Ko Hai ʻa e ʻOtua Moʻoní?

ʻOku taha pē ʻa e ʻOtua moʻoní, pea ko hono huafá ko Sihova. (Saame 83:18) Ko ha Laumālie ia; ʻoku ʻikai malava ke tau sio kiate ia. ʻOkú ne ʻofa ʻiate kitautolu pea ʻokú ne fiemaʻu ke tau ʻofa ange foki kiate ia. ʻOkú ne toe fiemaʻu foki ke tau ʻofa ki he kakai kehé. (Mātiu 22:35-40) Ko ia ʻa e Tokotaha Aoniú, ko e Tokotaha-Fakatupu ʻo e meʻa kotoa pē.

Ko e ʻuluaki fakatupu ʻa e ʻOtuá ko ha tokotaha laumālie mālohi ʻa ia naʻe hoko ʻo ʻiloa ki mui ko Sīsū Kalaisi. Naʻe toe fakatupu foki ʻe Sihova ʻa e kau ʻāngeló.

Naʻe fakatupu ʻe Sihova ʻa e meʻa kotoa pē ʻi hēvani . . . pea ʻi he māmaní. Fakahā 4:11

Naʻe fakatupu ʻe Sihova ko e ʻOtuá ʻa e ngaahi fetuʻú pea pehē ki he māmaní mo e meʻa kotoa ʻoku ʻi aí.​—Sēnesi 1:1.

Naʻá ne ngaohi ʻa ʻĀtama, ʻa e ʻuluaki tangatá, mei he efu ʻo e kelekelé.​—Sēnesi 2:7.