Ko e Ngaahi Meʻamoʻui Laumālie ʻe Laui Miliona

ʻOku fakahā mai ʻe he Tohitapú ʻoku tokolahi ʻa e faʻahinga ʻi he laumālié. Ko Sihova tonu ko ha tokotaha laumālie.​—Sione 4:24; 2 Kolinitō 3:17, 18.

Naʻe ʻi ai ha taimi naʻe toko taha pē ʻa Sihova ʻi he ʻuniveesí. Naʻá ne kamata leva ke fakatupu ʻa e faʻahinga ʻi he laumālié ʻoku ui ko e kau ʻāngeló. ʻOku nau mālohi ange pea ʻatamai poto ange ʻi he faʻahinga ʻo e tangatá. Naʻe fakatupu ʻe Sihova ʻa e kau ʻāngelo tokolahi; naʻe mamata ʻi ha vīsone ʻa e sevāniti ʻa e ʻOtuá, ko Tāniela, ki he kau ʻāngelo ʻe toko teau miliona.​—Tāniela 7:10; Hepelū 1:7.

Naʻa mo e ki muʻa ke fakatupu ʻe he ʻOtuá ʻa e māmaní naʻá ne fakatupu ʻa e kau ʻāngelo ko ʻení. (Siope 38:4-7) ʻOku ʻikai ha taha ʻiate kinautolu ko ha tokotaha ia naʻá ne moʻui pea mate ʻi he māmaní.