Taimi-Tēpile ki he Uike ʻo Nōvema 11
UIKE KAMATA NŌVEMA 11
Hiva 20 mo e Lotu
□ Ako Tohi Tapu ʻa e Fakatahaʻangá:
bt vahe 6 ¶1-8, puha ʻi he p. 49 (30 min.)
□ Ako Fakafaifekau Fakateokalatí:
Lau Tohi Tapu: Hepelū 1-8 (10 min.)
Fika 1: Hepelū 4:1-16 (4 min. pe siʻi ai)
Fika 2: ʻOku Lava Fēfē Ke Tau Fakahāhaaʻi ʻOku Tau Maʻu ʻa e “Poto ʻOku mei ʻOlungá”?—Sēm. 3:17, 18 (5 min.)
Fika 3: Akoʻi Anga-Kātaki ʻe Sīsū ki Heʻene Kau Ākongá ʻa e ʻOfá mo e Anga-Fakatōkilaló—gt vahe 115 (5 min.)
□ Fakataha Ngāué:
10 min: Founga ʻe Lava Ke Tau Tokoni Ai ke Feau ʻa e Ngaahi Fiemaʻu ʻa e Niʻihi Kehé. Malanga ke fai ʻe ha mātuʻa makatuʻunga ʻi he Taua Leʻo ʻo Nōvema 15, 2013, peesi 8-9.
10 min: Founga Hono Ikuʻi ʻa e Manavasiʻí ʻi he Malangá. Fetalanoaʻaki makatuʻunga ʻi he ngaahi fehuʻi ko ení: (1) ʻE lava fēfē ke tokoniʻi kitautolu ʻe he lotú ʻi he taimi ʻoku tau ongoʻi manavasiʻi ai ʻi he matapaá? (2) Ko e hā ʻoku tokoni ai ʻa e teuteu leleí kiate kitautolu ke siʻi ange ʻetau manavasiʻí? (3) Ko e hā ʻe lava ke tokoniʻi kitautolu ke siʻi ange ai ʻetau manavasiʻí ʻi he ngāue fakataha mo e ʻovasia sēketí? (4) Ko e hā ʻoku siʻi ange ai ʻa e manavasiʻí ʻi he kau lahi ange ki he ngāue fakafaifekaú? (5) Ko e hā kuó ne tokoniʻi koe ke ikuʻi ʻa e manavasiʻí?
10 min: “Sio ki he Kau Palōfitá ko ha Sīpinga—Hōsea.” Fehuʻi mo e tali.
Hiva 37 mo e Lotu