Tokoniʻi ʻa e Kau Ako Tohi Tapú ke Maʻu ʻa e Fakatahá

Ko e ngaahi fakataha ʻa e fakatahaʻangá ko ha konga mātuʻaki mahuʻinga ia ʻo e lotu maʻá. (Saame 22:22) Ko e faʻahinga kotoa ʻoku nau fakatahataha ke lotu kia Sihová ʻoku nau maʻu ʻa e fiefia mo e ngaahi tāpuaki. (Saame 65:4) ʻOku faʻa fakalakalaka vave ange ʻa e kau ako Tohi Tapú ʻi heʻenau maʻu maʻu pē ʻa e ngaahi fakatahá.

ʻE lava fēfē ke ke tokoniʻi hoʻo kau ako Tohi Tapú ke nau maʻu ʻa e ngaahi fakatahá? Fakaafeʻi maʻu pē kinautolu. Huluʻi ange ʻa e vitiō Ko e Hā ʻOku Fai ʻi ha Fale Fakatahaʻanga? pea fakamatalaʻi ʻa e ngaahi ʻaonga ʻo e ngaahi fakatahá. (lff lēsoni 10) Te ke vahevahe atu nai ha poini pau naʻá ke ako ʻi he fakatahá pe tala ange ʻa e meʻa ʻe lāulea ki ai ʻi he fakataha hono hokó. ʻOange ki hoʻo kau akó ʻa e tohi ʻe ngāueʻakí. Fai foki ha tokoni ʻaonga. Mahalo te nau fiemaʻu ha meʻalele. Ko ha tokoni pē ʻe lava ke ke fai ʻoku tuha moʻoni ia mo e feingá ʻi he fuofua maʻu fakataha ʻa hoʻo tokotaha akó.​—1 Kol. 14:24, 25.

SIO ʻI HE VITIŌ TOKONIʻI HOʻO KAU AKO TOHI TAPÚ KE MAʻU ʻA E FAKATAHÁ, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e faingamālie naʻe maʻu ʻe Nita ke fakaafeʻi ʻa Lose ki he fakatahá?

• 

  Ko e hā ʻoku tau fiefia ai ʻi ha maʻu ʻe he ako Tohi Tapú ʻa e ngaahi fakatahá?

• 

  Ko e hā naʻe hokosia ʻe Lose ʻi heʻene fuofua maʻu ʻa e fakatahá?