MOʻUI KO HA KALISITIANE
Fakaafeʻi ʻa e Tokotaha Kotoa ʻi Ho Feituʻu Ngāué ki he Fakamanatú!
Lolotonga ʻa e feingangāue ʻa ia ʻoku kamata ʻi Fepueli 27, te tau fakaafeʻi ai ʻa e tokolahi taha ʻe ala maʻu ʻi hotau feituʻú ke kau mo kitautolu ʻi he Fakamanatu ʻo e Pekia ʻa Kalaisí. ʻOku totonu foki ke tau toe tokanga fakamātoato ke fakatupulekina ha mahuʻingaʻia ʻoku fakahāhā ʻe ha tokotaha.
NGAAHI SITEPU KE FAKAKAUKAU KI AÍ
FAI HOʻO TUʻUAKÍ
“ʻOku mau tufaki ʻa e tohi fakaafe ko ení ki ha kātoanga mahuʻinga ʻaupito. ʻI Maʻasi 23, ʻe fakatahataha ai ʻa e laui miliona takatakai ʻi he māmaní ke fakamanatu ʻa e pekia ʻa Sīsū Kalaisí pea mo fanongo ʻi ha malanga Fakatohitapu taʻetotongi fekauʻaki mo e founga ʻo ʻetau maʻu ʻaonga mei heʻene pekiá. ʻOku hā ʻi he tohi fakaafe ko ení ʻa e feituʻu mo e taimi ʻo e fakamanatú. Te mau fiefia kapau te ke lava mai.”
Kapau ʻoku fakahāhā ʻe he tokotahá ha mahuʻingaʻia . . .
TUʻUAKI ʻA E TAUA LEʻO
Fakatoka ha makatuʻunga ki ha toe ʻaʻahi.
HULUʻI ʻA E VITIŌ KI HE FAKAMANATÚ
Fakatoka ha makatuʻunga ki ha toe ʻaʻahi.
ʻI hoʻo toe fokí, ʻe lava ke ke . . .
HULUʻI ʻA E KO E HĀ KE AKO AI ʻA E TOHI TAPÚ?
Tuʻuaki leva ʻa e ako Tohi Tapú.
TUʻUAKI ʻA E KO E HĀ ʻOKU AKOʻI MOʻONI ʻE HE TOHI TAPÚ?
Vahevahe ʻa e fakamatala lahi ange fekauʻaki mo e Fakamanatú ʻo ngāueʻaki ʻa e peesi 206-208. Tuʻuaki leva ʻa e tohí.
TUʻUAKI ʻA E FANONGO KI HE ʻOTUÁ
Lāulea ki he ʻuhinga ʻo e pekia ʻa Kalaisí, ʻo ngāueʻaki ʻa e peesi 18-19. Tuʻuaki leva ʻa e polosiuá.