Lēsoni 15
Ko Hono Tokoniʻi ʻa e Niʻihi Kehé ke Fai ʻa e Finangalo ʻo e ʻOtuá
Ko e hā ke tala ai ki he niʻihi kehé ʻo fekauʻaki mo e meʻa ʻokú ke akó? (1)
Ko hai te ke vahevahe atu ki ai ʻa e ongoongo leleí? (2)
Ko e hā ʻa e kaunga ho ʻulungāngá ki he niʻihi kehé? (2)
Ko fē ʻa e taimi te ke malanga fakataha ai mo e fakatahaʻangá? (3)
1. Kuó ke ako ʻeni ʻa e ngaahi meʻa lelei lahi mei he Tohitapú. ʻOku totonu ke taki atu ʻa e ʻilo ko ʻení ki hoʻo fakatupu ʻa e angaʻitangata faka-Kalisitiané. (Efeso 4:22-24) ʻOku mātuʻaki fiemaʻu ʻa e ʻilo peheé kae lava ke ke maʻu ʻa e moʻui taʻengatá. (Sione 17:3) Kae kehe, ʻoku fiemaʻu foki ki he niʻihi kehé ke nau fanongo ki he ongoongo leleí ka nau lava mo kinautolu ke hao. Ko e kau Kalisitiane moʻoni kotoa pē kuo pau ke nau faifakamoʻoni ki he niʻihi kehé. Ko e fekau ia ʻa e ʻOtuá.—Loma 10:10; 1 Kolinito 9:16; 1 Timote 4:16.
2. ʻE lava ke ke kamata ʻaki hoʻo vahevahe atu ki he faʻahinga ʻoku ofi mai kiate koé ʻa e ngaahi meʻa lelei ʻokú ke akó. Tala ia ki ho fāmilí, ngaahi kaumeʻá, kaungāakó, mo e kaungāngāué. Ke anga-ʻofa mo anga-kātaki ʻi hoʻo fai iá. (2 Timote 2:24, 25) Manatuʻi ʻoku faʻa sio ʻa e kakaí ki he ʻulungaanga ʻo ha taha ʻo lahi ange ia ʻi heʻenau fanongo ki he meʻa ʻokú ne leaʻakí. Ko ia ai, ko ho ʻulungaanga leleí ʻe lava ke ne tohoaki mai ʻa e niʻihi kehé ke fanongo ki he pōpoaki ʻokú ke tala atu kiate kinautolú.—Mātiu 5:16; 1 Pita 3:1, 2, 16.
3. ʻI he faai atu ʻa e taimí, te ke taau nai ai ke kamata malanga fakataha mo e fakatahaʻanga ʻa e Kau Fakamoʻoni ʻa Sihová ʻi he koló. Ko ha lākanga mahuʻinga ʻeni ʻi hoʻo fakalakalaká. (Mātiu 24:14) Ko ha fiefia lahi ē ʻe hoko kapau te ke malava ʻo tokoniʻi ha taha kehe ke hoko ko ha sevāniti ʻa Sihova pea maʻu ʻa e moʻui taʻengatá!—1 Tesalonaika 2:19, 20.