Fakamanatu Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Fepueli 28, 2011. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Sanuali 3 ki Fepueli 28, 2011.

1. Ko e hā ʻa e ngāue naʻe kamataʻi ʻe Hesekaia ʻi he kamataʻanga ʻo ʻene pulé, pea ʻe lava fēfē ke tau faʻifaʻitaki kiate ia he ʻahó ni? (2 Kal. 29:16-18) [w09 6/15 p. 9 pal. 13]

2. ʻOku anga-fēfē hono fakamamafaʻi ʻi he 2 Kalonikali 36:21 ʻa e fakahoko ʻo e kikite naʻe hiki ʻi he Selemaia 25:8-11? [w06 11/15 p. 32 pal. 1-4]

3. ʻOku anga-fēfē hono poupouʻi ʻe he Esela 3:1-6 ʻa e fakamoʻoni Fakatohitapu ko e fakalala taʻu ʻe 70 ʻo Selusalemá naʻe ngata ia ʻi he taimi totonu? [w06 1/15 p. 19 pal. 2]

4. Ko e hā naʻe moʻutāfuʻua ai ʻa ʻĒsela ʻi heʻene ʻilo fekauʻaki mo e femaliʻaki mo e kakai ʻo e fonuá? (Esela 9:1-3) [w06 1/15 p. 20 pal. 1]

5. Ko hai ʻa e kau “houʻeiki,” pea ko e hā ʻenau fakakaukau ʻoku totonu ke tau fakaʻehiʻehi mei aí? (Nehe. 3:5) [w06 2/1 p. 9 pal. 9]

6. ʻOku anga-fēfē hoko ʻa Kōvana Nehemaia ko ha faʻifaʻitakiʻanga lelei ki he kau ʻovasia Kalisitiané? (Nehe. 5:14-19) [bsi06 p. 8 pal. 16]

7. ʻI he hangē ko e kau ʻIsileli ʻi he ʻaho ʻo Nehemaiá, ʻe lava fēfē ke tau fakaʻehiʻehi mei hono liʻaki ʻa e ‘fale ʻo hotau ʻOtuá’? (Nehe. 10:32-39) [w98 10/15 p. 21-22 pal. 12]

8. Ko e fakakaukauloto ki he ʻalunga ʻo Nehemaiá ʻe fakatupunga nai ai ke tau ʻeke hifo kia kitautolu ʻa e ongo fehuʻi ko e hā? (Nehe. 13:31) [w96 9/15 p. 14 pal. 3]

9. Naʻe fehokotaki fakasino taʻetaau ʻa ʻĒseta mo Tuʻi ʻAhasivelo? (Eseta 2:14-17) [w06 3/1 p. 9 pal. 3]

10. Ko e hā naʻe fakafisi ai ʻa Motekiai ke punou kia Hāmaní? (Eseta 3:2, 4) [w06 3/1 p. 9 pal. 4]