Tokoniʻi ʻa e Kau Ako Tohi Tapú ke Ikuʻi ʻa e Tōʻonga Taʻemaʻá

Ko e faʻahinga pē ʻoku nau maʻa fakaeʻulungāngá ʻe lava ke nau maʻu ha vahaʻangatae vāofi mo Sihova. (1 Pita 1:14-16) ʻI hono ikuʻi ʻe he kau ako Tohi Tapú ʻa e ngaahi tōʻonga koví, te nau toe hokosia ai ʻa e fiefia ʻi hono maʻu ha fāmili lelei ange, moʻui lelei ange, mo ha ngaahi ʻaonga fakapaʻanga.

Fakamatalaʻi māʻalaʻala ʻa e ngaahi tuʻunga fakaeʻulungaanga ʻo Sihová, ko e ʻuhinga fekauʻaki mo iá, mo e ngaahi ʻaonga ʻo e muimui ki aí. Tokangataha ki hono tokoniʻi hoʻo kau ako Tohi Tapú ke liliu ʻenau tūkunga fakaefakakaukaú, pea ʻe lava leva ai ke nau fai ʻa e ngaahi meʻa ʻoku finangalo ki ai ʻa Sihová. (ʻEf. 4:22-24) Fakapapauʻi kiate kinautolu ʻi he tokoni ʻa Sihová, ʻe lava ke nau ikuʻi ha tōʻonga kovi ʻoku faingataʻa ke liliu. (Fil. 4:13) Tokoniʻi kinautolu ke nau hū tōtōaki kia Sihova ʻi heʻenau hokosia ha holi ke faiangahala. Tokoniʻi kinautolu ke nau ʻiloʻi ʻa e ngaahi tuʻunga fakatauele ʻoku totonu ke nau fakaʻehiʻehi mei aí. Fakalototoʻaʻi kinautolu ke fetongi ʻa e ngaahi tōʻonga taʻemaʻá ʻaki ʻa e ngaahi ngāue lelei. Te ke maʻu ʻa e fiefia ʻi he sio ki he kau ako Tohi Tapú ʻoku nau lavameʻa ʻi hono fai ha ngaahi liliu ʻi he tokoni ʻa Sihová.

SIO ʻI HE VITIŌ TOKONIʻI HOʻO KAU AKO TOHI TAPÚ KE IKUʻI ʻA E TŌʻONGA TAʻEMAʻÁ, PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē fakafeangai ʻa Nita mo e kau mātuʻá ʻi heʻenau ʻilo fekauʻaki mo e tōʻonga taʻemaʻa ʻa Losé?

• 

  Naʻe anga-fēfē hono tokoniʻi lahi ange ʻe Nita ʻa Losé?

• 

  Naʻe anga-fēfē kumi ʻa Lose ki he tokoni ʻa Sihová?