Talateu ki he Konga 5

ʻI ha māhina ʻe ua hili ʻenau ʻalu atu ʻi he Tahi Kulokulá, naʻe aʻu ʻa e kau ʻIsilelí ki Moʻunga Sainai. Naʻe fai ai ʻe Sihova ha fuakava mo ʻIsileli ke nau hoko ko ʻene kakai makehe. Naʻá ne maluʻi kinautolu pea ʻoange ʻa e meʻa kotoa pē naʻa nau fiemaʻú—ko e mana ke nau kai, vala naʻe ʻikai ke mahae, mo ha feituʻu malu ke nau nofo ai. Kapau ko ha mātuʻa tauhi fānau koe, tokoniʻi hoʻo kiʻi tamá ke ne mahinoʻi ʻa e ʻuhinga naʻe ʻoange ai ʻe Sihova ki he kau ʻIsilelí ʻa e Laó, ko e tāpanekalé, mo e tuʻunga taulaʻeikí. Fakamamafaʻi ʻa e mahuʻinga ʻo e fai ki heʻetau leá, anga-fakatōkilalo ai pē, pea mateaki maʻu pē kia Sihova.