TOKANGATAHA KI HE NGĀUE FAKAMALANGÁ
Fakaleleiʻi ʻEtau Pōtoʻi ʻi he Ngāue Fakafaifekaú—Faʻu Pē Haʻo Tuʻuaki ki he Makasiní
ʻUHINGA ʻOKU MAHUʻINGA AÍ: Neongo ko e sīpinga tuʻuaki ʻoku hā ʻi he polokalama ngāue ki he fakatahá ʻokú ne ʻomai ha ngaahi fakakaukau ʻaonga, ka ʻoku fakahaaʻi faingofua ia. ʻOku totonu ke ke ngāueʻaki hoʻo lea pē ʻaʻau. Te ke fai nai ha fakalea kehe pe ʻokú ke ongoʻi ʻoku fakamānako ange ha kaveinga ʻi he feituʻu fakalotofonuá. Kapau ko ia, hili hoʻo lau ʻa e makasiní, fakakaukau ki he sīpinga tuʻuakí, pea sio ʻi he foʻi vitiō tuʻuakí, ʻe lava ke ke ngāueʻaki ʻa e ngaahi tokoni ko ení ke faʻu haʻo tuʻuaki pē ʻaʻau.
FOUNGA HONO FAI IÁ:
ʻEke hifo kiate koe, ‘ʻOku ou loto ke ngāueʻaki ha taha ʻo e sīpinga tuʻuakí?’
ʻIO
Teuteu haʻo lea kamata. Hili hono fai ha lea fakafeʻiloaki anga-maheni, fakahaaʻi mahino e ʻuhinga hoʻo ʻaʻahí. (Fakatātā: “ʻOku ou ʻi hení koeʻuhí . . . ”)
Fakakaukau ki he anga hoʻo liliu ha fehuʻi, konga Tohi Tapu pea tuʻuaki. (Fakatātā: Ke fakahaaʻi ha konga Tohi Tapu, te ke pehē nai: “Ko ha tali fakafiemālie ki he fehuʻi ko iá ʻoku lava ke maʻu ia heni.”)
ʻIKAI
Fili ha kaveinga mei he makasini ʻokú ke mahuʻingaʻia aí mo fakamānako ʻi ho feituʻu ngāué
Fakakaukauʻi ha fehuʻi fakatupu fakakaukau ke ne fakatupulekina ʻa e fakakaukaú mo e fetalanoaʻakí kae ʻikai fakamaaʻi ʻa e tokotaha-ʻapí. (Fakatātā: Ko e ngaahi fehuʻi ʻoku hā ʻi he peesi 2 ʻo e makasiní.)
Fili ha konga Tohi Tapu ke lau.
Faʻu ha sētesi ʻe taha pe ua ʻoku fakamatala ai ki he tokotaha-ʻapí ʻa e founga ʻo ʻene maʻu ʻaonga mei hono lau ʻa e kupú
ʻI HA TUʻUNGA PĒ
Teuteu ha fehuʻi ke tali ki he toe ʻaʻahí
Hiki ha kiʻi nouti ke tokoni atu ke ke manatuʻi ʻa e meʻa ʻokú ke loto ke leaʻaki ki he taimi hono hokó