Ngaahi Feʻunuʻaki ki he Fakataha ʻi he Lolotonga ʻa e Uiké
Kamata ʻi he uike ʻo Sepitema 3, ʻe fakalōloa ai ʻa e Ako Tohi Tapu ʻa e Fakatahaʻangá mei he miniti ʻe 25 ki he 30. ʻI heʻene fakamatala talateú, ko e faiakó ʻe totonu ke ne vaheʻi ʻa e miniti ʻe taha ke fakamanatu ai ʻa e lēsoni ki muʻá. Ko e taimi ʻo e Fakataha Ngāué ʻe toe feʻunuʻaki foki mo ia mei he miniti ʻe 35 ki he 30. ʻE ʻikai kei ʻi ai ha konga mavahe ki he fanongonongó. ʻI hono kehé, ko ha faʻahinga fanongonongo pē ʻoku totonu ke fai ia ʻi he kamataʻanga ʻo e ʻuluaki konga kuo fakataimitēpileʻí. ʻI he ngaahi tuʻunga lahi, ʻe siʻisiʻi, ʻo kapau ʻe ʻi ai, ha ngaahi fanongonongo ʻe fiemaʻu, pea ʻoku ʻikai fiemaʻu ke fanongonongo ʻa e meʻa ʻe fakahoko mai ʻi he fakatahá. Ko e fanongonongo fekauʻaki mo e ngāue fakamalangá mo e ngaahi taimi-tēpile fakamaʻá, pea pehē ki he ngaahi ʻofa ʻoku talá, ʻoku ʻikai totonu ke fai ia. (km 10/08 p. 1, pal. 4) Kapau ʻe fakahoko mai ha fanongonongo lōloa, ʻe tokoni kapau ʻe ʻilo ki muʻa ʻe he faʻahinga ko ia ʻoku nau kau ʻi he fakatahá koeʻuhí ke lava ai ʻo nau fakanounou ʻa ʻenau kongá.