ʻEke Fehuʻi

Ko Sihova ko e “ʻOtua fiefiá” ʻokú ne loto ke tau fiefia ʻi he ngāue fakafaifekaú. (1 Tīm. 1:11) ʻE tupulaki ʻetau fiefiá ʻi heʻetau ngāue ke fakaleleiʻi ʻetau pōtoʻí. Ko e ʻeke ha ngaahi fehuʻí ʻe lava ke ne langaʻi ha mahuʻingaʻia pea ko e founga fakanatula ia ke kamataʻi ha fetalanoaʻaki. Ko e ngaahi fehuʻí ʻokú ne fakaʻaiʻai ʻa e kakaí ke nau fakakaukau mo fakaʻuhinga. (Māt. 22:41-45) ʻI hono ʻeke ʻa e ngaahi fehuʻí pea fanongo ki he talí, ʻoku hangē ia ʻoku tau tala ange ki he tokotahá, ‘ʻOkú ke mahuʻinga kiate au.’ (Sēm. 1:19) Ko e tali ʻa e tokotahá ʻe tokoni nai ia ke tau ʻilo ʻa e founga lelei taha ke hoko atu ki ai ʻa e fetalanoaʻakí.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—FAKALELEIʻI HOʻO PŌTOʻÍ​—ʻEKE FEHUʻI PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e ngaahi ʻulungaanga lelei naʻe fakahāhā ʻe Losé?

• 

  Ko e hā ha fehuʻi naʻe ngāueʻaki ʻe Nita ke fakahaaʻi ʻa e mahuʻingaʻia fakafoʻituituí?

• 

  Ko e hā ha fehuʻi naʻe ngāueʻaki ʻe Nita ke langaʻi ʻa e mahuʻingaʻia ʻa Lose ʻi he ongoongo leleí?

• 

  Ko e hā ha fehuʻi naʻe ngāueʻaki ʻe Nita ke tokoniʻi ʻa Lose ke fakakaukau mo fakaʻuhingá?