tokoniʻi ʻa e Faʻahinga Foʻoú ke Fakalakalaka ʻi he Tuʻunga ko e Kau Faifekau. ʻI he hoko atu hili ha talateu ʻikai toe siʻi hifo ʻi he miniti ʻe taha, fai ha fetalanoaʻaki fehuʻi mo e tali ʻi he Taua Leʻo ʻo Tīsema 1, 2005, peesi 31, ʻo ngāueʻaki ʻa e ngaahi fehuʻi ako ʻoku hā aí. Hili ʻa e lāulea ki he palakalafi 18, ʻai ha fakahāhā ʻo fakahaaʻi ai ha tokotaha-ʻapi ʻokú ne fakafepakiʻi ha tokotaha malanga foʻou ʻoku ngāue fakataha mo ha tokotaha malanga taukei. ʻOku ʻikai ke ola lelei ʻa e tali ʻa e tokotaha malanga foʻoú, pea ʻoku fakangata mai ʻe he tokotaha-ʻapí ʻa e fetalanoaʻakí. Hili ʻena mavahé, ʻoku fakaongoongoleleiʻi māfana ʻe he tokotaha malanga taukeí ʻa e feinga ʻa e tokotaha foʻoú, peá ne fakahaaʻi ange leva kiate ia ʻa e founga ke ngāueʻaki nai ai ʻa e kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú ke taliʻaki ha taʻofiʻanga fetalanoaʻaki ʻi he kahaʻú.
Uike Kamata Fepueli 18
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
10 min: Ngaahi fiemaʻu fakalotofonua.
25 min: “Ko ha Fakamoʻoni ʻo e Tuí!”a Ke fai ʻe he ʻovasia ngāué. Fakaʻosiʻaki ha lāulea loto-māfana ki he meʻa kuo aʻusia ʻe he fakatahaʻangá he lolotonga ʻo e taʻu fakangāue kuohilí.
Uike Kamata Fepueli 25
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Fepuelí. Lau ʻa e fakamatala paʻangá pea mo hono fakamālōʻiaʻi ʻa e ngaahi tokoní. Fakahaaʻi ʻa e founga ke ngāueʻaki ai ʻa e tohi fakaafe ki he Fakamanatú ke fakaafeʻi ʻaki ha mēmipa ʻo e fāmilí pe ko ha kaungāʻapi.
20 min: “Fakamanatu ʻa e Huhuʻí ʻi he Houngaʻia.”b Fakatatau ki he taimí, fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá.
15 min: Mateuteu ke Tuʻuaki ʻa e Ngaahi Makasini Lolotongá. Fetalanoaʻaki mo e kau fanongó. Hili hono fakamatalaʻi nounou ʻa e Taua Leʻo ʻo Sanuali-Maʻasi mo e ʻĀ Hake! ʻo Sanuali-Maʻasí, ʻeke ki he kau fanongó pe ko e ngaahi kupu fē ʻe fakamānako nai ki he kakai ʻi he feituʻu ngāué pea mo e ʻuhinga ki aí. Fakaafeʻi ʻa e kau fanongó ke nau lave ki ha ngaahi poini pau ʻi he ngaahi kupu ʻoku nau palani ke fakaʻaliʻalí. Ko e hā ʻa e fehuʻi ʻe lava ke ʻeke ke kamata ʻaki ha fetalanoaʻakí? Ko fē leva ʻa e konga Tohi Tapu ʻi he kupú ʻe lava ke laú? ʻI hono ngāueʻaki ʻa e ngaahi fokotuʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali-Maʻasí mo e ʻĀ Hake! ʻo Sanuali-Maʻasí.
Uike Kamata Maʻasi 3
10 min: Ngaahi fanongonongo fakalotofonua. Fakamanatu ʻa e ngaahi poini tefito ʻi he puha “Ngaahi Meʻa ke Manatuʻi ki he Fakamanatú.”
20 min: ʻE Lava Ke Ke Kamata ha Ako Tohi Tapu ʻi Maʻasi? Fetalanoaʻaki mo e kau fanongó. ʻI he lolotonga ʻo Maʻasí te tau tuʻuaki ai ʻa e tohi Akoʻi ʻe he Tohi Tapú fakataha mo e taumuʻa ke kamata ha ngaahi ako Tohi Tapu. Fakamatala ki ha niʻihi ʻo e ngaahi tafaʻaki tuʻu-ki-muʻa ʻo e tohí. Lāulea ki he founga ʻe lava ke tuʻuaki ai ʻi he taimi ʻoku fai ai ʻa e toe foki ʻo ʻaʻahi ki ha taha naʻá ne mahuʻingaʻia he taimi naʻa tau tuku ai ha tohi fakaafe ki he Fakamanatú, ʻi he toe foki ki ha taha naʻe tuku ai ha makasini, pea mo e taimi ʻoku tuʻuaki ai ia ʻi he ngāue fakafaifekau mei he matapā-ki-he-matapaá hili ʻa Maʻasi 22. (Sio ki he km 8/07 p. 3; km 3/06 p. 1, pal. 3; km 1/06 p. 3-6.) Fakahāhaaʻi ha tuʻuaki ʻe taha pe ua.
15 min: Ngāueʻaki ʻa e Tohi Tapú ʻi he Tali ʻo e Ngaahi Fehuʻí. Malanga mo e fetalanoaʻaki mo e kau fanongó ʻo makatuʻunga ʻi he tohi Ako Fakafaifekau, peesi 143-4. Fakakau ai ha fakahāhā nounou ʻo ha tokotaha malanga ʻoku ʻeke ange ki ai ha fehuʻi anga-maheni ʻoku tau fanongo ai ʻi he feituʻu ngāue fakalotofonuá pea ʻokú ne ngāueʻaki leva ʻa e Tohi Tapú ke ʻoatu ʻa e talí.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.