Fakamanatu Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Sune 25, 2012. Ko e ʻaho ʻoku fakataimitēpileʻi ai ʻa e poini taki taha ke lāulea aí ʻoku fakakau ia koeʻuhi ke lava ʻo fai ʻa e fekumí ʻi he taimi ʻoku fai ai ʻa e teuteu ki he akó ʻi he uike taki taha.

1. Ko e hao ʻa Selemaia lolotonga ʻa e ngaahi taimi faingataʻa fakaʻekonōmiká ʻoku ʻomai ai kia kitautolu ʻa e fakafiemālie ko e hā? (Sel. 37:21) [Mē 7, w97 10/1 p. 3 pal. 4–p. 4 pal. 1]

2. Ko e hā naʻe fakahāhā ai ʻe Sihova ʻene houngaʻia kia ʻEpeti-melekí, pea naʻe anga-fēfē? (Sel. 38:8-13) [Mē 7, w07 2/1 p. 18-19 pal. 6-7]

3. Ko e hā naʻe mātuʻaki hala ai ʻa e kau Siu ʻi ʻIsipité ʻi heʻenau fakaʻuhingá hangē ko ia ʻoku lēkooti ʻi he Selemaia 44:18? [Mē 21, w99 5/15 p. 13-14 pal. 15-16]

4. Ko e hā ʻa e “ngaahi meʻa lalahi” naʻe kumi ʻe Paluki maʻaná, pea ko e hā ʻoku tokoniʻi kitautolu ke tau tokangataha ki ai ʻi heʻene tali ki he akonaki ʻa Sihová? (Sel. 45:5) [Mē 21, w06 8/15 p. 18 pal. 1; p. 19 pal. 6]

5. Naʻe anga-fēfē hono fakahoko ʻe he kau Siu naʻe tuku pōpula ʻi Pāpiloné ʻa e Selemaia 51:6, 45, 50? [Sune 4, w08 6/15 p. 8-9 pal. 8-9]

6. Ko e hā ʻa e lēsoni ʻe lava ke ako mei he Tangilāulau 1:1-9? [Sune 11, w07 6/1 p. 9 pal. 5]

7. Ko e hā ʻa e “tuunga vaʻe” ʻo Sihová mo hono “fale fehikitaki”? (Tangi. 2:1, 6, PM) [Sune 11, w07 6/1 p. 9 pal. 2]

8. Ko e hā naʻe ʻuhinga ki ai ʻa Selemaia ʻi heʻene pehē ko Sihová te ne ‘manatu pea mapelu hifo’ kiate ia, pea ko e hā ʻoku mahuʻinga lahi ai eni kia kitautolú? (Tangi. 3:20) [Sune 18, w07 6/1 p. 11 pal. 3]

9. Ko e hā ʻoku ʻaonga ai ki ha tokotaha ke ne ako ke fua ha ʻioke ʻo e faingataʻa lolotonga ʻa e kei talavoú? (Tangi. 3:27) [Sune 18, w07 6/1 p. 11 pal. 5; w87 8/1 p. 22 pal. 3]

10. ʻE lava fēfē ke tokoniʻi kitautolu ʻe he faʻifaʻitakiʻanga ʻa ʻIsikelí ke tau lea ʻi he loto-toʻa neongo ʻa e taʻemahuʻingaʻia ʻa e niʻihi kehé? (ʻIsi. 3:8, 9) [Sune 25, w08 7/15 p. 8-9 pal. 6-7]