Fakamanatu ʻo e Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻEpeleli 26, 2010. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Maʻasi 1 ki ʻEpeleli 26, 2010.

1. Naʻe ʻuhinga ki he hā ʻa Nāomi ʻi heʻene pehē “kuo hopo mo au ʻa Sihova, pea kuo fakamamahiʻi au ʻe Satai”? (Lute 1:21) [w05 3/1 p. 27 pal. 1]

2. Ko e hā ʻa e ʻulungaanga naʻe ʻai ai ʻa Lute ke ne hoko ko ha “fefine agalelei”? (Lute 3:11, PM) [w05 3/1 p. 28 pal. 6]

3. Naʻe anga-fēfē hono fakaivimālohiʻi ʻe ʻElikena ʻa hono uaifí ʻaki ʻene pehē “ʻikai ʻoku ou mahuʻinga kiate koe ʻi ha tama ʻe hongofulu?” (1 Sam. 1:8) [w90-E 3/15 p. 27 pal. 5-6]

4. Ko e hā naʻá ne ʻai ke taʻetotonu ʻa e kole ʻa ʻIsileli ki ha tuʻí? (1 Sam. 8:5) [w05 9/15 p. 20 pal. 17; it-2-E p. 163 pal. 1]

5. Naʻe anga-fēfē ʻa e hoko ʻa Sāmiuela, ʻa ia naʻe “motuʻa mo hinā,” ʻo fakamoʻoniʻi ʻa ʻene alafaʻifaʻitakiʻanga ʻi he lotu maʻá e niʻihi kehé, pea ko e hā ʻoku fakamamafaʻi ʻe he meʻá ni? (1 Sam. 12:2, 23) [w07 6/1 p. 29 pal. 14-15]

6. Ko e hā naʻe fakahaaʻi ai ʻe Saula ʻa e fakaʻatuʻi makehe ki he haʻa Keiní? (1 Sam. 15:6) [w05 3/15 p. 22 pal. 10]

7. Ko e hā naʻá ne ueʻi ʻa Saula ke ne ʻeke kia Tēvita ʻo pehē, “Ko e foha ʻo hai koe, tama?” (1 Sam. 17:58) [w07 8/1 p. 31 pal. 3, 5]

8. Ko e hā ʻe lava ke tau ako mei hono fakaleleiʻi ʻe Tēvita ha palopalema mafatukituki ʻi Katí? (1 Sam. 21:12, 13) [w05 3/15 p. 24 pal. 4]

9. Naʻe anga-fēfē hono fakahāhā ʻa e ʻofa mo e anga-fakatōkilalo ʻa Sionatané ʻi he taimi naʻe fiemaʻu ai ke poupouʻi mo fakalototoʻaʻi hono kaumeʻa ko Tēvitá? (1 Sam. 23:17) [lv p. 28 pal. 10, fkm. ʻi lalo]

10. Ko e hā ʻa e lēsoni ʻoku tau ako mei he fetalanoaʻaki ʻa Saula mo e faʻahikehe ʻo ʻEnitoá? (1 Sam. 28:8-19) [w05 3/15 p. 24 pal. 7]