Naʻe Fēfē ʻa e Moʻuí ʻi he Palataisí?

Naʻe ʻoange ʻe Sihova kia ʻĀtama mo ʻIvi ʻa e ngaahi meʻa lelei lahi. Sēnesi 1:28

Naʻe ngaohi ʻe Sihova ʻa e ʻuluaki fefiné, ʻa ʻIvi, pea ʻoange ia kia ʻĀtama ke hoko ko hono uaifi.​—Sēnesi 2:21, 22.

Naʻe fakatupu kinaua ʻe Sihova fakataha mo e ʻatamai mo e sino ʻa ia naʻe haohaoa, ʻo ʻikai hano mele ʻe taha.

Ko hona ʻapi Palataisí ko e ngoue ʻo ʻĪtení​—ko ha feituʻu fakaʻofoʻofa ʻaupito naʻe ʻi ai ha vaitafe mo e ʻuluʻakau fua mo e fanga manu.

Naʻe folofola ʻa Sihova kiate kinaua; naʻá ne akoʻi kinaua. Kapau naʻá na fanongo kiate ia, te na moʻui taʻengata he Palataisi ʻi he māmaní.

Naʻe folofola ʻa e ʻOtuá ke ʻoua ʻe kai mei he taha ʻo e ngaahi ʻuluʻakaú. Sēnesi 2:16, 17

Naʻe fakahā ʻe Sihova kia ʻĀtama mo ʻIvi ha fuʻu ʻakau fua ʻe taha ʻi he ngoué peá ne folofola kiate kinaua kapau te na kai mei ai, te na mate.

Ko e taha ʻo e kau ʻāngeló naʻe angatuʻu ia ki he ʻOtuá. Ko e ʻāngelo fulikivanu ko iá ko Sētane ko e Tēvoló.

Naʻe ʻikai fiemaʻu ʻe Sētane ʻa ʻĀtama mo ʻIvi ke na talangofua kia Sihova. Ko ia naʻá ne ngāueʻaki ha ngata ke tala ange kia ʻIvi kapau te ne kai ʻa e fua mei he ʻakau ko iá, ʻe ʻikai te ne mate, ka te ne hangē ko e ʻOtuá. Ko hono moʻoní, ko ha loi ia.​—Sēnesi 3:1-5.