Fakamanatu Ako Fakafaifekau Fakateokalatí
Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo ʻAokosi 27, 2012. Ko e ʻaho ʻoku fakataimitēpileʻi ai ʻa e poini taki taha ke lāulea aí ʻoku toe fakakau atu foki.
1. Ko e hā ʻoku fakatātaaʻi ʻe he vīsone ʻa ʻIsikeli fekauʻaki mo Siuta tafoki mei he lotu moʻoní, ʻo akoʻi mai ai kia kitautolu ʻa e lēsoni mahuʻinga ko e hā? (ʻIsi. 8:15-17) [Siu. 2, w07 7/1 p. 13 pal. 6; w93 9/1 p. 28-30 pal. 7, 12]
2. ʻI he founga fē ʻoku faʻifaʻitaki ai ʻa e tokolahi taha ʻo e kau taki lotú ki he kau palōfita loi ʻi he ʻaho ʻo ʻIsikelí? (ʻIsi. 13:3, 7) [Siu. 9, w99 10/1 p. 13 pal. 14-15]
3. ʻI he kikite ʻoku hiki ʻi he ʻIsikeli 17:22-24, ko hai ʻa e “taha kei litolito,” ʻa ia “ʻi ha funga moʻunga maʻolunga mo hopo hake” ʻokú ne hunuki ki aí, pea ʻi he founga fē te ne hoko ai “ko e fuʻu sita langilangiʻia?” [Siu. 16, w07 7/1 p. 12-13 pal. 6]
4. Ko e hā ʻa e hehema hala ʻoku fiemaʻu ke tau fakaʻehiʻehi mei aí? (ʻIsi. 18:25) [Siu. 23, w10 10/15 p. 3-4 pal. 5-6]
5. ʻOku fakahaaʻi fēfē ʻe he meʻa naʻe hoko ʻoku hiki ʻi he ʻIsikeli 21:18-22 ʻoku ʻikai ha kau tangata pe ha kau tēmeniō ʻe lava ke nau liliu ʻa e taumuʻa ʻa Sihová? [Siu. 30, w07 7/1 p. 14 pal. 4]
6. Hangē ko ia ʻoku hiki ʻi he ʻIsikeli 24:6, 11, 12, ko e hā ʻoku fakatātaaʻi ʻe he ʻumeʻumea ʻa e kuló, pea ko e hā ʻa e tefitoʻi moʻoni ʻoku ʻomai ʻi he veesi 14? [ʻAo. 6, w07 7/1 p. 14 pal. 2]
7. Naʻe anga-fēfē hono fakahoko ʻa e kikite fekauʻaki mo e kolo ʻo Tāiá? [ʻAo. 6, bsi07 p. 7 pal. 4]
8. Ko hai nai ʻe lava ke fakahoa ki he ngaahi tuʻi ʻo Tāiá? (ʻIsi. 28:12-17) [ʻAo. 13, w05 10/15 p. 23 pal. 10-12]
9. Ko fē taimi naʻe fakalala taʻu ʻe 40 ai ʻa ʻIsipité, pea ko e hā ʻa e makatuʻunga ʻoku tau maʻu ke tui ai naʻe hoko ha fakalala pehē? (ʻIsi. 29:8-12) [ʻAo. 13, w07 8/1 p. 8 pal. 5]
10. Naʻe anga-fēfē ʻa e tali ʻa e niʻihi ki he ngaahi lea ʻa ʻIsikelí, pea ʻoku anga-fēfē ʻa e hoko ʻa ha meʻa meimei tatau ʻi he ʻaho ní? (ʻIsi. 33:32) [ʻAo. 20, w01 7/15 p. 17 pal. 9]