KONGA 4

Naʻá Na Fanongo kia Sētane—Ko e Hā ʻa e Ikuʻangá?

Naʻe ʻikai ke talangofua ʻa ʻĀtama mo ʻIvi ki he ʻOtuá, ko ia naʻá na mate. Sēnesi 3:6, 23

Kai ‘e ‘Ivi ‘a e fua‘i‘akau na‘e tapuí pea ‘oange ha konga kia ‘Ātama

Naʻe fanongo ʻa ʻIvi ki he ngatá ʻo ne kai ʻa e fuaʻiʻakaú. ʻI he hili iá, naʻá ne ʻoange ha konga kia ʻĀtama, pea naʻá ne kai ia.

Mavahe ‘a ‘Ātama mo ‘Ivi mei hona ‘api Palataisí

Ko e meʻa naʻá na faí naʻe hala—ko ha angahala ia. Naʻe ʻai ʻe he ʻOtuá ke na mavahe mei hona ʻapi Palataisí.

Tupu ‘a ‘Ātama mo ‘Ivi ‘o motu‘a peá na mate leva

Naʻe faingataʻa ʻa e moʻuí kiate kinaua pea mo ʻena fānaú. Naʻá na tupu ʻo motuʻa peá na mate. Naʻe ʻikai te na ʻalu ki he nofoʻanga laumālié; naʻe ngata ʻa ʻena moʻuí.

ʻOku ʻikai moʻui ʻa e kau maté ʻo tatau pē mo e efú. Sēnesi 3:19

Kakai ‘o e anga fakafonua kehekehe ‘i he vaha‘a taimi kehekehe

ʻOku tau maté koeʻuhi ʻoku tau haʻu kotoa meia ʻĀtama mo ʻIvi. Ko e kau maté ʻoku ʻikai malava ke nau sio pe fanongo pe fai ha meʻa ʻe taha.—Tangata Malanga 9:5, 10.

Mate ha ta‘ahine pea tengihia ‘e hono fāmilí

Naʻe ʻikai ʻuhinga ʻa Sihova ke mate ʻa e kakaí. ʻE vavé ni ke ne fakafoki mai ki he moʻuí ʻa e faʻahinga ʻoku mohe ʻi he maté. Kapau te nau fanongo kiate ia, te nau moʻui taʻengata.