Aʻu ki he Lotó

Ko e talangofua ki he ʻOtuá ʻoku ueʻi ia mei he lotó. (Pal. 3:1) Ko ia ai, ʻi heʻetau faiakó kuo pau ke tau feinga ke aʻu ki he loto ʻo ʻetau kau fanongó. Anga-fēfē?

ʻOua ʻe akoʻi pē ki hoʻo tokotaha akó ʻa e ngaahi moʻoni mei he Tohi Tapú kae tokoniʻi ia ke ne mahinoʻi ʻa e anga ʻo e kaunga ʻa e fakamatalá ki heʻene moʻuí pea mo ʻene vahaʻangatae mo Sihová. Tokoniʻi ia ke ne mahinoʻi ʻa e founga hono fakahaaʻi ʻe he ngaahi tuʻunga Fakatohitapú ʻa e ʻofa, lelei mo e māʻoniʻoni ʻa e ʻOtuá. ʻEke ha ngaahi fehuʻi ʻi ha founga anga-lelei mo ʻiloʻilo ke tokoniʻi ia ke ne sivisiviʻi ʻa e anga ʻo ʻene ongoʻi ki he meʻa ʻokú ne akó. Tokoniʻi ia ke ne fakakaukau ki he ngaahi ʻaonga te ne maʻu kapau te ne fakatonutonu ʻene fakakaukau halá pe ko ha tōʻonga kovi. ʻE tupulaki hoʻo fiefiá ʻi hoʻo sio ki he ʻofa moʻoni hoʻo tokotaha akó kia Sihova.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—FAKALELEIʻI HOʻO PŌTOʻÍ​—AʻU KI HE LOTÓ, PEA TALI LEVA ʻA E NGAAHI FEHUʻI KO ENÍ:

• 

  Ko e hā naʻe ʻeke ai ʻe Nita kia Lose, “Naʻá ke fakakaukau ki he meʻa naʻá ta talanoa ki ai ʻi he Mōnité?”

• 

  Naʻe anga-fēfē hono tokoniʻi ʻe Nita ʻa Lose ke ne mahinoʻi ʻa e ʻofa ʻa Sihová fakafou ʻi he ngaahi tuʻunga Fakatohitapú?

• 

  Naʻe anga-fēfē hono tokoniʻi ʻe Nita ʻa Lose ke ne mahinoʻi ʻa e founga ke fakahāhā ai ʻene ʻofa ki he ʻOtuá?